تمام وأنا كهربى الصبح وميكانيكا بقيت اليوم
بس ميزة الكهربى والميكا إنهم قريبين من بعض قوي في التفكير وبيخدموا على بعض معظم الوقت:satelite:
عرض للطباعة
تصدق يا يوكو الحكاية دي كانت ملخبطاني جدا بس دلوقتي تقدر تقول اني فهمت بنسبة 60 % ومتطمعش اني افهم اكتر من كد
منت عارف انا كنت أدبي...بس بجد موضوع حلو وشرح مبسط
مضبوط .. كنلة العربية ثابتة بس الظاهرة زي ما بيقول احمد هي اللي بتتغير
بس الحمل على السرعات عندنا بيزيد بسبب حاجتين اولا احتكاك سطح السيارة مع طبقات الهواء و دة شبه مهمل و الثاني اللي هو مقاومة الهواء و بتدخل فيها معادلات ال drag و ال interia
العزم مش acceleration بس
التسارع داخل في معادلتين
السرعة a = v2 - v1 /t
العزم f = m * a
فمن الخطا ان احنا نقول ان التسارع بسبب العزم وحده
لو قصدك القانون ده وخدت الa لوحدها
vf = vi + at
فإحنا بنتكلم فرق العزم عند نفس الrpm بالتالي نفس السرعه بالتالي المعادله هنا مش داخله في الحسابات
لإن لما بقارن بين موتورين مينفعش أقارن وكل واحد منهم على سرعة مختلفة
هو بالضبط القانون دة
و بالنسبة للعزم و التسارع .. انا اقصد ان مش هيحصل تسارع لو انت على نفس سرعة المحرك
يعني مثلا الفرق بين عزم المحرك و الحمل بيبلغ اقصاه عند 4000 لفة
هل معنى كدة ان انا اثبت الدواسة عند 4000 لفة و العربية هتتسارع .. طبعا لا لأن مفيش أي تغير في السرعة
و نسيت أقولك على نقطة بالنسبة للرسمة اللي انت وضحتها بأنك رسمت المنحنى لتحت شوية و بتقول شركات السيارات بنخنبر المحركات عند اقصى وضع يعني جايب دواسة البنزين في الارض
هو منحنى القوة مش بينزل لتحت لأن لو حصل كدة معنى كدة ان ظروف استهلاكه او تغيير في التصميم هو اللي عمل كدة
و بالنسبة لأن احنا مش بندوس بنزين او بندوس بنزين فالحتة دي احنا بنتحرك يمين و شمال يعني على محور السرعة
و يا ريت لو عندي خطا او امر مش واضح نتناقش علشان نستفيد و نفيد :)
تشلم ياباشا على الشرح الوافى
تسلم ايديك يا هندسة .. بجد بجد موضوع ممتاز.
وتفكير سليم جدا ... يابني انت مدخلتش سيارات ليه؟؟؟:satelite:
بعد إذنك عندي إضافة بسيطة..
الشيء الوحيد اللي مثبتينه هنا هو ال (full load) يعني دواسة البنزين عالاخر
لكن النقلة اللي العربية عليها .. ولا تفرق أول من تاني لتالت عشان الcurve ده بتاع المحرك مش الفتيس.
الفتيس له curve تاني خاص (بالعزم لكل غيار Vs سرعة السيارة)
يعني المتغير هنا(dependent variable) هو ال PRM وتبعا له تتغير القدرة والعزم.
هو بصراحة محدش بيدخل العامل ده معانا في الدراسة دي ، لكن أعتقد بيتم اعتباره كمتغير في المواتير الكهربا
وبلغة السيارات بيعرفوه بال tractive effort وفعلا لازم يكون عزم الموتور أكتر منه عشان العربية تقدر تقوم ... وبما انك كهربا باور فهو حاجة كده زي ال lock-up torque condition بتاع ال DC machines
وال minimum tractive effort ده بيساوي مجموع المقاومات المؤثرة على السيارة ككل (مش الموتور بس .. لأن الموتور هيقووم العربية مش هيقووم نفسه) ، وهم 4 مقاومات (الهواء والميل والقصور الذاتي ومقاومة تدحرج الإطارات rolling).
بس دايما بيراعوا عند اختيار الموتور المناسب للسيارة دي ان النقطة دي ميوصلوش ليها أبدا.
يعني يكون عندك Surplus torque لصالح الموتور .. وميحصلش تقاطع للكيرفين نوهاااائي.
إلا إذا كانوا مركبين موتور موتوسيكل صيني على عربية سيدان.
نظريا صح ، لكن عمليا على ال RPM القليل بيكون كمية العادم قليلة فالتربو مبيعطيكش الأداء اللي انتا منتظره فورا من أقل دوسة بنزين .. ولكن بيكون في تأخر بعض الشيء في إستجابته Turbo lag .. إنت محتاج تكبسله صح عشان تحصل عالأداء المناسب (أو بمعنى تاني: محتاج تخلي ال RPM يكون دايما في مدى معين مثلا من 1500 إلى 4000) ساعتها هتاخد أعلى تسارع من العربية على جميع النقلات وهتلاحظ الكلام ده في حركة عداد السرعة.
مؤخرا تم التغلب على ال Lag بعمل تعديلات في مانيفولد السحب وتوقيت الصمامات وكمان حقن الوقود.
وبعد التعديلات دي اتغير منحنى العزم وأصبح فلات على مدى كبير من ال RPM
[IMG]http://img716.imageshack.us/img716/7601/20tfsicurve.jpg Uploaded with ImageShack.us[/IMG]
وده هيخليك بتحصل على أقصى عزم (يعني أعلى تسارع) من بداية كل نقلة إلى اخرها (اللهم إلا إذا كنت بتنقل فوق 4.5 - ساعتها التسارع هيقل بالرغم من السرعة مازالت بتزيد).(فاهم قصدي !!)
ملحوظة: في الموتور العادي أقصى عزم (أعلى تسارع )بيكون في بداية النقلة فقط وبعد كده يقل تدريجيا لحد ماتوصل لأعلى RPM
وده يخلينا نعرف ان المواتير اللي أصبح فيها منحنى العزم فلات أو قريب من كونه فلات عند الماكسيمم
هتلاقي العربية بتعطيك أعلى تسارع (سحبها عالي جدا) من بداية النقلة إلى اخرها بشرط متحرقش عالغيار فوق 4.5
والله الموفق.