الموضوع: عايز اعمل exhaust system لبريليانس frv افيدونى افادكم الله :)

المشاركة الأصلية كتبت بواسطة Ahmod

بسم الله ماشاء الله

لسه شايف المشاركة بتاعتك دلوقتي ماخدش بالي منها قبل ماضيف الرد

بجد شغل نضيييييييييييف وماشاء الله

قولي انطباعك بقى الاداء اتحسن ولا ايه ؟ انا بسمع ان تغير الهيدرز ده لوحده بيرفع العربية بتاع 10 حصان

ومع الشكمان والفلتر يعني المفروض انت العربية زادت في رنج ال 15 حصان

حسيت بتحسن ملحوظ في الاداء ؟ ودلوقتي ايه اخبار التسارع عندك؟

حسبت فيديو تسارع قبل الشغل وبعده ولا محسبتهاش ؟

والعربية دلوقتي بتجمع من 0-100 في قد ايه ؟

وكلفك كام الشغل ده ؟

والله ياباشا انا حاسس انه فرق يعنى انا كنت فى جسر السويس و حبيت اشوف لو اتغاشمت على الموتور هيعمل ايه كرد فعل ف كنت ماشى براحه و مره واحده رحت كابس بنزين جامد العربيه راحت عمله بيرن و جريت -مش بكامل اداء الطلعه طبعا - بس ده كان كويس لان فى الطبيعى الحركه دى تكتم الموتور مش هيبقى نص مفوق ....... الصوت عاجبنى ليه كده بيز حلو و هادى ...... والله موضوع التسارع ده مجربتش قبل الاكزوست فى قد ايه و بعده فى قد ايه لان العربيه حاسس انها مش مزبوطه من ساعت ما مونت اخر مره و خايف يكون بنزين مغشوش ربنا يستر مع انه من موبيل مصطفى النحاس ........ بس برضه حاسسها فيقه كده خصوصا على ال rev العالى بتشد حلو ....... ان شاء الله لما التفويله تخلص هبقى امون من شيل مصطفى النحاس و اخليه highly octaned و هبقى اصور التسارع فى طريق المطار -مع ان المطار رايح مطلع و راجع منزل فبيبقى مش تسارع الاصلى للعربيه -


و ان شاء الله هبقى اروح التوكيل اشوف موضوع السينسور ده ايه علشان لمبة التشيك بتاعت الموتور منوره

المشاركة الأصلية كتبت بواسطة tifalol

ايوه بقى ما شاء الله جامده
بس ياريت تعملنا فيديو بالتسارع بقه
و انت حاسس ان في فرق في السحب ولا ايه ؟

انا لسه رادد على السؤال نفسه ياباشا هتلاقى فى الكومينت اللى فوق ده على طول
و ان شاء الله قريب هرفع فيديو التسارع ولو انى على قدى يعنى 102 حصان

بعد التركيب زى ما قولتلكم اللمبه بتاعت الموتور نورت و رحت التوكيل و عرفت المهندس اللى حصل .... المهم حطهالى على الجهاز و طلعت علبة البيئه ... و دخلنا فى مناقشه بان الاكزوست و الفلتر ملهومش لازمه و مش بيزودوا الاداء .... و فى الاخر شهدنا مهندس تانى كبير فى السن و دايما تحت مع العربيات فى ورشة التوكيل كده و شكلوا فاهم قوى المهم قالنا طبعا بتفرق جامد و بتفوق العربيه بس بتقلل عمره الافتراضى يعنى .... المهم المهندس طلع معايا علشان يقنعنى انها مفرقتش عن كل العربيات اللى frv 1.5 اللى جربها و لما رجعنا كان مقتنع بالحاجات دى و كمان كان ناوى يركبها فى عربيته هههههههههههه :) ........ المهم و انا مروح يومها عند القطاميه لقيت واحد معاه فيرنا و نازل غرز و حرق ... قلت اجربها معاه بقى و طلعت منه سرعه و شاورت له كمان و انا ماشى :))))))) مش عارف بقى عيب سواق و لا العربيه بقت تطلع من الفيرنا الله اعلم .............. المهم انا برضه حاسس ان العربيه مكتومه كده يعنى لو كبست بنزين مره واحده ال rpm يعلى و العربيه تجعر على الفاضى فرحت ظبطت الفلتر و نزلته تحت فوق الكرتيره كده علشان يبقى بياخد هوا ساقع و بعيد عن الموتور و الكرتيره تحميه من الميه و التراب يعنى و جربت العربيه تانى الكتمه خفت بشكل ملحوظ بس لسه حاسسها مش مظبوطه بس بليل بتفوق جااامد سبحان الله يمكن الهواء الساقع بيظبط الفلتر .... و ان شاء الله قريب هعمل ريماب علشان موضوع الكتمه ده و اللمبه بتاعت الموتور اللى خنقتنى :) ....... الدنيا بس تتظبط و هصور التسارع الجديد ... بس معلش انا معرفش القديم كنت بجيب 0-100 فى قد ايه D:

اخر الاخبار انا رحت بالصدفه مع واحد صاحبى للبشمهندس احمد الوكيل طبعا غنى عن التعريف كفايه شغله يعنى احمد طارق toyota supra و subaru impreza و كمان ال EVO بتاعت العادلى ...المهم لما سألته على كتمة الموتور عرفت ان المشكله اصلا ان موتور التويوتا الصينى بتاع البريليانس هو اصلا مكتوم كده مش زى الميتسوبيشى بتاعها -صينى برضه على فكره- فقلت خلاص ملهاش لازمه تكاليف الريماب و تأقلمت على العربيه و ابتديت كمان اعرف اطلع احسن اداء منها بفضل الله بس طبعا ابتديت الاحظ فروق ما بين بنزين المحطات المختلفه فى الاداء و ركبت ناس اصحابى معايا -من ملاك الهيونداى - و قالولى ان فعلا تسارعها يطلعها من الفيرنا مش حوار سواق و من فتره طلعت من عربيه برضو كويسه بس مش فاكر نوعها للاف الشديد ... ان شاء الله هبقى اشوف حد كده يصورلى فيديو التسارع بجوده كويسه كده ان شاء الله ولو فى اى استفسار قولولى

المشاركة الأصلية كتبت بواسطة Ahmod

ماشاء الله معنى انك تطلع من الفيرنا يعني هتقطع اكتر من 90% من العربيات ال 1600 اللى في السوق
والله مبجربش كتير اشد مع ناس هى ساعات كده بتبقى الغزاله رايقه فبجرى و الاقى بقى ناس بتسخن معايا بس مش اكتر و من بقك بقى لباب السما
بس انت ماشديتش مع فيرنا قبل كدة ؟ يعني قبل الموضوع ده ؟

لامجربتش اشد معاها قبل كده بس عربيتى اصلا 102 حصان و راكبلها فلتر كربون سيموتا قول ادى 2 او 3 حصان كمان فمكنتش اتوقع يعنى تطلع من فيرنا او غيرها اساسا ده غير ان صاحبى خد عربيته الاف ار فى مو 2009 ال 1600 كمان على ال Dyno وطلعت 86.4 حصان
لان وارد انت عربيتك بتطلع منها من الاول سواء بالتعديل ده او من غيره
اظن صعب

اعتقد اللمبة اللى باينة عندك دي بسبب حساس الاوكسجين او زي مابيقولو كدة fettered sensor ! ده المفروض بيكون موجود اما بعد او قبل علبة البيئة فغالبا كدة انت شلته بالتالي اللمبة منورة

هى فعلا كده :)

اعتقد كان المفروض يتركب على المواسير القديمة عشان تتجنب الموضوع ده

لا مهو وصل السينسورز فى المواسير الجديده بس الخليط نفسه اتغير مبقاش نفس كمية الاكسجين فالسينسور نور التشيك وليها حل برضه انى اجيب سنسور للنسبه الجديده بس بصراحه انا نفضت خصوصا انى ان شاء الله هسقط موتور فى خلال سنه او سنه و نص لو ربنا كرم فمستحرم ادفع اكتر من كده

عموما انا رايح ان شاء الله للطفي وهعمل الموضوع ده عندي في الياريس ان شاء الله يمكن على اول الشهر

ربنا يكرمك ان شاء الله و يعملك شغل حلو و لو قدرت اجى اسلم عليك كده ان شاء الله

بس انا اهم حاجة عندي اني عايز يكون ملهوش صوت نهائيا ! صوت الفلتر لوحده كفايا مش مستاهلة صداع فياريت ينفع يكون ملهوش صوت خالص

ملوش صوت نهائى ليه جيب علبه هاديه تديك الصوت فى الشد بس انا عامل كده و بصراحه الموضوع حلو ... عموما ممكن متركبش علبه خالص و ده هيعلى صوت الموتور سيكا عن الاول او جيب علبه اسبور نضيفه و صوتها خفيف و فى كاتم بيتركب كمان لو مش عاجبك صوته الهادى

بلاش الريماب عشان فيه ناس كتير قالت انه بيقلل العمر الافتراضي للماتور وطالما التعديل ده وصلك لقدرة كويسة يبقى الحمد لله

على حسب الريماب يعنى فى ناس بتفتح الموتور على اخره وطبعا كده هيعمر بدرى بدرى

المهم انت ملكش اي نصائح تنصحني بيها قبل ماعمل الموضوع ده؟

لو لسه فى الضمان استنى شويه علشان وش هيطلعك بره و اتأكد برضه من حوار السينسور ده قبل ما تعمله علشان لاقدر الله لو فى مشكله فى الموتور مش هتعرف لان التشيك منور على طول و ابعد كل البعد عن العلب الصينى و المصرى خليك فى الاستيراد النضيف علشان متقلبهاش جاعوره
يعني هيزود الاداء للدرجة اللى تستاهل ان الواحد يعمله ؟ ومش حاسس باي حاجة مضايقك في الموضوع او مخلياك مثلا تقول ياريتني معملت ؟

والله بص اصل موتورى كان مكتوم شويه قبل ما اعمل الاكزوست و بعد اما عملته بقى بيكتم اكتر يعنى تكبس بنزين مره واحده الار بى ام يتجنن و يطلع و ينزل و خفت يكون ده من الاكزوست طلع الحوار فى الموتور فيه لاج غشيم فاللى بيحصل عندى انها بتبقى عاديه و صوتها يعلى لحد ار بى ام عالى مره واحده تروح شده جااااامد زى ما يكون فى تربو و اكتر من واحد سألنى ان متربن ههههههههههههه بس هو الفكره انها بتسحب مره واحده فمبقتش اقدر اعرف شدتها عامله ازاى قبل و بعد بس طبعا اكيد فى فرق واضح على العالى

مش حاسس باي اعراض جانبية ؟ واستهلاك البنزين عامل معاك ايه ؟

استهلاك البنزين طبعا بقى اكتر بس علشان انا بحرق بس لو ماشى عادى -و اتحداك انك تعمل كده هههههههه - مش هيبقى فى فرق فى الاستهلاك

والصوت ؟ الصوت من العلبة بس ولا بتسمع اصوات تانية زي تنفيث هواء كدة سمعت ناس بتقول انه بيظهر لما بتشيل علبة البيئة ؟

لا مبسمعش تنفيس ولا حاجه بالعكس الصوت حلو و رياضى وخفيف و لو شفتك ان شاء الله هبقى اسمعهولك :)

والصوت عالي للدرجة زي مابنشوف كدة في العربيات ال 128 ؟ اللى بتبقى ماشية بتجعر على الفاضي والمليان ولا بيطلع مع الحرق ؟ وعلى السلانسيه الصوت بيبقى عامل ايه ؟
كل ده على حسب العلبه يعنى فى علب جربتها و انت واقف و فى السلانسيه عالى و طبعا يطرش على الحرق و اللى معايا دلوقتى فى السلانسيه كده بيبقى بيز و صوت خفيف ولما تحرق بيبقى رياضى و حلو
معلش بقى صدعتك بس اصلي بفكر في الموضوع ده بقالي كتير ومتردد
لا صداع ولا حاجه والله انا بتبسط لو فدت اى حد حتى لو بكلمه