كان الجزء الثانى خلص علىالسلام عليكم و رحمة الله و بركاته
نكمل الجزء الثالث من سلسلة سخونة النيسان صنى
للى مش مذاكر
الجزء الأول
الجزء الثانى
المهم وصلت يوم الخميس بفضل الله و كلمت المهندس الكبير وليد بيك عادل يوم الجمعه الصبح و فعلاً اتقابلنا على الساعة 6 مساءاً فى بنزينة موبيل اللى فى شارع الخليفة المأمون "مع انه طول النهار بيلف مع أحمد بيه أزار فى سوق السيارات" كان بعربته و قال لى تعالى ورايا.
يمين فى شمال فى يمين فى شمال لقيته وقف قدام محل بقاله و راكن قدامه عربية ريجاتا و شغالى فيها راجل كبير حوالى 55 سنه .
بعد السلام و التحيه وليد قال للراجل الكبير عندى العربية دى بتنقص ميه شوف لنا وضعها ايه .
فتح الكبوت و بص يمين شمال و لقيته ساب الكبوت و دخل جوه العربية و قام شايل الدواسات لقينا ؟؟؟؟؟؟
http://i1117.photobucket.com/albums/...r/100_4271.jpg
يا نهار اسود الميه الخضرا دى جات منين
ثم دى زى ما تكون طالعة من تحت الأرض
ايه يا عم الميه دى قال دى سربنتينة السخن اللى جوه الصالون!
بصينا لبعض أنا و وليد :fun_10_9_134[1]:
وليد نادى على الأسطى حمدى حوالى 30 سنة و عاد معاه نفس الفيلم رد عليه بنفس الاجابه
طيب و ايه الحل يا دكتور حمدى قال حاجه من 2 مالهمش ثالث:
1- تتلغى السربنتينه دى على أساس ان محدش بيستعمل السخن.
2- يتعمل كوبرى من الماتور على اساس انه يلغى التسريب لحد ما تروح التوكيل بعد العيد يعالجوا المشكلة.
قبل ما نختار الاجابة استعنا بصديق عمدة النيسان "احمد بيك مصطفى" كلمناه قال لازم نسأل المهندس محمد عبد المنعم من توكيل السبع
و قد كان لقينا المهندس محمد عبد المنعم بيكلمنا و اختار معانا الاختيار الثانى اللى هوا
http://i1117.photobucket.com/albums/...Photo-0333.jpg
خمس دقايق و كل المشاكل اتحلت بفضل الله أولاً و بمساعدة وليد بيك عادل و بتنفيذ الاسطى حمدى الله يعمر بيته
شويه صور للمشاكل اللى كانت عندى
http://i1117.photobucket.com/albums/...r/100_4277.jpg
http://i1117.photobucket.com/albums/...r/100_4275.jpg
http://i1117.photobucket.com/albums/...r/100_4272.jpg
تمت تجربة العربية خلال الفترة من الجمعة 4-11 حتى يوم الأحد 13-11 عن طريق :
أول يوم العيد مدينة السادات 240 كيلو رايح جاى
ثانى يوم العيد مدينة الفيوم 180 كيلو رايح جاى
ثالث يوم العيد مدينة الاسكندرية 500 كيلو رايح جاى
رابع يوم العيد مدينة قويسنا 130 كيلو رايح جاى
11-11 مشوار البلد 240 كيلو رايح جاى
كل التجارب كانت صبح و ليل و بأحمال و بدون و بتكييف و النتيجة القربة منقصتش مل متر واحد و مؤشر الحرارة ثابت طوال فترة التجارب
كده على الجاهز اتكلت على الله و رحت التوكيل يوم الأحد 13-11
اتحركت من الهرم على الساعة 11:30 صباحاً وصلت على الساعة 12:10 ظهراً
كلمت المهندس معتز علشان احدد ميعاد للمقابلة و الراجل مشكور قال لى انا مستنيك فى المكتب
وصلت التوكيل على مكتب الاستاذ معتز رأساً حكيت له المغامرة من طق طق لسلام عليكم و الراجل تفهم الموضوع كاملاُ اتصل على المهندس سعيد و قال له حالاً اكشف على ثلاجة السخن و بلغنى بالنتيجة
و بالفعل تم الكشف على الثلاجة و ثبت فعلاً انها عايزة تتغير
قالى ساعة و حنغيرها فى الضمان و فعلاً نص ساعة و لقيت التابلوه على الأرض و الثلاجة بتتغير
http://i1117.photobucket.com/albums/...Photo-0334.jpg
و الحمد لله على الساعة 6 مساءاً كانت السربنتية متغيرة و طلعنا جربنا العربية انا و المهندس سعيد و الحمد لله كله تمام.
طبعاً كامل الشكر للأستاذ معتز المحترم و المهندس سعيد على حسن التعاون و لمركز السبع ككل.
--------------------
----------لحد هنا ده موضوع اسامة ابراهيم
المشاركة اللى جايه بتاعة شيطان أسامه ابراهيم:evil::evil::evil::coming-soon[1]: