مشكلع فى الفتيس هبدة جامدة

**ahmedadam** · 05-11-2011 10:41 PM

اخوانى كل عام و انتم بخير ارجوكم المساعدة انهاردة و انا راجع البيت على سرعه 60 حصلت هبدة جامده و بعدين ظهرت رساله تشيك جير بوكس و بعدين بطلت العربيه راحت الرساله عايز اعرف ما هى المشكله و كيفيه اصلاحها و اسعار تكلفه المشكله دى مع العلم انى عمرى ما بجرى خالص و سواقتى هاديه جدا

**Ahmed Selim** · 05-11-2011 11:13 PM

غالباً سولونيد الفتيس......و تكلفته فى حدود 400 أو 500 برة التوكيل طبعاً.

بس لو أول مرة تظهر معاك طنشها لحد ما الموضوع يزيد و تظهر أكتر.

**iaibrahim** · 06-11-2011 12:32 AM

هذا التشخيص تمام التمام واحب اسال عن الزيت انت جربته ؟ وكذلك الزيت اللى بيضاف مع زيت الماتور 0(السيراتك)لنفس الشركه وكل عام والجميع بخير

**ahmedadam** · 06-11-2011 07:56 AM

احمد باشا الف شكر على اهتمامك بس يعنى اطنشها قد ايه علشان انا مسافر و ما هى تكلفه تغيرها فى التوكيل و هل بيفك الفتيس ولا عمليه سهله

**Ahmed Selim** · 06-11-2011 09:13 AM

للأسف معنديش خلفية عن سعره فى التوكيل بس أعتقد هيكون مش أقل من 1500 مثلاً.

لو أنت مسافر يبقى الأفضل تخلص من الموضوع علشان القلق بس......و معلوماتى بتقول أنه برة التوكيل بيتعمل فى حدود ساعة يبقى بالتالى غالباً مش بيفك الفتيس.

معلش أنا معملتش القصة دى قبل كده و مش عارف تفاصيل كتيرة.

**ragaee** · 09-11-2011 04:32 PM

المشاركة الأصلية كتبت بواسطة Ahmed A.Maksoud

للأسف معنديش خلفية عن سعره فى التوكيل بس أعتقد هيكون مش أقل من 1500 مثلاً.

لو أنت مسافر يبقى الأفضل تخلص من الموضوع علشان القلق بس......و معلوماتى بتقول أنه برة التوكيل بيتعمل فى حدود ساعة يبقى بالتالى غالباً مش بيفك الفتيس.

معلش أنا معملتش القصة دى قبل كده و مش عارف تفاصيل كتيرة.

أحمد باشا، للأسف أنا عندى نفس المشكلة و لسة عامل موضوع النهاردة
http://www.nilemotors.net/Nile/255474-a.html

والمهندس فى التوكيل قاللى مفيش خطورة انك تمشى بيه بس على شرطين، الأول ان بلاش السير بسرعات عالية، و الشرط التانى ان الرسالة متظهرش مرتين فى المشوار الواحد، يعنى زى ما انت قلت لو ابتدت تظهر كذا مرة ورا بعض يبقا فى خطورة
السعر فى التوكيل حيخش فى حدود 3000، وأنا فعلا عايز أعرف فين أعمله برة التوكيل فى مكان موثوق بيه

**ragaee** · 09-11-2011 04:36 PM

المشاركة الأصلية كتبت بواسطة karimooo

سولونايد الفتيس لسه مغيرهم هما اتنين حساس الواحد ب 400 ج مع تغيير زيت الفتيس 110 ج + مصنعية 100 ج طبعا بره التوكيل مع نصيحة اضافة liqui moli الاضافة الخاصة بالفتيس الاوتوماتيك نتيجته هايلة في نعومة النقلات

ياريت يا كريم باشا تفدنا بردة و تقولنا عملت الكلام ده فين؟

**karimooo** · 09-11-2011 05:01 PM

انا دايما بصلح العربية عند عادل زوايا اللي في صقر قريش المعادي علي فكرة دي تاني عربية ميجان اركبها الاولي كانت 2005 و مشيت مع التوكيل لغاية 100000 كم وعملو معايا نصاباية كده كنت كتبت عنها قبل كده في مدي رضائك عن التوكيل . و بعدين لغاية 198000 كم مع عادل و بصراحة مستريح جدا معاه لانه فاهم و امين و كان شغال في التوكيل .و دلوقتي بعتها من 6 شهور و جبت ال 2007 بانوراما . لو حد عايز يروحلو يقولي و انا ابعتلو نمرته .
و علي فكرة في هناك جنبه كل قطع الغيار جديد و استيراد و كهربائي اسمه ناصر برده كويس .