عربيتي رجعتلي الحمد لله...اللي إشتراها رجعها لأنه أخره 128 أو 132

كلمني بعد الصلاة يقولي هو صحيح عفشة العربية دي سعرها 17000 جنيه جديدة؟ قولتله أه وفي التوكيل أغلي من كده.
قالي طيب أنا عاوز أرجع العربية.قولتله ليه.قالي أنا أي عربية بركبها عفشتها بتقعد معايا سنة أو سنة ونص.وبغيرها وبدفع 1000 ولا 2000 وأنا زعلان.أمال لما أدفع 17000 جنيه.!!!!!

قولتله لا فلوسك عندي منقصش منها جنيه.رجع العربية وخد فلوسك.
جابلي العربية تممت عليها إنه معملش فيها حاجة.وإدتله الفلوس.بيسألني تنصحني أركب إيه.قولتله الإختيارات كتير.
ريجاتا
128
شاهين..أو لو عاوز تركب عربية حديثة وحلوة فيرنا مجنطة...بصلي كده نظرة إستغراب من إني بكلمه كده.
قولتله فلوسك معاك يا حجيج إتكل علي الله.وسيبته ومشيت.
عمركم شوفتوا ناس كده؟ ده يتشتم يتقاله إيه طيب؟؟

علي أي حال الحمدلله إنها رجعتلي.والواحد لازم يفحص الشخصية اللي يبيع لها بعد كده