سؤال بخصوص المساحات

**ismailll** · 11-11-2011 11:02 AM

السلام عليكم يا صقور النيسان
انا لسة شاري صني 2009 سوبر صالون وحقيقي انا استفدت كتير جدا من خبرات حضراتكم وكان عندي استفسار عن المساحات , عندي مابتشتغلش , فهل يوجد للمساحات فيوز , و لو موجودة فين بالظبط , ولا ممكن تكون المشكلة اية؟
وشكرا لمجهوداتكم الرائعة.

**Sehsss** · 11-11-2011 02:36 PM

بص ياباشا هو أكيد فيوز فاصل إن شاء الله وتبقى بسيطة، ومكانه علبة الفيوزات بس مش عارف بالتحديد اللي في الموتور ولا اللي فوق رجل السواق، بس غالبا اللي فوق رجلك، والأفضل تروح لكهربائي، بس قوله شوفلي فيوز المساحة وغيره، علشان ما يعملش حوارات عليك ويقولك فيها كذا وكذا، وإن شاء الله بسيطة

**Bishoy.Girgis** · 11-11-2011 08:03 PM

بص يا باشا انا شايف ان عربيتك موديل 2009 يعني انت لسة في الضمان فلو في صيانة للعربية قريبة يبقي خليها في الصيانة و التوكيل يعملها .
و برده لو انت مستعجل .. ممكن تروح لكهربائي سيارات تثق فيه و يراجع علي الفيوزات و يشغلها فورا لو مشكلة فيوز

**Youssef.Awad** · 12-11-2011 03:35 AM

رأيى من رأى بيشوى خليك احسن فى صيانة دورية فى اى مركز خدمة نيسان لأنك لسه فى الضمان وبالمرة تكشف عليها كلها بعد ما اشتريتها مع انه المفروض كان يتم قبل الشراء

**ismailll** · 12-11-2011 07:20 AM

العربية مش في الضمان لأن صاحبها قاللي انا مغيرتش حاجة في التوكيل و مروحتوش اصلا.
بس بصراحة انا ماشيكتش علي المساحات وانا بشتريها ولمل اكتشفتها اتصلت بيه وقلتله , رد عليا وقاللي ,
دي تلاقيها فيوز, فحبيت اتاكد منكم قبل ما اروح للكهربائي , وانتم عارفينهم طبعا .

**ismailll** · 12-11-2011 07:25 AM

متشكر يا باشا , ان شاء الله هاعمل كده , و ربنا يكرم وتظبط .

**Youssef.Awad** · 12-11-2011 11:07 AM

المشاركة الأصلية كتبت بواسطة ismailll

العربية مش في الضمان لأن صاحبها قاللي انا مغيرتش حاجة في التوكيل و مروحتوش اصلا.
بس بصراحة انا ماشيكتش علي المساحات وانا بشتريها ولمل اكتشفتها اتصلت بيه وقلتله , رد عليا وقاللي ,
دي تلاقيها فيوز, فحبيت اتاكد منكم قبل ما اروح للكهربائي , وانتم عارفينهم طبعا .

حسبى الله ونعم الوكيل ده راجل لامؤاخذة مستخصر يحافظ ع العربية واول ما بدأت تحتاج تصليح وتغيير لقطع غيار دورية باعها وخلص منها

ياريت تقولنا حالة العربية عاملة ايه عموما وماشية كام كيلومتر

ونصيحة من اخ لأخوه روح اكشف عليها فى اى توكيل نيسان بالكومبيوتر لتحديد حالتها بالزبط وايه اللى محتاج يتغير فى العربية واعمل مقايسة واتواصل معانا
بدل ما كل شوية تشتكى من حاجة ظهرتلك كده غير المساحات والموضوع مش هايكلفك اكتر من 150ج