الموضوع: تفتكر تنفع؟؟

المشاركة الأصلية كتبت بواسطة semsem kane

فية فكرة دايما بتخطر على بالى لمنع السرقة فى العربيات

طبعا كلنا عارفين ان اى حرامى فى الدنيا لو عايز يسرق عربية بيعمل حاجة من الثلاثة دول

1- لائما يكسر الزجاج او يقطعة عشان يفتح قفل الباب

2- لائما بيدخل قطعة معدنية رفيعة من ورا الزجاج

3- لائما بطفاشة بيفتح كالون الباب

الحلول بقى اللى المفروض تتعمل بالترتيب لنقاط السرقة اعلاة :

1- ان وانت بتقفل زجاج السيارة يكون عندك اختيار ان يكون فية لوح معدنى يقفل من الخارج بحيث يصعب اختراقة ( وبكدة انت صعبت على السارق كسر الزجاج )

2- يقفل المكان دة من داخل الباب بحيث لايجوز دخول اى شىء

3- لية مايعملش باب العربية بمفتاح مشفر , او انة يعملها بأكواد بدل الكالون اصلا يعنى خمس ارقام تدخلهم الباب يفتح لو مش عايز تفتحة من غير الريموت معلش حتى لو كانت مكلفة هتزيد كام يعنى 5000 الاف جنية للعربية واية يعنى فى مقابل انت حافظت على تمن عربية تمنها يزيد عن 90000 الف جنية

فعلا فكرة حلوة ياسمسم ده غير انها مش لازم تيجى Stock مع العربية ممكن تتركب زى الانذار

ممكن كمان يتعمل نظام lock اوتوماتيكى للفرامل فى حالة محاولة تدوير العربية باى طريقة غير المفتاح بحيث تكلبش فى الارض حتى لو الhand brake مش مرفوعة
فى حالة نجاح الحرامى فى اقتحام العربية باى شكل وفى الوقت بتاع اقتحام العربية دى يبقى فيه نظام حماية عن طريق cover صلب يغطى الاجهزة الموجودة فى العربية زى السى دى بلاير والشاشة ونفس الكلام مع الكابوت والشنطة لو فكر يسرق البطارية او اى شئ من الشنطة زى حقيبة العدة

انا لا احجر علي الابداع ولكن كل ما افكر في حاجه الاقي ان شركات السيارات فكرت فيها وعملتها مهما كانت غريبه لدرجه ان العربيه الفانتوم باب السائق فيه فتحه فوق الكالون بيتحط فيها شمسيه

المشاركة الأصلية كتبت بواسطة lord_of_egypt22

انا لا احجر علي الابداع ولكن كل ما افكر في حاجه الاقي ان شركات السيارات فكرت فيها وعملتها مهما كانت غريبه لدرجه ان العربيه الفانتوم باب السائق فيه فتحه فوق الكالون بيتحط فيها شمسيه

ههههههه غريبة فعلا بس الفكرة دى سبقهم فيها القذافى لما كان راكب التوكتوك بس كان ماسكها فى ايده

انا فكرت في فكره تانيه لمنع السرقه احنا عارفين ان الكهربا الخارجه للبوجيهات عاليه جدا وممكن تصعق اى شخص ايه المانع ان لو حصل اى محاوله اختراق للعربيه فطبعا لازم يدور العربيه وفى الحاله دى العربيه ترسل شحنه كهربا للسارق عن طريق الدركسيون (اى معدن فيه ) أو الفتيس أى حته المهم يتكرب ويفضل مكانه لحد ما تروح تلاقي السياره ماسكه لك الحرامي000000هههههه ايه خيالي واسع و لا ايه

المشاركة الأصلية كتبت بواسطة waled4u

انا فكرت في فكره تانيه لمنع السرقه احنا عارفين ان الكهربا الخارجه للبوجيهات عاليه جدا وممكن تصعق اى شخص ايه المانع ان لو حصل اى محاوله اختراق للعربيه فطبعا لازم يدور العربيه وفى الحاله دى العربيه ترسل شحنه كهربا للسارق عن طريق الدركسيون (اى معدن فيه ) أو الفتيس أى حته المهم يتكرب ويفضل مكانه لحد ما تروح تلاقي السياره ماسكه لك الحرامي000000هههههه ايه خيالي واسع و لا ايه

فكرة حلوة ومؤلمة جدا لحرامى