الموضوع: فى المازدا 3 مفاجاة aux in

المشاركة الأصلية كتبت بواسطة himaz

السلام عليكم


انهاردة جايبلكم مفاجئة بعد عناء وبحث شهور كتير على النت و برة مصر وجوة مصر وفى الحرفيين و فى التوكيل وكله مسيبتش حد مسالتوش تقريبا ولو تفتكروا سالت فى المنتدى فى القسم قبل كدة



من ساعت ماشتريت العربية وانا شايف الكاسيت فيه مود الميديا الى بجبلك ال
aux in mode

وفعلا فيه بعض العربيات مش كلها بتنزل جاهزة بالواصلة دة
female
وكمان وصلة ولاعة زيادة عن العادية اللى فى التابلوه
ومكانهم الاتنين الطبيعى بيبقى فى الكونسول اللى فى النص بين الكرسيين الاماميين فى الصندوق الكبير من تحت

انا المازدا اللى معايا وزى عربيات ناس كتير ممكن الخليجى بس مش متاكد كله ولا لأ مفيهاش الوصلات دى فى الكونسول
بس الكاسيت واحد و فيه مود ال aux in

وده اللى خلانى افكر ماهو الكاسيت واحد يبقى اكيد الموضوع شغال ونقصه الوصلة الخارجية بس مش اكتر
وطبعا سالت ناس كتير تقول معرفشى وناس تقول مفيش الكلام ده مستحيل وماينفعشى
واسال التوكيل وانا هناك يقولولى برضو لا والكاسيت بتاعك نفس الشكل بس مفيهوش الخاصية دى ومينفعشى وعلى النت ملقتشى اى حاجة واضحة وصريحة للمازدا 3 فى الموضوع ده

طبعا المشكلة هنا ان الناس بتفتى للاسف واللى ميعرفشى يقعد يفتى
نفسى الاقى حد مايعرفشى شىء مايفتيش فيه ويقول معرفشى


المهم انا طولت عيكم اقولكم بقى التجربة اللى حصلت معايا ونجحت الحمد لله
__________________________________________________ _________

انا الحمد لله لقيت موضوع عن التجربة دى بس كان معمول لل مازدا 6 مش 3 على النت من منتدى اجنبى
وقررت اعملها واجربها بنفسى مع اضافة بعض التعديلات


اول صور بتوضح الكاسيت من الخلف وبالاخص الفيشة اللى احنا هنركب فيها الشغل كله
لو الفيشة البيضاء دى موجودة عندك شيلها مش هنستخدمها
لو مش عندك قشطة برضه مش مهم


اول حاجة رقم 1 و 13 عشان يعملوا تفعيل للمود ده انه يشتغل
3 لصوت السماعة اليمين
5 لصوت السماعة الشمال
7 للاشارة او الارضى لليمين والشمال





استخدم وصلة كانت دايما بتيجى مع السى دى للكمبيوتر زى ديه :



ممكن باستخدام مفك صغير تفك كل السلوك عشان هنعيد ترتيبهم كمان شوية




ده شرح للسلوك بعد فكها وخريطة التوصيل



الكبرى ده هيستخدم لعمل واصلة من نقطة 1 ل 13



هيتم توصيلهم بالشكل الموضح :



وفى الاتجاه الاخر وصلهم بواصلة 3.5 audio : Male or female
الاحمر لليمين
الابيض للشمال
الاسود ارضى


كدة انت خلصت والنهاية ده منظرها



والصوت جامد قوى الحمد لله
نقاء زى الفل
وصوت اعلى من السى دى كمان


اتمنى اكون افادتكم ويكون شرحى كان ظريف




وسلامى لغبور اللى قالولى ماينفعشى ومفيش ولا يصح ولا يجوز



ههههه

سلام يا مازداوية

دى كانت العدية لرجالة المازدا


كل سنة وانتم جميعا طيبين

يا باشا اقسم باللة العظيم انت راجل فنان وفعلن بقى دى احلى عدية للعيد
وانشاء اللة هحاول اعملها بس طبعا مش النهردة

وكل سنة وحضرتك وكل المزداوية طيبيبن

انت فنان كبير...........كل سنة وحضرتك طيب وربنا يباركلك :)

انتا فنان

يا باشا لو سمحت لو ممكن فيديو عشان انا لما جيت اوصل السلوك هل انا هشتغل ب كل 3 femal مع بعض واعمل الكوبرى من 1 : 13 من غير ما اعمل join لكل الوصلات دى مع بعضها ؟؟؟؟
و كابل ال aux هوصلة باية بالضبط من الاسلاك دى ؟؟؟؟

المشاركة الأصلية كتبت بواسطة himaz

انت حتحتاج كابل
male to male AUdio AUX 3.5 mm


طولو يبقى مناسب للطول اللى انت عايز الكابل يوصل لحد فى العربية
فقدامك حل من التنين يتجيبو طولو كافى مناسب مش اقل من نص متر
او انك تستخدم كابل شبكات وتطولو وان كان يستحب الطريقة الاولى عشان متكترشى فى التوصيلات


من ناحية هتقطع هيبقى فيه 3 وصلات
احمر لليمين
ابيض للشمال
اسود للارضى

ومن الناحية التانية ده اللى هيبان فى الاخر برة العربية


قولى لو حاجة مش واضحة

بص يا باشا معلش بس عشان انا فهمى على قدى http://www.nilemotors.net/Nile/images/smilies/ma.gif

دلوقتى انا عندى 16 pin فى الكاسيت من ورة 8 فوق و 8 تحت
هعمل كوبرى من 1 : 13 كدة يبقى فاضل عندى 14 pin
وبعد كدة انا المفروض عندى 6وصلات تانين الى هما بتوع الكمبيوتر دول
دول اية ال pins الى المفروض تركب فيهم ؟؟؟
وبعد اما اركبهم هيبقى عندى 6 سلوك الناحية التانية من الكاسيت ازاى هوصل دول ب 3 سلوك بس بتوع aux cable ؟؟؟؟؟؟؟

معلش يا باشا انا عارف انى مصدعك معايا بس كل سنة وحضرتك طيب
وياريييت لو فية فيديو حضرتك تنزلو عشان دة هيوضح لنا الدنيا ماشية ازاى اكتر