السلام عليكم ... اخوانى الاعضاء الكرام الحمد لله واحد خبط فيا امبارح فى الغردقة كنت واخد الاولاد يوم فسحة كدة على السريع وعربية بوكس شرطة سايقها عسكرى مستهتر دخل فى الاكصدام الورانى لدرجة انه كسر وش الفانوس الخلفى اليمين .. وكمان طبق الشنطة بس الحمد لله مسكت الضابط بتاعة وخليته ودى العربية ورشة وسمكرنا الشنطه على البارد بس طبعا دورنا فى الغردقة كلها على فانوس خلفى مالقيناش فطبعا قاللى خد تمنه وادانى 300 جنيه طبعا تمن التقليد الأحمر وانا بتاعى الابيض الاصلى المهم قولتله مش عاوز حاجة وسالت عليه فى توكيل الاقصر قالولى الفانوس كله موجود ومافيش الوش بس ومارضيوش يقولولى السعر ... سياسة تسويقية ياسيدى .. قولتله طيب ممكن اجيلك ومش عامل حسابى .. دة لو فرقت 10 جنيه حاترجعنى المشوار تانى .. انا فى قنا .. برضه مارضيش وكنت لقيت موضوع عامله الاستاذ احمد عن فانوس 2010 تمنه كاتب ب600 جنيه فمش عارف دة حايكون بكام ... وهو فيه ياجماعة وش بس علشان الفانوس زى ماهو ماحصلهوش حاجة غير الوش بس هو اللى اتكسر والاكصدام ماشاء الله اترد تانى مكانه لوحده بس طبعا حصل فيه خرم من مسمار الاكصدام بتاع عربية الشرطة الدوبل كابينه قولت مش مشكله ممكن يتدارى بالأستيكرات ولاحاجة وتصدقوا بعد الحادثة والسمكرة والله فرحتى بالعربية وانها مالهاش معايا غير6 شهور راحت كانى راكب مستعمل ... يالا الحمد لله على كل شيء بس يااخوانى ياريت اللى يعرف مكان بيبيع الوش يقوللى ايه العنوان واجيبه ازاى لانى سالت المهندس حسين مشكورا قاللى انه بيتصب بس مش عارف فين واسف لحضراتكم للأطاله