الموضوع: استفسار خاص بالجمارك

المشاركة الأصلية كتبت بواسطة Khalid_Mostafa

ماشي يا سيدي انا معنديش علم بالعربيات و الله يسمحك ومفيش مشكله اصلاً

بس اللينكات الي حضرتك باعتها دي بتتكلم عن الأتوس القديم (يبقي مين الي مش عارف هو بيتكلم عن ايه ؟؟)
و كمان ده عباره عن ريفيو وممكن اجيب ليك مائه ريفيوهات تانيه في المقابل بتشكر فيها جداً وبتقيمها تقييم عالي مش مشكله ولا قضيه

انا يا عم ماليش دعوه بشخصك وانت فوق الرأس من فوق و انا قلت رأيي في شوية عربيات تصادف ان كانت واحده فيهم هي عربيتك وده مش عيب لأن في نهاية الأمر ده رأيي الشخصي الي فيه ناس ممكن تتفق معايا فيه او تختلف ..
كان ايه لزمة بقي التهكم والزج بالأتوس في الموضوع مادامت مش في مجال مقارنه بعربيتك من الأساس ؟؟؟ مش انت الي عملت كده من الأول ولا كنت انا ؟؟؟ شوف كده انت كاتب ايه وخليك حقاني :
يبقي انا الي عملت كده ولا انت ؟؟؟


وليه بتأخد المواضيع بالحساسيه المفرطه دي وهي في الأخر مش اخر عربيات حتنزل في الأسواق و حتيجي موديلات كتير بعد كده سواء لعربيتي وعربيتك ..مش قضيه يعني

وليه تحقر من علم الناس مع انك متعرفهمش وبتتعالي عليهم كده ؟؟ مش المفروض الواحد يتحلي ببعض التواضع حتي لو عنده علم في اي حاجه ؟؟

علي كل حال متزعلش ..وحقك عليا لو كنت سببتلك اي ضيق مش ده الي كان مقصود طبعاً وانا محبش حد يكون زعلان مني اياً كان الي قاله و عمله في حقي

بس عايز اقلك علي حاجه .......الأتوس احسن من السريون برضه

خلاص روق بأه وكفايه كده احسن إسلام زمانه اتنفخ مننا علي الأخر

أولا يا اخي الفاضل والله يعلم الله اني لم اقصد اني اتهكم ولا شئ
وانما كان من باب الفكاهة مش أكثرولا اقل
ولكن يظهر كلام اصحابك اللي انت ذكرتهم قالولك متدخلشي معايا حوار كأني باكل الناس ولا بموتهم مش فاهم يعني ايه المقصد
ولكن هو ده اللي خلاك يبقى عندك حساسية من ردي عليك لا اكثر ولا اقل
وانا شايف كده من ردودك عليا
ولكن مش مهم وبما اني كنت عارف كده ده خلاني اتحاور معاك للأخر والا لكنت تركت الكلام
وعالعموم يا اخي انا معنديش مشكلة وحقك انت اللي على راسي والله من فوق
ان كنت فهمت من كلامي اني بتهكم عليك
ولكن كان لابد من الرد لمعرفة التصحيح مش اكتر
وانا والحمد لله كل اللي يعرفوني عارفين كده اني عمري ما بتعالى على احد
هو انا اصلا عندي علم بالسيارات علشان اتعالى به بجد والله
دي كلها تجارب شخصيه ورؤية محدودة من خلال تجاربي مش اكتر وبتفرق من شخص لأخر

اما بخصوص اللنكات فبرضه بتلزمني بما تراه انت من وجهة نظرك
انا عارف انها القديمة والله يا اخي
ولكن انا لم اعطيك اللنكات علشان تقييمها شوف انت بتشوف الكلام ازاي من حسب وجهة نظرك وبعدين تحاسبني عليه وانا لم اقوله
انا قصدت منه انك تعرف فئة العربيه وتشوف هما بيقارنوها بأيه وعلشان كده قولتلك شوف العربيات اللي في شمال الصفحة اللي هما بيقارنوها بها
يعني شوف العربيات اللي من فئتها
وهو ده كان وجه الخلاف ان حضرتك دخلت الاتنين مع بعض في مقارنه وحسمتها للأتوس بفارق 20 الف جنيه
معلشي اعذرني بس ده يبقى نصب لو العربيتين زي بعض ودي زيادة 20 الف جنيه كده من الهواء

وده كان مقصدي
وربنا يديم المعروف

واتوس اتوس يا عم
ولكن انا عارف ان اسلام مش هيجبها لأنه مجرب السيريون بتاعتي اصلا

هات يا اسلام وخلصنا ان شاء الله

بس قولي السريون بــ 47 الف ريال
يا نهار ابيض

يعني بالمصري بدون جمارك بــ 69 الف وفكه كمان

يعني بعد الجمارك بــحوالي 110 الف جنيه
يعني حاجه ميه ميه
والناس هنا زعلانه على الأسعار