برجاء المساعدة والمشورة من جميع الاخوة

**gym1974** · 10-11-2011 11:32 AM

السلام عليكم ورحمه الله معلشى هأطول عليكم شوية انا عربيتى رينو كليو موديل 2003/1200cc وبفكر اغير انا بعد ما ابيع الكليو هيكون معايا حوالى 90 الف جنيه كنت حاصر المقارنة ما بين ميجان 2009 مستعمل طبعابما انى على دارية بالرينو ومشكله والبروتون بيرسونا 2009 كسر زيرو وناس كتير نصحتنى بالميجان طبعا لآنها مستوى تانى مختلف عن البيرسونا وكنت فى العيد جالس مع واحد صحبى كل عام وانتم بخير بالصدفة كان فى واحد قاعد على القهوة جنبنا وكنت بكلم مع صحبى فى المقارنة والاختيار لقيت الراجل ده رجل محترم جدا دخل معنا فى الحوار وقلى طيب ممكن تكمل كمان حوالى 5 الف جنيه وتجيب اوبل موديل 2009 مانيوال زى عربيتى والرجل شكر جدا فى العربية وفرجنى عليها كمان بصراحة انا انبهرت من جمال ووسع العربية وسالته عن المشاكل بتاعت السخونة قالى الكلام ده اتغير تماما فى الموديلات الجديدة . اصبحت فى حيرة اكتر ومش عارف اعمل ايه هاشرح لكم ظروفى ومتطلباتى فى العربية وارجو منكم النصحية والارشاد اولا - موضوع قطع الغيار والتوكيل ده مش فارق معايا كتير بس عايز اعرفة برده شوية معلومات اضافية عن قطع الغيار والاسعار هو الراجل قالى بس طبعا عايز اسمع منكم اكتر ثانيا - مدى اعتمادية العربية من حيث المتانة والثبات والتكييف وده مهم جدا والمشاكل طبعا الميجان لا تخلو من المشاكل واى عربية فيها الحلو والوحش والمقارنة بينها وبين الميجان معلشى طولت عليكم جدا وارجو منكم المساعدة الجادة لآنى بدأت ازهق جدا انا نفسى اركب عربية استمتع بيها وبالسفر لآنى بسافر شرم الشيخ كتير بغض النظر عن اى تكلفة اخرى الف شكر

**فادى محمد** · 10-11-2011 12:04 PM

وعليكم السلام ورحمه الله وبركاته..
الاوبل فيكترا ال2008 المانوال جميله طبعا وهتتلافي عيوب الاستب ترونيك والتكنولوجيا المعقده اللي فيها طبعا ثبات واعتماديه وتكييفها حلو بس المشكله انك تلاقيها معروضه وتكون حالتها حلوه لانها قليله جدا..

**فادى محمد** · 10-11-2011 12:34 PM

ربنا يكرمك ..
هي الميجان اكثر انتشار بس مشاكلها تنحصر في موضوع الكويلات اللي اخترعوها بديل للموبينه بتبوظ بسرعه وفجاه ومش رخيصه -طقم الكاتينه مكلف سير وبليتين شداد ..افتكر فوق ال1000ج -وفي ناس مش مبسوطه ان اجزاء منها فيبر جلاس مش صاج..

اما الفيكترا فبرستيجها اعلي بكتير ركوبه بشواتي موتور ايكوتك موفر في البنزين وزي ماقولت لحضرتك الفتيس المانوال مالوش اي مشاكل والموتور ماشاء الله كويس جدا وحاجتها متوفره استيراد في الحرفيين بكثره ..ربنا يوفقك ,تحياتي

**wama00** · 10-11-2011 05:23 PM

احب اضيف معلومة بس ,, اخر الفيكترا 2008 , ما شوفتش منها 2009 خالص,, تانى حاجة هتلاقيها فى حدود 120 مش 95 الف خالص وديه طبعا حسب حالتها لو كويسة تبقى بتلعب فى الرينج ده 120 تقل 5 او تزيد 5.

**tananybasha** · 11-11-2011 12:38 AM

عربية ممتازة
و تتفوق على الميجان فى حاجات
و الميجان تتفوق عليها فى النعومه و التسارع و الشكل الأكثر انسيابية

**gym1974** · 13-11-2011 09:34 AM

المشاركة الأصلية كتبت بواسطة tananybasha

عربية ممتازة
و تتفوق على الميجان فى حاجات
و الميجان تتفوق عليها فى النعومه و التسارع و الشكل الأكثر انسيابية

جزاك الله كل خير اخى الكريم الميجان ده عربية سواقتها قمة المتعة وفى السفر حاجة فوق الوصف ما يعيب العربية ده تكيفها وحش جدا والصاج خفيف قوى وابعد عن موديل 2005 على قد ما تقدر وخليك من 2007 وانت طالع ولو مانوال تبقى فى الجون بس انا حبيت اخد راى الاخوة الكرام مالكى الاوبل ولا خاب من استشار

**tananybasha** · 13-11-2011 02:40 PM

هو عيب عام فى الأروبى موضوع التكييف ده

الموضوع: برجاء المساعدة والمشورة من جميع الاخوة

LinkBack

أدوات الموضوع

عرض

-

-

-

-

-

المواضيع المتشابهه

أرجو المساعدة والمشورة من المنتدى الغالى

الى جميع الاخوة فى المنتدى

فكرة ومحتاج المساعدة والمشورة

الى جميع العاملين بمجال الكومبيوتر, برجاء المساعدة...

الكلمات الدلالية لهذا الموضوع

المفضلات

المفضلات

ضوابط المشاركة