الموضوع: عربيتي رجعتلي الحمد لله

المشاركة الأصلية كتبت بواسطة dramir1

اولا :انت انسان محترم لانك رضيت ترجعله الفلوس . ثانيا:ربنا يرزقك باللي يقدر عربيتك.

ربنا يكرمك.وشكرا علي ردك

المشاركة الأصلية كتبت بواسطة funnymickey

ياعم انتا مش لسه كنت عامل موضوع انك زعلان انك بعتها
واهي مرضيتش تزعلك ورجعتلك
الف مبروك والله وانتا اللي كسبان

الله يبارك فيك والحمد لله علي أي حال

المشاركة الأصلية كتبت بواسطة loserdavie

لو عاوز تركب عربية حديثة وحلوة فيرنا مجنطة
ههههههههههههههههههههه والله انت راجل زى العسل

أصل بني آدم زي ده يتقال له إيه غير كده :)

المشاركة الأصلية كتبت بواسطة mnabeih

سيبك انت حلوة اوي فيرنا مجنطة,
بس انا بس مقلق يكون عمل بيها حاجة و رجعهالك انت بردو طيب اوي ان انت رجعتها كدة بكا سهولة

لا يا باشا أنا مرجعتلوش الفلوس غير لما تممت علي العربية كويس أوي الحمدلله

المشاركة الأصلية كتبت بواسطة mi22do

لا احتمال يكون لقي فيها عيب معين و طلع اي حجه علشان يرجعهالك - بتحصل ساعات , انا مرة رجعت عربيه بعد يومين علشان كانت مرشوشه من الخارج كلها, و الراجل طلع محترم زيك كدة و قدر الظروف و رجعها

شكرا يا باشا.لا عربيتي عارفها كويس وبفضلك يا رب مفيهاش الهوا بشهادة عمال البافاريا اللي كشفوله عليها قبل ما ياخدها

المشاركة الأصلية كتبت بواسطة zago

هم الناس فرحانين بكلمه فيرنا مجنطه قوي كده ليه ؟
يكونش يقصد ديناصور مجنح ؟
ولا النمر المقنع ؟
:))

ما هو في ناس كتير بتعبتر الفيرنا أقوي عربية في العالم