الموضوع: سؤال بخصوص عداد حرارة النيسان صنى2012

عمر ما كان التسخين علشان دوره الزيت تكتمل لان طرمبه الزيت من نوع positive displacement pump وهو مميز بانه بيدي ضغط عالي جدا من اول تشغيله مما يؤكد ان دوره الزيت بتكتمل من اول ثانيه تشتغل فيها
او بالبلدي اول ما لمبه الزيت في الطابلوه تطفي
ولكن هدف التسخين الرئيسي هو تخفيض لزوجه الزيت علشان ميبقاش حمل زياده علي الموتور
او بالبلدي متاكلش بنزين
طيب ايه الفرق بين العربيات القديمه والجديده
طبعا نظريه صناعه المحركات ثابته باختلاف التكنولوجيا يعني التكنولوجيا هي اللي بتختلف مش الفكره الاساسيه
دلوقتي اضافو حاجه اسمها لمدا سينسور وهو هدفه انه يزود ال ار بي ام باع الموتور عن طريق زياده كميه البنزين للتغلب علي زياده لزوجه الزيت العاليه والختراع ده مكنش موجود في العربيات القديمه وكان بيستبدل بالشفاط وهو يؤدي نفس الوظيفه بس مانيوال
ولو تلاحظ انك لما تدور العربيه في الشتاء بيكون ال ار بي ام علي 1300 وفي الصيف علي 1000 ولو لسه طافي ومدور تاني ربما يكون علي وضعه الطبيعي 700-800
لذلك ينصح بالانتظار حتي يصبح الار بي ام علي وضعه الطيبعي
مفبش حاجه اسمها دقيقه و تطلع او اطلع علطول والكلام الفارغ ده مش بالوقت هي !
حسب الحاله اللي عليها الموتور بتتصرف مش اكتر
طيب لو طلعت علطول هيحصل حاجه
الاجابه لا بس هتاكل شويه بنزين بس لو قرصت جامد ممكن الموتور يسخن بمعدل عالي اوي وده مش كويس لانه مجهد لبلوك الموتور والجوانات نتيجه التغير المفاجئ في درجه الحراره

المفروض العربية تسخنها عالسلانسيه لمدة 30 ثانية بعد تدويرها (لحد ما تلاقي ال rpm نزل من 1200 إلى 800 مثلا ) وبعد كده تبدأ تمشي بالعربية ولكن بrpm قليل (أقل من نصف القيمة القصوى ) لحد مالعربية توصل لدرجة حرارة التشغيل (ساعتها ال rpm هيكون وصل إلى 650 700) بعدها إمشي على أي rpm.

والطريقة دي تضمنلك أقل زمن للوصول الى درجة حرارة التشغيل ، و تحافظلك على عمر الموتور.
عيب التسخين على السلانسيه : إن درجة حرارة الحريق القصوى أقل من الستاندر (الستايكومتريك)
وكنتيجة لذلك بتحصل مشاكل كتير بداية من التأثير على الأجزاء الداخلية للموتور
إلى تقليل عمر الكاتاليزر(محول الحفز) إلى زيادة معدل صدأ علب الشكمان و....
التفاصيل كلها موجودة في الموضوع ده:
http://www.nilemotors.net/Nile/219993-a.html

المشاركة الأصلية كتبت بواسطة م/محمد

عمر ما كان التسخين علشان دوره الزيت تكتمل لان طرمبه الزيت من نوع positive displacement pump وهو مميز بانه بيدي ضغط عالي جدا من اول تشغيله مما يؤكد ان دوره الزيت بتكتمل من اول ثانيه تشتغل فيها
او بالبلدي اول ما لمبه الزيت في الطابلوه تطفي
ولكن هدف التسخين الرئيسي هو تخفيض لزوجه الزيت علشان ميبقاش حمل زياده علي الموتور
او بالبلدي متاكلش بنزين
طيب ايه الفرق بين العربيات القديمه والجديده
طبعا نظريه صناعه المحركات ثابته باختلاف التكنولوجيا يعني التكنولوجيا هي اللي بتختلف مش الفكره الاساسيه

دلوقتي اضافو حاجه اسمها لمدا سينسور وهو هدفه انه يزود ال ار بي ام باع الموتور عن طريق زياده كميه البنزين للتغلب علي زياده لزوجه الزيت العاليه والختراع ده مكنش موجود في العربيات القديمه وكان بيستبدل بالشفاط وهو يؤدي نفس الوظيفه بس مانيوال

عذرا ... الكلام ده مش سليم !!
أولا : لمدا سينسور هو نفسه حساس الأكسجين(وطبعا وظيفته يقيس كمية الأكسجين في العادم وبناءا عليه بيعرف الخليط غني ولا فقير)
(مثال: لو الأكسجين قليل جدا في العادم ، فيعطي سيجنال للكمبيوتر عشان تقلل كمية البنزين وبالتالي يقل إستهلاك الوقود)
ثانيا : ال(لمدا سينسور) مش بديل للشفاط.
بالنسبة للكاربراتيرات كان في شفاط (سواء مانيوال أو أوتوماتيك) عشان يساعد في عملية بدء الإدارة والتسخين، أما أجهزة حقن الوقود ففي بداياتها كانت ميكانيكية وكان بديل الشفاط وقتها حاجة إسمها warm-up regulator وبصراحة مش فاكر كان شغال إزاي.
ولما تطورت أجهزة الحقن وأصبحت إلكترونية أصبح بديل الشفاط auxiliary air device يعمل bypass للبوابة ويعدي هوا زيادة للموتور فيحس بيه ال maf فيدي سيجنال للرشاشات تزود كمية البنزين وبالتالي الrpm تصبح أعلى.

ولو تلاحظ انك لما تدور العربيه في الشتاء بيكون ال ار بي ام علي 1300 وفي الصيف علي 1000 ولو لسه طافي ومدور تاني ربما يكون علي وضعه الطبيعي 700-800
لذلك ينصح بالانتظار حتي يصبح الار بي ام علي وضعه الطيبعي
مفبش حاجه اسمها دقيقه و تطلع او اطلع علطول والكلام الفارغ ده مش بالوقت هي !
حسب الحاله اللي عليها الموتور بتتصرف مش اكتر
طيب لو طلعت علطول هيحصل حاجه
الاجابه لا بس هتاكل شويه بنزين بس لو قرصت جامد ممكن الموتور يسخن بمعدل عالي اوي وده مش كويس لانه مجهد لبلوك الموتور والجوانات نتيجه التغير المفاجئ في درجه الحراره

غلط جدا إنك تدور وتطلع علطول .. لان السلانسيه ساعتها عالي فبمجرد ماتدوس بنزين العربية هتنط منك بسرعة أكتر ، ومعدل الإحتكاك الداخلي بين أجزاء الموتور هيكون أعلى مايكون عشان الخلوصات مش في مستواها الطبيعي وخصوصا الخلوص بين الكرنك والسبايك.. طبعا مش من يوم والليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل.

والله أعلم.

المشاركة الأصلية كتبت بواسطة ahmedhawas

المفروض العربية تسخنها عالسلانسيه لمدة 30 ثانية بعد تدويرها (لحد ما تلاقي ال rpm نزل من 1200 إلى 800 مثلا ) وبعد كده تبدأ تمشي بالعربية ولكن بrpm قليل (أقل من نصف القيمة القصوى ) لحد مالعربية توصل لدرجة حرارة التشغيل (ساعتها ال rpm هيكون وصل إلى 650 700) بعدها إمشي على أي rpm.

والطريقة دي تضمنلك أقل زمن للوصول الى درجة حرارة التشغيل ، و تحافظلك على عمر الموتور.
عيب التسخين على السلانسيه : إن درجة حرارة الحريق القصوى أقل من الستاندر (الستايكومتريك)
وكنتيجة لذلك بتحصل مشاكل كتير بداية من التأثير على الأجزاء الداخلية للموتور
إلى تقليل عمر الكاتاليزر(محول الحفز) إلى زيادة معدل صدأ علب الشكمان و....
التفاصيل كلها موجودة في الموضوع ده:
http://www.nilemotors.net/Nile/219993-a.html



والله أعلم.

في باطن الكلام انا شايف انك مش مختلف معايا اوي ولكن في ظاهره انت معارض بشده وانا صراحه مش ضد المعارضه لان كلها افاده بس ياريت تكون علي اساس علمي للافادة
وانت محددتش ايه الكلام اللي مش سليم يعني نوع الطرمبه بتاعه الزيت الصح ايه؟

وان كان ليه بعض الاسئله علي الرغم من عدم وضوح ردك و المفهوم اللي انت عايز توصله ليه او للناس
1- ايه علاقه sticometric air ratio واللي هي نسبه الهواء علي الوقود بالكتله او بالحجم ...بدرجه الحراره القصوي و يعني ايه اصلا درجه الحراره القصوي ؟ يعني جهنم اللي بتولعها البوجيهات في الاوضه اللي اسمها السيلندر درجه حرارتها فيها عظمي وصغري ؟ ولاانت تقصد درجه حراره مية الرادياتير
2- الكاتلتك عمر ما هيجراله حاجه طالما غازات العادم مفهاش مشكله و عمر ماهيبقا فيها مشكله طالما tps ,maf, lmdba sensor مفهمش مشكله و اللمدا سينسور هو اللي بيحل المشكله دي في التسخين
3-اذا كان التسخين علي السلانسيه بيعمل مشكله يبقي التسخين بالمشي يعمل ايه مصيبه؟ مش هتفرق في حاجه خالص غير انه حمل صريح اوي ومباشر علي قلب الموتور
4-ايه مصدر معلومه ال 30 ثانيه تسخين دي ؟ و بناء علي ايه؟ و ها تحت اي ظرف ؟
5- انا معاك هو اللمدا سنسور تجاريااسمه حساس اكسجين بس ده ميلغيش وظيفته في التسخين !
6-ما علاقه ال maf sensor صراحه بتسخين السياره وهو مخصص لتحكم في كميه الهوا اللي داخله للموتور سواء في حاله التسخين او في المشي العادي يعني في التسخين مين اللي بيديله السيجنال لو مش اللمدا سينسور
7-طالما لمدا سنسور مش بديل الشفاط وامال يبقي ايه؟
8- انا معاك ان العربيه هتبقي فيها بنزين زياده في بدايه التشغيل بس مش هتنط يعني و هو حضرتك فاكر الخلوصات دي قد ايه بارد /ساخن وتغيرها بيبقي قد ايه لدرجه انها هتقصف عمر الموتور ده اذا فرضنا ان الموتور البارد مش عايم في زيت لزج تني لسه بيسخن ؟
في ناس كتير -وانا اعرف ناس شخصيا - ركبو عربيات حديثه علطول فبيدور بيلاقيها مظبوطه و100% بيطلع في ثانيه وعاملين 140 و 150 الف والموتور مشتكاش من حاجه خالص الموضوع مش مؤثر في حاجه غير البنزين الزياده لان لمدا سينسور معليا البنزين وانت مزوده بtps والخوف كله من thermal stress
جاوب علي دول و انا هطلعلك بقي كتب الاحتراق الداخلي بتاعه الكليه وهنقطع في بعض
انا طبعامستني نستفيد من بعض ونفيد الاعضاء ونتعلم .

من
wikipedia

A mass air flow sensor is used to find out the mass flowrate of air entering a fuel-injected internal combustion engine. The air mass information is necessary for the engine control unit (ECU) to balance and deliver the correct fuel mass to the engine. Air changes its density as it expands and contracts with temperature and pressure. In automotive applications, air density varies with the ambient temperature, altitude

و خلاصته ان ال ماس وظيفته بيتحكم في كميه الهوا اللي داخله للموتور طبقا لدرجه الحراره والضغط والارتفاع اللي فيه السياره لاختلاف كثافه الهوا باختلاف العوامل دي

wikipedia
When the engine is under low-load conditions (such as when accelerating very gently, or maintaining a constant speed), it is operating in "closed-loop mode." This refers to a feedback loop between the ECU and the oxygen sensor(s) in which the ECU adjusts the quantity of fuel and expects to see a resulting change in the response of the oxygen sensor. This loop forces the engine to operate both slightly lean and slightly rich on successive loops, as it attempts to maintain a mostly stoichiometric ratio on average
يعني في السلانسيه او المشي بالراحه بيقفل الهوا جزئيا طبعا ويعمل دايره مغلقه وبيخلي الخريق شويه فقير وشويه غني (يعني بالبنزين) لحد مال ecu يحس انها وصلت للاستايكومتريك فيعمل open loop مره تانيه والحركه دي بتحسها في هزه خفيفه اوي في الموتور علي فترات وهو بيسخن فبالتالي انا ضامن دايما احسن حريق ممكن تحت اي ظرف طالما العربيه سليمه