اقتباس المشاركة الأصلية كتبت بواسطة m000dy مشاهدة المشاركة
بالراحه بس الحكاية مش خناق ولا عافية
هو حضرتك شوفتى وعاشرتى ازاى هو حضرتك مخلفه وعند ابن ومتابعة حالته ؟؟؟(انت لسه بتقول مينفعش نقول لأنها تجارب واسرار ناس لازم افسر لسيادتك شفت وعاشرت ازاى دى حاجة غريبة جدا وانت مالك ؟؟!! ولازم اكون اتجوزت واتطلقت كمان عشان اعرف طب احذفوا بقى من الموضوع كل المشاركات للأى حد مش مطلق ومعاه ابن لو سمحتو ويسمح لدول وابناء المنفصلين بس بالحوار وانت بقى مطلق وعندك ابن وحتى لو وده يخليك ابو العريف فى المشكلة!!!وبعدين انا اتخانقت معاك ولا جيت ناحيتك

عاشرت اكتر من 7 حالات ولسنين طويلة ومش مطالبة اقولك درجة قربهم منى ولا علاقتهم بيا ولا انت تعرف تقدر مين شاف اكتر من مين ولا حاسس اكتر من مين

واذا كان زميلك قال لك ازاى تتعلق بابن مش بتشوفه اصلا فده بيثبت كلامى عن العذاب اللى الأبن حيشوفه لأن فى الوقت للى ابوه هيخلف غيره وينساه ويستبدله هو مش هيعرف يجيب اب تانى وهيفضل محتاج لأبوه مهما كانت صفاته السيئة ومفتقد حنانه وهيفضل مش فاهم هو ليه مبيسألش عليه وليه مش بيحبه وهيفتكر ان دى غلطته او عيب فيه ومش هيفهم هو ليه بيحب اخواته التانيين اكتر منه وليه اخواته دول مش بيحبوه وليه مرات ابوه بتكرهه وكمان جوز امه بيكرهه يعنى اتكتب عليه ميبقاش ليه مكان فى الدنيا لا هنا ولا هنا ك ومش هيفهم اشمعنى هو محروم وزمايله كلهم ليهم اب بيحنو عليهم ويحضنهم ويجى ياخدهم من المدرسة ومش هيعرف يرد لما اصحابه يسألوه انت مبتحكيش عن باباك خالص ليه هو فين صوره معاك وهيتعلم يكذب ويألف قصص يهرب بيها من الواقع وهيكبر بدرى قوى

مش هيعرف يفسر لأطفال حواليه ليه اسم اخواته مختلف ولا باباه اللى مع مامته ده اسمه مختلف عن شهادة الميلاد ومش هيعرف يفسر هو ليه عايش مع جدته ولا ليه اخواته لابسبن احسن منه وبيجى لهم كل حاجة هو محروم منها
ومش هيفهم الأب اللى محسش بيه ده ليه مكتفاش انه حرمه العمر كله من رحمته ومكانش موجود فى اى لحظة احتاج له فيها لأ كمان قرر يكمل انتقام من امه فيه وقرر يحرمه من الميراث
مش هيفهم ليه امه بتضطر تقف قدام ابوه فى المحكمة لأنه مستكتر يصرف عليه ملاليم بالنسبة له لكن بالنسبة لأبنه بيتأكد انه بيفتكره غصب عنه كل شهر لما بيروح يدفع النفقه طالما رافض يفتكره بالذوق
عمره ما هيفهم ليه مينفعش يشوف ابوه غير بقوة القانون وفى اماكن عجيبة وبيقابله ببرود ولما يجرى عليه يحضنه بيلاقى نفسه بيحضن ركبه ه عشان هو طويل ومهانش عليه يوطى يشيله لأن مش حاسس بيه زى مانت بتقول خلف ورمى وطوى صفحة من حياته وعاش
مش هيفهم لما ابوه يحاول يخطفه عشان يضغط على امه فى القضايا
مش هيفهم مخه البرىء الاعيب المحامين القذرة ولا عند الكبار ممكن يوصلهم فين
مش هيفهم ان ابوه لحمه ودمه هو مجرد اسم فى ورقة ملوش قيمة هيشيله معاه بس للقبر ومش هياخد اكتر من كده وانه مش مهتم بأى الم نفسى او عقد وجروح تتحفر جواه للأبد

مش هيفهم موقفش جنبه ليه ولو صورة قدام الناس يوم فرحه ولا فى موقف كان مهم جدا جدا يكون جنبه فيه ولا جاي لها عريس ولا رايح يتقدم لعروسة وليه رفض يساعده بأى شكل وفضل اخواته

اذا كان الأب معندوش احساس وهينسى فى ناس تانية هتدفع تمن العند والختيار اللط هى الناس اللى فعلا ملهاش اى ذنب
حضرتك شوفتى وعاشرتى على عينى وعلى راسى بس فى اللى شاف اكتر منك ومش لازم الواحد يعد ويقول ويفسر لانها تجارب واسرار ناس تانيين بنجاول نذكر منها اللى يفيد اللى طالب المشورة من غير ما نجرح حد وفى الحدود
كان زميل محترم قال قبلى فى الموضوع ازاى هاتتعلق بابن وانت ما بتشوفهوش اصلا تفتكرى الواد اللى ما يعرفش يعنى ايه ابوه هو اللى هايتعذب ولا الكبير اكتر
مع احترامى للى شوفتيه ان كانت حالة ولا اتنين انا شوفت 7 و 8 و 10
اما بخصوص انه بيحكى حاجات خاصه هنا فاحب اوضح ان الراجل ما فسرشعلى اد كل الكلام ده لما حضرتك تبقى تتجوزى هاتعرفى ان فى اكتر من كده بكتير
ثم ان الرجاله بتحكى باختصار وبتخبى اللى المفروض ما بتقالش انما الستات ممكن وهى بتحكى بالمره تقول فانلة جوزها الداخلية فيها كام خرم :)
ومع احترامى الشديد بردو الا ان كل اللى حضرتك كاتباه انا ما طلعتش منه بحل مفيد ممكن حتى اطبقه حتى مع التعديل على حسب ظروفى لو انا اللى كنت طالب المشورة
اهو ده اللى بيضايق الواحد فى معظم البنات لوك لوك لوك لوك ومفيش استفاده :)
(طريقة كلامك مش لطيفة فمتكلفش نفسك عناء الرد لأنك نهيت الحوار ومش هرد عليك لوك لوك ايه وخناقة ايه وعافية ايه انتو كده اى حوار ناضج معاكو لازم يوصل لطريق مسدود وايه علاقة انى بنت او ولد بالموضوع ما صاحب المشكلة نفسه قال على نفسه انثى ويمكن مكانش اعترف بحقيقته حاجة تخنقهى المشورة طالما مطلعتش روح طلقها وارميها واضربها بالجزمة وعيش بالطول والعرض ولا يهمك تبقى وحشة بس ادى الخلاصة