تسقط موتور....ولا تجيبها متسقطة

**ShaDy MiGo** · 15-11-2011 02:33 AM

السلام عليكم.....

رجالة الهوندا؛؛؛
دلوقتي هجيب بأذن الله سيفيك 93 ، وعايزها بمكنة 170hp sir ،حلو!
السؤال بيقول ايه بقا:
هل اجيبها si واسقطلها انا المتور ده.....ولا اشتري دماغي واشوف واحد مسقطلها مكنة وابقى اشدها انا لو فيها حاجة؟؟

ولو هسقط انا ؛هتتكلف كام الليلة كلها عشان اطلع شغل نضيف (مكنة وعفشة وميكانيكي،الخ) توتال كام تقريبا؟

**SAMEH_FOUAD** · 15-11-2011 02:59 AM

دلوقتى عشان تجيب سيفيك 93 نظيفة صالون + عفشة وسيبك من المحرك لانك كدة كدة انت هتغيرة

يبقى لو هتلاقيها هتكون بملبغ اقصاة لما ينزل 39 الف دة لو لقيت واحد بيبيع والمكنة بايظة

لو جيبتها على السعر دة يبقى هتضطر عشان ماتفتحش على نفسك ليلة هتجيب محرك SiR اوتو عشان توفر على الاقل 4 الاف جنية

لان سعر المحرك ال SiR الاتوماتيك 7000 الاف جنية وسعر المانيوال 10000 الاف جنية

يبقى كدة انت العربية وقفت عليك بمحركها ب49 الف جنية , طيب تمام فية عندك تركيب وتسقيط وزيوت تكلفة 1000 جنية يعنى 50000 الف لحد دلوقتى , ومالة هتغير SHIFT STICK وعداد لو عايز النقلة الاولى تعلم عندك على العداد , مش عايز يبقى وفرت 200 جنية

طبعا دة كلة غير بقى القواعد اللى كلها هتيجى جديدة طالما انت غيرت المحرك + شحن التكييف من تانى يعنى اديها تكلفة 1500 جنية

يبقى كدة العربية وقفت عليك مصاريف بكام 52000 الف جنية ( دية تكلفتك الفعلية للعربية فى حالة شراء عربية وانت اللى هتسقطها

لو عايز تشترى عربية متسقطة جاهزة يبقى هتجيبها على 53 الف جنية لو حالتها كويسة وعايزة حاجات بسيطة او 55 الف جنية لو نظيفة اوى ومش محتاجة حاجة

على فكرة اغلب ال SiR نظيف لان المكنة دية لازم تكون العربية نفسها نظيفة ومظبوطة

فى النهاية

1- تكلفة العربية لو انت هتعملها( محرك B16A الجيل الثانى ) 7000+مصنعية + كهربائى + مصاريف ظبط السيارة = 9000 الاف جنية

2- تكلفة العربية بمحرك ( B16A ) الجيل الثالث

10000+ مصنعية + كهربائى + مصاريف ظبط السيارة = 12000 الف جنية

3- تكلفة العربية لو انت هتشتريها جاهزة ( سعر العربية + مصاريف السيرفيس ) 53000 الى 56000 الف

**SAMEH_FOUAD** · 15-11-2011 10:43 PM

المشاركة الأصلية كتبت بواسطة shadyesmaeel

اولآ جزاك الله خيرا على المعلومات والافادة دي

طيب انا بميل للرأي التانى واجيبها متسقطلها موتور احسن حتى لو هتبقى اغلى شوية واريح دماغي من حوار التسقيط ده ؛؛؛

طيب هو لازم كبس الموتور يكون كام واعرف ازاي ان حالته كويسة ومش متبهدل؟

كبس المحرك فى ال SiR مايقلش عن 80 %

انصحك تدور على B16A5 لان المحرك بداية انتاجة سنة 1996 - 2000 وهيكون حديث

لو عايز b16A اوتو هيكون سنة 1993

حالة المحرك هتبان مع تقرير الكبس