الله عليك يا كبير
أحسنت والله مية مية
بس ملحوظة
اللوجان في منها تاكسي في مدينة الزقازيق
رقم العضوية : 101576
تاريخ التسجيل : 01Jun2011
المشاركات : 1,130
النوع : ذكر
الاقامة : السعودية
السيارة: سيراتو ٢٠١٥A/T
السيارة[2]: 2012 logan B/L
دراجة بخارية: no
الحالة :
انا كنت واعد اعضاء المنتدى بمقارنة بين الفيرنا واللوجان لسببين
الاول ان الفيرنا اخدت انتشار كبير واللوجان فى طريقها للانتشار ولسه فى ناس خايفة من اللوجان
الثانى لانى استخدمت الفيرنا لمدة شهر طبعا هى مش كافية واستلمت اللوجان من 10 ايام وعملت بيها 800 كم - انا عملت بالفيرنا 1100 كيلومتر خلال شهر
ملحوظة انامش هافصل بين الاساسيات والكماليات لان بعضها اصبحت مثل الاساسيات
ملحوظة الفيرنا كانت مرفوعة 3 سنوات عاملة 13000 كيلومتر فقط هذا للمعلومية
اولا محرك الوجان والفيرنا 1600 cc
اللوجان : الموتور 8 صباب يعطى قدرة 90 حصان اثناء القيادة معدل تسارع الفيرنا اعلى بشكل ملحوظ حوالى 20 % اعلى- وفى الطرق السريعة اللوجان تتفوق لانها تتمتع بثبات غير عادى كنت ماشى على 140 كم/ساعة وده الطبيعى بتاع اللوجان وبتعمل وتزيد لغاية ما لقيت وانا ماشى على الدائرى لقيت كيا سيراتو كوبيه وما ادراك ما الكوبيه عدت من جنبى طبعا انا ما سكتش لازم اجيبها الكلام ده قبل نفق طريق السويس وبص على اعداد 140 150 160 170 وكنت طبعا بقرب من الكوبيه بس للاسف كن رايح مدينة الشروق على طريق السويس فاضطريت اخفف من السرعة وحدث ولا حرج عن الثبات 170 كم / ساعة والثبات غير عادى ثبات رائع
الفيرنا : 16 صباب يعطى 109 حصان وده اللى بيدى القوة فى التسارع وسعادة فى المناورات اثناء الزحام ولكن فى السرعات العالية من اول 100 كم/ساعة بتحس بعدم الثبات فما بالك ب 140 150 160 اللى سايق بيبقى خايف من السيارة
ثانيا سعة الصالون مهم جدا
اللوجان مقعد السائق واسع مريح والمقعد المجاور له واسع مريح والكنبه الخلفية وسع وراحة غير عادى مع احجام اشخاص بالغين خاصة مع السفر لمدة طويلة وحركة السائق وهو جالس ما بيحسش بضيقة لان فى مسافة بينه وبين اللى جنبه - مقعد السائق بترجعه زى ما انت عايز واللى جالس خلفك بيكون مرتاح - خامة التنجيد جيدة لدرجة انا عملت 230 كم حوالى 3.5 ساعة راجع من السفر وبعد ساعتين نزلت عملت 3 مشاوير متقطعة عملت فيهم حوالى 90 كم فى 4 ساعات قيادة متقطعة وفى الزحام ورجعت البيت ومش حاسس بتعب وطبعا انتوا مش مصدقين وكمان عندى استعداد انزل اسوق تانى القيادة مريحة بجد
الفيرنا مقعد السائق مريح فى القيادة لمدة 15 او 20 دقيقة اكتر من كده بتحس بتعب بعد ما تنزل من العربية - المسافة بينك وبين عجلة القيادة بتحس انك متكتف - الكنبة الخلفية لو اتنين جالسين بالخلف لو جلسوا اكتر من 15 دقيقة بيحسوا بتعب بالاضافة الى الجلسة غير مريحة - خامة التنجيد للكراسى سيئة للغاية
ثالثا سعة الشنطة
اللوجان تزيد عن الفيرنا فى السعة حوالى 20 %
رابعا الزجاج الكهرباء
الفيرنا
ازرار زجاج الفيرنا فى الباب الجانبى للسائق ومريح جدا فى استخدامه
lock ابواب السيارة من اى بابين من البابين الجانبيي - مريح
lock زجاج السيارة من الباب الجانبى - مريح
اللوجان
ازرار زجاج اللوجان اماكنها متعبة وممكن تشتت انتباه السائق لو مش متعود عليها
ازرار الزجاج الامامى تحت الكاسيت
ازرار الزجاج الخلفى بين الكرسيين الاماميين واللوك بتاعهم تحت فرامل اليد او بجوارها
lock الابواب الزرار تحت الكاسيت - متعبة
خامسا المرايا الجانبية
الفيرنا التحكم يدوى من الداخل
اللوجان مفتاح واحد تحت نهاية فرامل اليد وهو مفتاح رائع وسهل الاستخدام
سادسا لمبة الصالون
الفيرنا 2 لمبة واحدة امامية وواحدة خلفية
اللوجان 2 لمبة اماميين
سابعا صوت الموتور
صوت موتور الفيرنا اقل نسبيا من صوت موتور اللوجان بس مش مزعج بس فى فرق بينهم
ثامنا لمبة الشنطة الخلفية
لمبة فى اللوجان
لمبة فى الفيرنا
تاسعا علامة فتح الابواب
موجودة فى الفيرنا
موجودة فى اللوجان
عاشرا كمبيوتر السيارة + لوحة العدادات
موجود فى اللوجان يوضح
معدل استهلاك البنزين - كم كيلومتر ممكن تمشى لغاية انتهاء التنك - كم لتر استهلكته منذ ساعة التموين - معدل السرعة - عداد كيلومتر منفصل لكل رحلة على حدة + rpm + عداد السرعة + ساعة + حرارة+ زيت + حزام الامان
الفيرنا
عداد السرعة + rpm + عداد كم منفصل + مقاس الحرارة + مؤشر تنك البنزين + زيت + حزام الامان
الحادى عشر
النزول من السيارة مهم جدا
الفيرنا معاناة فى الخروج وكأن حد بيشدك لجوة
اللوجان الخروج بسلاسة وسهولة
الثانى عشر
اللوجان التابلوه به درج اضاءة يفتح النور بمجرد فتحه
الفيرنا ليس به لمبة اضاءة
الثالث عشر
اللوجان مكان الاكواب غير ملائم امام الفتيس على الارضية
الفيرنا مكان الاكواب ملائم فوق الفتيس تحت الكاسيت
الرابع عشر
الفيرنا بها درج صغير على الشمال ممكن تحط فيه موبايل محفظة ساعة وما شابه
اللوجان لا يوجد مثل هذا الدرج لا يمين ولا شمال
الخامس عشر
اللوجان بها فوج لايت + اضاءة الفوانيس تغطى مساحة كبيرة من الطريق ويمكن التحكم بها من الداخل فى الارتفاع والانخفاض
الفيرنا ليس بها فوج لايت + النور الصغير ليس بالكفاءة الكافية
السادس عشر
اللوجان عالية عن الارض لاتحتك بالمطبات حتى لو محملة 5 ركاب وشنط كتير فى الشنطة الخلفية
الفيرنا تحتك بالخطوط المرسومة على الارض
السابع عشر
اللوجان ازرار التحكم فى الكاسيت بذراع جانبى تحت الدركسيون سهل الاستخدام
الفيرنا ازرار التحكم من الكاسيت بس
الثامن عشر
اللوجان الكلاكس بذراع جانبى احيانا بيضياق فى الملفات ما بتعرفش تضرب كلاكس
الفيرنا الكلاكس فى الطارة سهل الاستخدام
التاسع عشر السماعات
اللوجان 4 سماعات
الفيرنا 4 سماعات
العشرين فوق التابلوه
اللوجان بها مكان فوق التابلوه ممكن تحط فيه اى متعلقات
الفيرنا لا يوجد
الحادى والعشرين الصاج
اللوجان افضل من الفيرنا
الثانى والعشرين شكل الباب من الداخل
اللوجان يعطى احساس بالفخامة
الفيرنا عادى
الثالث والعشرين العفشة
اللوجان ناعمة
الفيرنا ناعمة
الرابع والعشرين مستوى الرؤية
اللوجان رائع وكانك فوق المستوى المطلوب
الفيرنا عادى او منخفض نسبيا
الخامس والعشرين
اللوجان دواسة البنزين بها رعشة يمكن معالجتها فى التوكيل بسهولة
الفيرنا دواسة البنزين ليس بها اى رعشة
السادس والعشرين الفتيس
اللوجان به رعشة خفيفة غير مؤثرة
الفيرنا ليس به رعشة
السابع والعشرين بين الكرسيين
اللوجان ممكن شخص نحيف يعدى للخلف
الفيرنا لا يمكن
الثامن والعشرين التكييف
اللوجان كفاءة عالية والفتحات رائعة يمكن تغيير اتجاهها فى كل مكان
الفيرنا كفاءة عالية الفتحات تغيير اتجاهها محدود
التاسع والعشرين
اللوجان الشنطة تفتحها على طول طالما السيارة مفتوحة مرتبطة بالسنترلوك بدون مفتاح داخلى - اسهل
الفيرنا الشنطة لازم فتح من جوه او بالمفتاح
الثلاثون تانك البنزين
اللوجان بمفتاح العربية - اصعب
الفيرنا من الداخل
الشكل العام اللوجان ما مفيش منها تاكسى
الفيرنا معظمها تاكسى مع كامل احترامى للتاكسى
الحادى والثلاثون
الفيرنا معدل استهلاك البنزين اعلى قليلا ممكن يكون 8 او 8.5 لتر بالتكييف مش متاكد عشان مظلمش
اللوجان معدل استهلاك البنزين على الطرق الطوالى بالتكييف 7.5 لتر / 100كم وفى داخل المدينة 8.5 لتر / 100 كم
الثانى والثلاثون الكلاكس
اللوجان الكلاكس عالى وبيخلى الناس توسع لك
الفيرنا عادى
الثالث والثلاثون المراه الوسطى
اللوجان لاتحجب روؤية اى جزء من الطريق لانها مرتفعة
الفيرنا تحجب روؤية جزء من الطريق خاصة فى الملفات
الاحساس العام بالراحة والمتعة فى القيادة اللوجان تتفوق على الفيرنا - رأى شخصى
مع تحياتى / وائل عبد اللطيف
رقم العضوية : 2269
تاريخ التسجيل : 22Sep2007
المشاركات : 33
النوع : ذكر
الاقامة : الزقازيق
السيارة: يا مسهل
السيارة[2]: شاهين 1300
الحالة :
الله عليك يا كبير
أحسنت والله مية مية
بس ملحوظة
اللوجان في منها تاكسي في مدينة الزقازيق
TAMER LOTFY
رقم العضوية : 115160
تاريخ التسجيل : 08Oct2011
المشاركات : 1,533
النوع : ذكر
الاقامة : Cairo
السيارة: عندى عجلة بعد كدة!!!
السيارة[2]: Hyundai Elantra 2012
دراجة بخارية: لا يوجد
الحالة :
شكرا على التقرير
تقرير جميل و محايد ممكن كمان نضيف:
اللوجان فيها ايرباج الفيرنا مفهاش
الفيرنا مقاس الجنط 13 اللوجان اعتقد 15 و اعرض
بس برده انا بحب الفيرنا جدا معرفش لية!!!!! و فى الفترة الاخيرة اتهفيت فى عقلى و بقيت شايف ال byd احسن واحدة فيهم!!! هو انا كبرت و خرفت ولا اية؟؟؟ حد يطمنى على نفس يا جدعان
[frame="2 80"]
[/frame]
رقم العضوية : 30807
تاريخ التسجيل : 22Jan2009
المشاركات : 754
النوع : ذكر
الاقامة : Mokatum
السيارة: SAGA 2010 Auto
السيارة[2]: Fiat 128
دراجة بخارية: لا
الحالة :
تسلم ايدك
محمد سعيد
رقم العضوية : 111033
تاريخ التسجيل : 21Aug2011
المشاركات : 821
النوع : ذكر
الاقامة : Cairo
السيارة: NA
السيارة[2]: Lancer EX
دراجة بخارية: NA
الحالة :
مجهود جبار تسلم ياريس
انت عملت مقارنة حته حته, زنجا زنجا
رقم العضوية : 8788
تاريخ التسجيل : 12Apr2008
المشاركات : 1,976
النوع : ذكر
الاقامة : الاسكندرية
السيارة: كفاية عربية واحدة :)
السيارة[2]: gen2 a/t...08
دراجة بخارية: no
الحالة :
الله ينورررررررررر ومجهود ونقل تجربة اكثر من راااااااااائع
[rmade]http://www3.0zz0.com/2011/08/06/16/245952301.jpg[/rmade] [frame="1 80"]((اللهم لك الحمد ولك الشكر كما ينبغى لجلال وجهك وعظيم سلطانك ))[/frame]
رقم العضوية : 74241
تاريخ التسجيل : 30Jun2010
المشاركات : 3,685
النوع : ذكر
الاقامة : Egypt Fayoum
السيارة: ٍSpectra 2002
السيارة[2]: Nubira 1997
دراجة بخارية: No
الحالة :
رقم العضوية : 13405
تاريخ التسجيل : 22Jun2008
المشاركات : 1,754
النوع : ذكر
الاقامة : shoubra
السيارة: .....
السيارة[2]: Ford Escort 1.6 Z.TEC
دراجة بخارية: no
الحالة :
مقارنة رائعة الله ينور عليك وفي وجهة نضري اللوجان من اكتر العربيات الجديدة الي سعرها مش خسارة فيها ومناسب جدا لعربية بالامكانيات دي.
ولو نزل منها اتوماتيك بشرط السعر ميزدش اكتر من 5 الاف جنية هتكون الحصان الاسود ففي سوق الزيرو للعربيات الاقتصادية في مصر.
'المرأة لم تخلق لتكون محط إعجاب الرجال جميعاً
بل لتكون مصدراً لسعادة رجل واحد
رقم العضوية : 26290
تاريخ التسجيل : 27Nov2008
المشاركات : 245
النوع : ذكر
الاقامة : cairo
السيارة: Puma 1.6 2012
السيارة[2]: Lanos II 2006
دراجة بخارية: no
الحالة :
تقرير اكثر من رائع ..... بس اختلف معاك في ان تكييف الفيرنا افضل من تكييف اللوجان بمراحل
رقم العضوية : 15002
تاريخ التسجيل : 22Jul2008
المشاركات : 44
النوع : ذكر
الاقامة : قنا
السيارة: فيات 128
السيارة[2]: فيات 132
دراجة بخارية: هارلى 250
الحالة :
بصراحة انا حاسس ان اللوجان افضل عربية فى المستوى السعرى بتاعها
المفضلات