Nissan sunny المظلومة

**AHMADKAMAL1** · 08-11-2011 12:51 AM

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.

**Youssef.Awad** · 08-11-2011 01:11 AM

**تامر.محمد** · 19-11-2011 03:13 AM

ربنا يبارك لك فيها
بس انا مش حاسس ا نها مظلومة ولا حاجة
دي مالية البلد :))

**SonaSteel** · 19-11-2011 12:21 PM

المشاركة الأصلية كتبت بواسطة kok200

النيسان مش مظلومة

النيسان ظالمة نفسها

الماتور الي راكب فيها اقوي من بادي العربية وعن تجربة اخويا معاة الصني اوتوماتيك بيطلع مني وانا لانسر مانول

بس عيب النيسان الشاسع حاجة 1 بس

العفشة بتاعتها زبالة + غالية

انا اخويا كل 40 الف بيغير جلب ومقصات .. ومبيضة

ومغير لحد دلوقتي مرتين مساعدين

العفشة بتاعتها بتفتح اوي في الفلوس

عكس الانسر

محتاجة ان الي يركب العربية دي يحطلها عفشة سبور ويريح نفسو

ههههههههههههههههه ماشاء الله
العيب في اخوك بصراحة :))
عندنا ناس في المنتدي مبدأوش يغيروا في العفشة الا بعد 80 الف و موصلتش للمقصات كمان
العربية ديه عايز تكسبها جنبها الجبال والسهول وخدها براحة ...... غير كده هاتستريح معاها
والمعروف جداااااااااااااا ان اللانسر بتغير عفشتها مثلا مرتين ولا حاجة قبل الصني وده من كلام ناس بيبعوا قطع الغيار
وماشاء الله ماتور الصني فعلا لو خد حقه في البنزين ميكتموهوش علشان الاستهلاك ماشاء الله جبار
واحد صديقي في جروب سيارات معلم علي عربيات كتييييير معاهم لانسر و وواحد صديقي من اللي معاهم لانسر اللي كان بيقلي هههههههههه
ولما قلتله عايز اغيرها اوتو الواد كان هايلطم :))))

**Youssef.Awad** · 19-11-2011 01:45 PM

المشاركة الأصلية كتبت بواسطة kok200

النيسان مش مظلومة
النيسان ظالمة نفسها
الماتور الي راكب فيها اقوي من بادي العربية وعن تجربة اخويا معاة الصني اوتوماتيك بيطلع مني وانا لانسر مانول
بس عيب النيسان الشاسع حاجة 1 بس
العفشة بتاعتها زبالة + غالية
انا اخويا كل 40 الف بيغير جلب ومقصات .. ومبيضة
ومغير لحد دلوقتي مرتين مساعدين
العفشة بتاعتها بتفتح اوي في الفلوس
عكس الانسر
محتاجة ان الي يركب العربية دي يحطلها عفشة سبور ويريح نفسو

هو لو على قوة موتورها فده صحيح بس مش اقوى من البودى كل الحكاية انه كامل قدرة الموتور الحصانية بتستخرج على rpm منخفض وبكده بتحس انها قوية فى التسارع واستجابتها سريعة
وبالنسبة لموضوع العفشة شكل اخو حضرتك لاغى الفرامل خالص وبياكل مطبات وغيرها على سرعات عالية لأن عربيتى مانيوال مو2010 عاملة 55555 كم وكل اللى غيرته فى العفشة كاوتشات رؤوس مساعدين اماميين فى صيانة ال40 الف بعد اما كلت مطب محترم على سرعة 60 واقل واجب لو عربية تانية كانت جابت مساعدين مش كاوتشات ب130ج وتركيبهم فى التوكيل ب170ج يعنى 300ج وساعتها المهندس قالى ان وظيفتهم الحفاظ على عمر المساعدين بدل ما تغيرهم على 50 الف يقعدوا معاك ل100 الف واكتر وكل اللى باعمله ازبط زوايا كل 10 الاف وبس
وعلى فكرة عفشة الصنى رياضية وناشفة اكتر من اللانسر بس ميزة اللانسر اللى بتمتعنى فى السواقة هو العجلات الاربعة مستقلة وليست عمود متصل فى الخلف - الدنجل - زى الصنى اللى بيبان الفرق لو عدين مطب او نقرة بتحس بيها جامد فى الخلف