الموضوع: اثنين حينفصلوا او بمعني اوضح حيطلقوا بسبب.......

المشاركة الأصلية كتبت بواسطة amatoallah

يالهوي طلقتوا الراجل خلاص
يا بنتي يعني من كل المنتديات كلها مش لاقيه الا هنا اعداء المراه بسبب و بدون سبب و بتكتبي المشكله
هي مش الزوجه حامل بردوا؟
ذنب ايه الولد اللي هيجي ان شاء الله ان امه عقلها علي قدها
دا اختيار الاب هو اللي يتحملوا و محدش يقول ماكنتش ظاهرة قبل الجواز و في وقت الخطوبه
كل حاجه بتبان بس احنا وقتها اللي بنستهبل و نطنش
غلطة الاب يبقي يعالجها مش يهدم الموضوع و يطلع ابنه من قبل ما يجي بدون اب
بالنسبه للزوجه , انا م متخيله يعني ايه تسيب بيتها , انا اللي اعرفه ان سيبان البيت دا لما خلاص الحياة مستحيلة و الاتنيين يكونوا اتفقوا علي الانفصال اما انها تسيبه كل ما تتئمص معلشي في الوصف مامتها معالمتهاش يعني ايه جواز و مسئولية

بالعكس ، أغلب الناس اتكلمت عن الطلاق كخيار أخير ... بعد انتظار شهر ، اثنين ، سنة ، او على حسب مقدرته فى الصبر ، ومن كلامه هو بيحبها وباقي عليها، ودة حال كثير من الأزواج ، يعني مفيش حد هيتزوج واحده كارها يعني ، إلا إذا كان الكره دة مكتسب بعد الزواج بسبب تصرفتها والوجه الجديد ظهر!

بالإضافة أن الكلام من وجهة نظر واحدة ، وجهة نظر الزوج ، يعني إذا كان فى غلط من ناحيته ومش راضي يقوله دون الخوض فى تفاصيل بردو يبقي الموضوع دة كله يبله ويشرب ميته ...

وعلشان تشجيع الأهل دة ، اي شخص وهو رايح يتزوج ، يعتبر نفسه هيتزوج الأهل مش البنت ...

ما كان ممكن جداً يلاقي حد يقوله ولا تسأل فيها ومطلقش وخليها متعلقة ...
يعني لما نقول ولا تمسكوهن ضراراً لتعدوا ، ولما نقول لا تذروها كالمعلقة ... يبقي غلط

واصلا عبء التربية كدة كدة على عاتق الأم فى الأول وفى الأخر ، يا تروح تتزوج بعد فترة العدة فتنتقل الحضانة ويبقي ريحت واستراحت ، مفيش راجل فى الدنيا هيقيده اولاده او هيمنعوه من حقه الشرعي اللى ربنا كتبه له فى الحصول على زوجة تعلم جيداً ان لو فى سجود لمخلوق هيكون سجودها لزوجها ...
الخيار الثاني ، يصبر ويحتسب عند الله ، وله الجنة إن شاء الله

وفى تجارب مماثلة ... شهرين والزوجة رجعت لمسارها الطبيعي الحمدلله !

وفى تجارب ثانية ، تدين ظاهري في الشكل والكلام ، بحيث تقول هي دي مفيش غيرها ، تحلم انها تتجوز الشخص دة اصلا ، فارق إجتماعي رهيب ، لكن بعد ما البيبي اتولد شهرين ، ثلاثة ، الرابع مقدرتش تصبر أكثر من كدة وقلبت على حقيقتها وعقد النقص طلعت وأفتكرت ان بقي لها حق النشوز بسبب البيبي اللى اتولد ، وقررت تبقي ناشز ، 8 شهور خارج بيتها ، 8 شهور مشاكل ، الخلاصة مفيش رجوع إلا بشروطها ، النتيجة ... بالسلامة الباب اللى يودي ، ومع انها ناشز ادي لها حقوقها اللى هي متستهلهاش اصلا ، وخلص المشروع التجاري اللى كان اسمه جواز بمكسب مثلا 100 ألف فى سنتين ، منهم 8 شهور خارج بيتها !! والبيبي هيطلع زي امه وخلي البيبي ينفعها ، هو فى اب بيتعلق بأبنه اللى ميعرفهوش!! .

تجربة غيرها ، بس دي صبرت بتاع 6-7 سنين ، اتجوزت عريس مطابق للمواصفات ، اتصرف عليها من جوزها بسخاء ، سافرت دوله اجنبية، خدت ماجستير ودكتوراة علي حسابه ، بعد الدكتوراة علطول طلبت طلاق ، رفض تام من جانب الزوج ، قررت "تخلعه" ، بعد ما صرف بالهبل عليها وعلى اهلها وشقة كبيرة بأسمها فى التجمع الخامس ... إلخ ، وانتهي المشروع التجاري اللى اسمه جواز ، واتضح انه كان كوبري لها ولأهلها ، الزوج بياخد الأولاد كل فتره يفسحهم ويصرف عليهم بسخاء ، بعد كام سنة الأولاد مبيردوش على ابوهم لما يتصل ، الأولاد بتتسلط من الام والجدة ، راحت اشتغلت فى السعودية وتقريبا كدة استقرت هناك ، دلوقتي الأولاد الكبير فيهم 15 سنة مثلا ، زعقوا لوالدهم ، الوالد .... اتبري منهم ، بعدها راح اتجوز -- ادي واحد بعد 15 سنة راح اتجوز تاني .....

اللى اقصده ، الأم الفاشلة هتطلع عيالها فاشلة ، وملناش حاجة اننا نعرف عيال بنوعية الأم دي فى ظل قانون فاشل بتاع الرؤية اللى فى مكان عام والاستوب واتش يتشغل !! ، يعتبروا نفسهم يتم أحسن بقي ، الفرق بينهم ان فى مجهول اسمه ابوهم بيصرف عليهم ، وهيروثوا فيه لما يموت .

والأزواج مش ملائكة ، ومش معني كدة ان مفيش مشاكل من ناحيتهم ، المفروض الحياة بتمشي بود ومعروف وحب وإحسان وصدق وامانه ، وكل شخص يتحمل الطرف الآخر ، فى النهاية البيت له راجل واحد غير كدة ...

والبيوت اسرار ، ومينفعش كلمه واحدة تخرج برة البيت ، ومينفعش واحدة تروح عند أهلها إلا لمشكلة جسيمة وخطيرة ، ومينفعش يحصل تحكيم فى موضوع من جانب اهلها بس ، لو فى حاجة واستلزم الأمر دخول الأهل يبقي حكمين ، واحد من كل جانب أهل الزوج و آخر من أهل الزوجة ، واى اطراف تانية أياً كانت ، أخ ، اخت ، زوج مش عارف مين ، يلتزم الصمت وميدخلش فى اللي ملهوش فيه ، يا يتدخلوا لقول معروف بغرض الإصلاح فقط لاغير ، وقرار الحكمين من الأهل من الطرفين ، يكون أجباري للزوجين أياً كان .