الكشف على العربية فى التوكيل

**mario_9111** · 16-01-2012 08:12 PM

بسأل أصحاب الاخبرة الافاده لو بشترى اى عربية الافضل اروح على التوكيل واكشف على المتور وباقى اجزاء السيارة ولا ايه الافضل اشوف واحد صنيعى خبره
ولو فى التوكيل هيكون كام التكلفه ولما سألت فى ناس قالوا ان التوكيل بيعطى شهادة للعربية الى تم فحصها ولا اى مركز لكشف الاعطال بالكمبيوتر وكام التكلفه

**Land_Cruiser** · 16-01-2012 08:25 PM

التوكيل طبعا اضمن حاجه لانه بيعملك تقرير مفصل عن كل اجزاء السياره و تساعدك حتى تعرف ايه اللى محتاج تغيير فى المستقبل و تكلفته و بكده حتى التسعير يبقى منطقى و حضرتك لو بصيت فى المنتدى حتلاقى ناس اعتمدت على فحص البنزينه فقط و اكتشفت ان العربيه مركبه نص كامل او فيها مشاكل إد كده و بالنسبه لسعر الكشف فى التوكيل ده بيختلف طبعا حسب ماركه السياره و بالتالى مفيش رقم ثابت و اكيد يعنى الرقم حيبقى الى حد ما متناسب مع سعر السياره

**mohamed_rhem** · 17-01-2012 01:48 PM

من 400 الي 500 جنيه تقرير شامل

**Land_Cruiser** · 20-01-2012 11:29 PM

المشاركة الأصلية كتبت بواسطة mario_9111

تويوتا كرولا مثلا اروح اى فرع للتوكيل طيب اطلب فحص شامل ولا ايه وكام التكلفه

هو الافضل لو فى امكانيه تروح فرع التوكيل اللى قريب منك و ناوى تتعامل معاه علشان يبقى من اولها عارف تاريخ العربيه و كاشف عليها بنفسه و ما يطلعلكش مفاجات بعد كده و يقولك أنا مليش دعوه بتقرير غيرى. أنا بحاول احسب أسوا الاحتمالات يعنى و حضرتك تطلب ايوه طبعا فحص شامل لان قطع الغيار أيا كانت بسيطه بتبقى غاليه فخليه يكشف على كل حاجه و أنا معرفش تكلفه الفحص بالنسبه للتويوتا كام بس ممكن تكلم التوكيل و تسال عن التكلفه و كمان اقرب فرع لحضرتك لو ما تعرفش