الموضوع: كاوتش ميتخرمش

المشاركة الأصلية كتبت بواسطة el_nahal2004

السلام عليكم ورحمة الله وبركاته

من كام اسبوع كدة لقيت فى ملحق السيارات صفحة كاملة عن حماية وامان كاوتش سيارتك
وان الكاوتش بيكون مسلح بمادة عالميا اسمها RHINOTIRE

هو الى بيحصل ان هما بيفكو كاوتش عربيتك وبيحطولوا زى مادة شمعية من الداخل بحيث ان لو دخل فيها مسامير او اى حاجة حادة يتلحم تلقائى


انا مهتم بالموضوع ده عشان انا متأزى جدا لأنى بجانب شغلى 2 منجدين ومقلكوش باه كمية المسامير الى بتبقى فى الارض
وده الموقع الى كاتبنه فى صفحة الاعلان WWW.TTPEGYPT.COM

-انا بس بسال لو حد كان جرب الموضوع ده او عايز اعرف هو عملى فعلا ولا ايه نظامه بس انا ملقتش حد متكلم عليه فى المنتدى خالص

الموضوع محل الاهتمام جججججدا بس اللي انا اعرفة ان (( المادة دي تكفي ل 50 كيلو متر )) يعني لاقرب مكان وتشوف الكاوتش !!!

بص يا باشا أنا سمعت عن المادة ديه و أنا بشتري عربيتي

في واحد جمب سمير ريان مش فاكر أسمه أيه بس هو كان عنده المادة ديه و كان سعرها 250 جنيه للـ 5 فرد (بالأستبن يعني) و كان في تجربه عملها عملي قدامي أنه حط المادة على فردة كاوتش من جوا زي ما حضرتك بتقول و بعدين راح داقق مسمار في الكاوتش بشاكوش و طلع المسمار و هنا بقى المادة ديه أشتغلت لقيت طلعت مكان الخرم و سدته و ما طلعتش أي هواء من جوا الكاوتش

و للعلم المادة ديه مش 50 كيلو بس ولا حاجه جيه طول ما الكاوتش موجود هي موجودة (أكيد طبعاً مع تغيير الكاوتش )

للأمانه أنا ما أشتريتهاش بس قولت أقولكوا ع اللي شوفته ساعتها