الموضوع: تفتكر فيك ايه من عربيتك

موضوع ظريف
عن نفسى اخترت الياريس
1) عربية بتاعة زحمة مدن و مناورات ضيقة , مع تشكيك البعض فى امكانيتها على الطرق السريعة
--- أنا %99.9 من حياتى جوة القاهرة , و لما بسافر مرتين ولا 3 فى السنة مش شرط اخد عربيتى

2) توكيل محترم ( بشهادة جميع من سالتهم )
--- واحد مش رايق لخناقات التوكيل و لا وقفة الميكانيكية و عايز يريح دماغه

3) عوامل امان
--- ملهاش علاقة بشخصية معينة , اى حد نفسه فى عوامل امان

ده اللى اتا بقنع نفسى بيه , لكن فعليا انا كان نفسى فى السيراتو بس الله يسامحوا الوكيل و انا مستحييييييييل اقتنع بمبدأ الاوفر برايس , و متهيألى فى الاخر بعد سواقة العربية ان ربنا وفقنى جدا فى الاختيار , الحمد لله

المشاركة الأصلية كتبت بواسطة mohabsaeed

لحد سنه 2004 ماركه بروتون بالنسبالى ... كانت لا شئ . و كنت بضحك على الى يفكر يشتريها ... و كان من مستحيل افكر فى يوم من الايام انى اشترى عربيه من الشركه الغريبه مجهوله الهاويه ديه . ايه بروتون ديه فى عالم السيارات اساسا ؟؟؟!!

لحد ما احد الاصدقاء اشترى بروتون ويرا " رغم اعتراضى الغير طبيعى على قراره , و اعتقادى انه رمى فلوسه فى الارض " .

بعد ما اشترى الويرا لقيت ان العربيه مش وحشه ... لا .. ديه عريبه ممتازه فى مقابل سعرها و احسن من الانوس و الفيرنا 100 مره .. كثبات و قوه تكيف و راحه و رحابه بجد ممتازه على الاقل بالمقارنه بالفيرنا و الانوس الى كانو اغلى منها فى الفتره ديه
!
بعديها بفتره قصيره فى اول 2005 نزلت الواجا " التحفه من وجهة نظرى " انبهرت بشكل غريب جدا بتصميمها الراقى و العدائى ... عجبنى اوى اللمحات الايطاليه الى اقتبسوها من الفاروميو ... الخط الجانبى المستقيم , شكل v على الكبوت , تصميم الكونسول و الفتيس المائل ناحيه السائق " ماشوفتهاش فى اى عربيه تانيه غير الفا و الواجا " . عجبنى جدا الجنط ال 205- 16 الى نازل فيها ستاندرد ....و حاجات تانيه كتير , الواجا كانت طفره فى الفتره ديه من ناحيه التجهيزات و الثبات و الامان و التصميم فى الفئه السعريه ديه و كانت تساوى اكتر من قيمتها بكتير .....

ومن خلال بحثى على الانترنت عرفت اكتر عن بروتون و الواجا تحديدا ... و عجبنى جدا ان الواجا انظمه التعليق فيها اتصممت عن طريق شركه لوتس الغنيه عن التعريف ... الشاسيه بالتعاون مع فولفو و ميتسوبيشى ..... و فى اكتر من مقارنه و مقاله على المواقع العالميه ... الكل اجمع على جوده تصنيع الشاسيه و انظمه التعليق فى الواجا و ديه من الحاجات الى وصلت اقتناعى بالعربيه 110 % .

بالنسبالى قرار الشراء مكانش مغامره .... انا كنت عارف بشترى ايه و واثق تماما فى قرارى , حتى لو الناس مش عارف ايه العربيه ديه او ليه اشتريتها تحديدا ... مش مهم , العربيه عموما بالنسبالى مش كنبه ب اربع عجلات تودينى من نقطه ا الى نقطه ب ولا حاجه عاوز اثبت بيها للناس انى متميز و فوق الجميع و راكب حاجه " اصلى d-: " زى مش عارف مين الى معاه كذا .. لا العربيه تحديدا اكتر سلعه بحس انها مكمله ليا و لازم اكون مرتاح نفسيا و انا راكبها و انا ببص عليها ..... جزئيه اشترى الى بيشتريه الناس مش فى دماغى ... و ضدها تماما , المهم الحاجه الى مقتنع بيها .

بجد موضوع رائع يا أ - مصطفى , و بشكرك على طرحه .

أ / مهاب
العفو ياباشا...انا اللى متشكر على الرد
انا لسا كنت امبارح فى فرع مدينة نصر ..زميل ليا كان بيتفرج على البيرسونا علشان ناوى يشتريها ان شاء الله...وشفت الواجا...بصراحة عربية فى منتهى الاناقة والشياكة وخصوصا من جوة....حاجة جميلة جدا جدا ...كنت منبهر بيها فعلا

المشاركة الأصلية كتبت بواسطة m.mekawy

موضوع ظريف
عن نفسى اخترت الياريس
1) عربية بتاعة زحمة مدن و مناورات ضيقة , مع تشكيك البعض فى امكانيتها على الطرق السريعة
--- أنا %99.9 من حياتى جوة القاهرة , و لما بسافر مرتين ولا 3 فى السنة مش شرط اخد عربيتى

2) توكيل محترم ( بشهادة جميع من سالتهم )
--- واحد مش رايق لخناقات التوكيل و لا وقفة الميكانيكية و عايز يريح دماغه

3) عوامل امان
--- ملهاش علاقة بشخصية معينة , اى حد نفسه فى عوامل امان

ده اللى اتا بقنع نفسى بيه , لكن فعليا انا كان نفسى فى السيراتو بس الله يسامحوا الوكيل و انا مستحييييييييل اقتنع بمبدأ الاوفر برايس , و متهيألى فى الاخر بعد سواقة العربية ان ربنا وفقنى جدا فى الاختيار , الحمد لله

متشكر جدا لردك
كلام حضرتك سليم وحاسس بيه..لأنى معايا ياريس برده
عربية ممتازة فعلا وفيها مميزات كتير جدا وموضوع الثبات مش للدرجة مش كل الناس بتحب تجرى على سرعات عالية وهى فعلا مخصصة لداخل المدن والزحمة لانها ناعمة جدا

بخصوص معاملات الامان ....فعلا كل الناس نفسها فى عوامل أمان ...بس مين اللى بيصر على تواجد أساسياتها فى العربية....ومين اللى مبيستخسرش يدفع فيها فلوس....فى ناس كتير جدا مبتحسش بقيمة الايرباجز ولا الفرامل ال ا بى اس والا اى بى دى ولا حتى العربية واخدة كام نجمة فى اختبارات السلامة والامان

أعتقد اللى بيصر على الحاجان دى يبقى شخص بيهتم بالتفاصيل وبيدقق وبيأخذ بالاسباب والمنطق

المشاركة الأصلية كتبت بواسطة medhat_skaik

موضوع حلو يا أستاذ مصطفى فعلاً

أنا بقى إخترت ال Gen 2 للأسباب التالية:

1- ودي أهم نقطة عندي (التميز) العربية مش منتشرة لحد دلوقتي ما بقيتش تاكسي ويارب ماتبقى زي ما حصل في الياريس والسيراتو والمتسوبيشي كمان

2- شكلها التحفة والرياضي (أعتقد إنها أحلى شكل عربية في مصر حالياً بإجماع أراء كل الناس

3-كمية الكماليات الرهيبة اللي كنت بحلم بيها في عربيتي (جنوط سبور - فوانيس شبورة - باركينج سينسورس - ساوند سيستم محترم - مالتيفنكشين - MP3 PLAYER - غير طبعاً حاجات الأمان زي الABS EBD AIRBAGS - سبويلر رائع)

4- سعرها بالنسبة لإمكانيتها يعتبر لقطة (صفقة رابحة 100 بال 100)

أما بخصوص الثبات والجري والموتور والعفشة أنا دي أول عربية أمتلكها وأنا ماليش في التفاصيل بتاعت العربية زي الحاجات دي بس بصراحة سواقتها متعة بكل المقاييس

وكمان مهمينيش ال RESALE بتعها ولا التوكيل ولا قطع الغيار عشان كنت خلاص أغرمت بيها وزي ما بيقولوا الحب أعمى
آسف للإطالة

هى تتحب بصراحة...ومن أول نظرة ......الحمد لله ان كل واحد عنده عربيته علشان يحبها براحته ومالوش دعوة بالتانى

ردك كله يؤكد وجهة نظرى ان كل ملاكها ليهم نفس الميول وبيحبوا نفس الصفات

شكرا لردك يا أ مدحت

على فكرة انا اول مرة اخد بالى ان الموضوع فى منتدى البروتون و انا دخلت اكلم على الياريس , كنت فاكر الموضوع مفتوح للجميع

طب وفيها ايه

حضرتك شرفت ونورت....وانا فعلا كنت بتكلم عموما على كل الانواع ..وخصوصا البروتون
وزى ماقلت لحضرتك انا معايا ياريس برده

شرفتنا يا فندم......لازم تشرب حاجة