انا جاي من بره
و عايز اعرف اخبار المرور ايه مع الفاميه ؟
لسه بيرخمو ولا الدنيا هدت
عرض للطباعة
انا جاي من بره
و عايز اعرف اخبار المرور ايه مع الفاميه ؟
لسه بيرخمو ولا الدنيا هدت
هما بدأو يرخموا تاني
بس انت وحظك
مافيش مشاكل خالص المهم رخصك سليمة و خلاص
بتشيل الفاميه اجبارى امام اللجنه لسه كان امبارح فى لجنه عند الركن بحلوان الساعه 4 عصرا ومقفين عربيات مفيمه وكله بيشيشيل
يعني نقضيها ستاير :]
انت وطريقتك في التعامل معاه لا بتشيل الفاميه لا بتدفع غرامه فوريه ....بس لو رخم عليك رخم عليك بمعنى ليه الظبطات ووكلاء النيابه والمستشارين ماشين حتى منغير لوح مش فاميه بس
وبعدين مش لازم الواحد يركب فاميه سوبر دارك انا مركب دارك بس مش عامل شماسه لاني الشماسه ملفته جدا للانتباه وبدل على الي في العربيه مركب فاميه
امبارح وانا راجع من بلبيس .... كمين السلام واخد حتة بتاع 500 م في تلت ساعة
اتاريها كمين
وكل اللي واقف المفيمين ومركبين ستاير
حسبي الله ونعم الوكيل
أنا شايف ان الإلتزام مفيش احسن منه
ومع دخول فصل الشتاء الحاجه للفامية ليست ملحة
وضرره أكثر من نفعه
كل الحكاية منظرة وروشنه
عن نفسى بفرح جدا لما بشوف لجنه علشان الانضباط المرورى
وإزالة كل المخالفات بكل اشكالها
بس المهم ان يكون تطبيق القانون على الكل بدون كوسة وقرع
شكرا لكل الرجااااااااااااااااااااا اااااااله
ستاير بقي وا و خلاص
ياراجل ده انت حتى حاطط صورة ملاكي سوهاج.... ده انا شفت في اسيوط واحد معاه عربيه جمرك هزأ العسكري بس كان من احد القرى وياه لو اتلموا عليه بيعملوا عليه حفله...انا مش بشجع المخالفات بس ديه حريه شخصيه طول ما انت مش هضر الآخرين بالحاجه ديه ومعلش محدش يقلي بتعيق الرؤي لاني اغلب الدول الخليجيه او الاوربيه حاطين عازل حراري او فاميه وعادي وبعدين هما سابوا المكيروباصات الي باظيه وبطلع ثاني اكسيد الكربون وبيعطلوا الطريق وجاين على اصحاب الملاكي المحافظين على العربيات ومش بيعطلوا الطريق...
الله يباركلك يا شيخ
و أنا كمان بفرح قوي لما بشوف لجنة و شايفين شغلهم .
أحنا شعب ملناش نمشي محترمين من غير أنضباط وواحد واقف ورانا بعصايا .
الإلتزام أفضل شئ ......... و بغض النظر عن بتوع النيابة و الشرطة و القضاه اللي ربنا يهديهم لأنهم المفروض يكونوا قدوة المجتمع مش العكس و لكن أمشي عدل يحتار عدوك فيك .
على فكرة عقوبة الفامية الرسمية
اعادة فحص للسيارة ...... و لكن أغلب الظباط بيشيل الفامية اللي راكب و خلاص في اللجنة
لاءة حضرتك كدا بتشجع المخالفات
مفيش حاجة أسمها حرية شخصية
في دول أوروبا (فرنسا و أيطاليا تحديدا ) الدعارة مسموحة قانونا و بيقولوا عليها حرية شخصية لأنه مش بتضر حد .
و في دول الخليج (السعودية تحديدا ) بيضربوا في الشارع اللي شكله مش عاجبهم أو لبسه مش عاجبهم و حجتهم تنفيذ الدين .
مينفعش تكسر قانون بلدك علشان القانون في بلد تاني عاجبك
في ألمانيا عندهم طرق مش عليها سرعة محددة و السرعة مفتوحة
فمينفعش أنا أجري على الطريق و أقول دي حرية شخصية و مش هاضر حد بها و الطريق فاضي و أيه اللي يخليني أمشي 90 و أنا شوماخر عصري و زماني و ممكن أمشي 150 و مش هاضر حد .
لو كلنا مشينا بمبدأ الفلترة الشخصية لكل قانون مش عاجبنا ........ هانفضل على طول
البلد المتخلفة اللي أسمها ......... جمهورية مصر العربية ......... اللي كل واحد فيها بيطبق القانون اللي يعجبه و مش بيطبق اللي مش عاجبه ......... لازم القانون يتم تطبيقه على الكل و تنفيذه على الكل و أنت هاتلاقي شوارعنا بقت حلوة و فيها نظام.
قانون يعني مدنية و حضارة يعني نظام يعني راحة بال .
اسكندريه بليل فله سعات بيقفشو الصبح بدرى
عموما الفاميه مش مشكله مادام هنتكلم في الحق
يعني مش السوبر داك
انا اصلا في الامارات
كله مفيم و نسبه معينه
بتحمي من الشمس و علي الاقل العربيه فيها برايفيت عليك و علي اللي معاك
و بعدين مش معنا ان عايزين نفيم بنطلب المستحيل
و اسكندريه بقي لجان علي الكورنيش مفيش صح ؟
مع احترامي لحضرتك برده .... مينفعش يبقي عندنا قوانين اصلا مش بتتطبق الا لما يكونوا الظباط مأشفرين ومعهمش ياكلوا يروحوا نازلين علي خلق الله و ياخدوا الاتاوة
ده غير ان هما اصلا ببخالفوا القوانين ديه
وغير برده ان في اوروبا زي ما بتقول معندهمش ممنوع الزينون ولا الفامية ولا اليفيندر مش فاضل يقول امشي بالعربية من غير صاج علشان متعورش حد
اللي بيحصل عنا ميرضيش حد خااااالص ..... وللأسف انا معنديش واسطة ولا اخويا ظابط في المرور علشان يظبطني
لكن لو لقيت حد هافيم الاسود الدارك واركب زينون مكان كل لمبة حتي الاشارات
و هاشيل النمر وهاركب ديفيندر حتي في الاجناب :)))
وطبعا هايطلعلي الرخصة اللي مش عارف اطلعها ومش هاخد اجازة من شغلي اللي باكل منه عيش ولما اخد 4 ايام علشان اجدد رخصة مش هيرضي حتي صحاب الشركة
ده يبقي قانوووووووووووون !!!!!!
حسبي الله ونعم الوكيل
بالظبطانت كده قولت المفيد
يعني بيطبق القانون علي الملاكي و الشباب ؟
طيب فين الكارو اللي بيقطع الطريق السريع
التوك التوك و الموتسكيلات الي 98 % منهم حراميه و مغتصبين
فين العربات النقل و التريلا اللي مبرشمين طول النهار و ماشين من غير لمبه
غير القانون و اسمح بالمقدور عليه و ساعتها اضرب بايد من حديد
سعادتك احنا بنتكلم في جانب واحد "اللوائح التنفيذيه" الي هيا بتكون في ادنى مراتب القانون وبالخصوص في الوائح المروريه ...بلاش نخش في القانون وتطبيقه وجوانب اخرى ملناش دعوى بيها كدعاره او قتل..... اولا مفيش شوارع ممهده تمهيد سليم لانك تمشي فيها بسرعه الا والله الطريق الشرقي بتاع الجيش بصراحه الواحد يقفل العداد عليه وهوا مستريح 3 حارات رايح و3 جاي بس معلوش خدمات والشوارع الحكوميه الي عليها مناقصات مبتكملش والله والاسفلت يبوظ..... وبعدين فين الي في السعوديه عشان شكلهم مش عاجبهم بيضربوه بحجة الدين... انا كنت عايش هناك مفيش الكلام ده ...منخرجش من موضوع الي احنا فيه....انا يا استاذي مش بفلتر القانون ولكن قانون بلدك وضع ليميز اشخاص عن اشخاص وبكده ميبقاش قانون لاني القانون من صفاتوا العموميه وده بيطبق على ناس وناس لا قانون سكسونيا.....
اهو ما الامارات زي الفل اهو بس بدرجات معينه وهوا ده الي بقولوا
احسن كلمه....حسبي الله ونعم والكيل.
أنا مش عارف ليه الظباط جسمهم بيكلهم وبيركبهم ميت عفريب لما بيشوفوا واحد مفيم عربيتو محسسني ان الفاميه ده حاجه حصريه ليهم هم بس ... والمفروض انهم طالما هم اللي بيطبقوا القانون يبقى برده هم اللي يكونوا أول ناس شايلين الفاميه المفروض يبقوا قدوه لينا ساعتها الناس هتحترمهم ويشيلو الفاميه من تلقاء نفسهم ... غير كده المستشارين ووكلاء النيابه دول ناس رمزهم الميزان يعني يعدلوا بين الناس المفروض يكونوا رمز لينا مش يشجعوا على الوسايط والكوسه كم واحد مننا شاف وكلاء نيابه ومستشارين ماشيين بدون نمر ومفيمين سوبر ألترا دارك قسما بالله العظيم انا شفت قبل كده ظابط جيش مفيم كل الازاز حتى البربريز الادماني ... ده اسمه استعباااااااااااااط
السلام عليكم ورحمة الله وبركاته
مع إحترامى لكل الآراء
المفروض نبدأ بنفسنا
إحنا المتعلمين المثقفين اللى نلتزم ونحترم القانون....
مش معقولة حضرتك مستنى بتاع الكارو يلتزم علشان انت كمان تلتزم زيه !!!!
مش معقولة يا اخوانا نستنى الحرامية والمغتصبين يلتزموا علشان نقلدهم فى إلتزامهم
عن نفسى لما بمشى ورا عربيه مفيمية سوبر دارك
أو عربية نقل أو عربية جيب عالية
ببقى مخنوق جدا وببقى قلقان جدا
من أى مفاجآت لإنى مش كاشف الطريق
الدنيا مقفولة قدامى
:00020191:
وفى أقرب فرصه بحاول اعديه علشان اشوف الطريق
هتقولوا اوروبا والخليج
هنقول الطرق غير الطرق
وسلوكيات السائقين والمارة مختلفه عن الهمجية اللى عندنا
:ma(30):
لازم نحترم القانون حتى ولو معترضين عليه حتى ولو مش عاجبنا وعلى مزاجنا
وزى ما قولت القانون لازم يتطبق بصرامة وعلى الكل
الكبير قبل الصغير
ويطبق على ضباط الشرطة والجيش والقضاه
قبل ما يطبقوه على باقى الناس
:fun_10_9_134[1]:
ومفيش مانع لو فيه حاجه فى القانون مش عاجبانا
نعترض عليها ونقول رأينا
لولى الأمر ونحاول نغيرها بالطرق القانونية والتشريعية
ولكن بكرر لازم نحترم القانون سواء كان عاجبنا أو مش عاجبنا
وأطيعوا الله
وأطيعوا الرسول
وأولى الأمر منكم
مش معقولة ياجماعة الخير
المبررات اللى بتقولها ديه
واحد عاوز الفامية علشان الخصوصية
مع إفتراض حسن النية
:shyy:
طيب بص للأدنى منك
بص للأخ اللى راكب موتوسيكل ومراته قاعده وراه وحاطط عيل ورا وعيل قدام فى عز البرد أو الحر
وفيه مطر نازل عليهم
ياترى ده قاعد فى خصوصية !!!!
الناس اللى واقفه على محطة الاتوبيس وبيتحشروا جواه
قاعدين فى خصوصية !!!
إسأل نفسك ياترى الناس ديه بتحلم بإيه فى الوقت ده
لازم يا اخوانى نحس بغيرنا
ونحمد ربنا على اللى احنا فيه
ربنا انعم عليك بسيارة محترمة
ليها ابواب وسقف وزجاج بتقفله عليك
وقاعد جوه بتتقلب فى نعمة ربنا عليك
وعندك تكييف أو حتى معندكش
ربنا رحمك من الزحمة ومن الحر ومن البرد
وعندك قدر كبير من الخصوصية
لعيلتك ولأولادك فى وسط الشارع
مش متوفر لغيرك اللى بيشاركوك نفس الشارع
ياجماعة إحمدوا ربنا
وأقنعوا بما فى ايديكم تكونوا أغنى الناس
متحسسونيش ان من غير الفامية مش هتقدروا تعيشوا
وهتموتوا من الحر ومن البرد
هوه فيه ايه !!!
تخوشنوا فإن النعم لا تدوم
يارب كلامى ميكونش زعل حد
ويكون خفيف عليكم
وفى النهاية كل واحد حر ما لم يضر
تحياتى للجميع
ياباشا كلامك زي الفل ومفيش فيه اي غلطه وموضوع المساواه في القانون دي هاتتظبط بعد الرئيس الجديد ما يتولي الحكم ان شاء الله بس هو متاخر شويه عشان واقف في لجنه كان مفيم واللي عاوز يركب فاميه يركب في باب السائق واللي جانبه ولما يدخل علي لجنه نزلهم عادي
كلامك ابدا مايزعلش
و علي راسي كمان
و يارب مصر تتعد كله بالقانون
لا يصح الا الصحيح و اي حد قادر ان يمشي سليم ويثبت الفامية علي الرخصة يبقي زى الفل
السلام عليكم ورحمة اللهوبركاته
أحبائى فى الله
أنا اللى بشكركم على إحترامكم ... وعلى روح الود فى النقاش الهادئ الجميل
بدون نرفزة أو عصبية وبشكركم على الإختلاف الراقى المهذب لأخوه فى قمة الأخلاق
أنا مش مختلف معاكم .... ومتفق معاكم فى جوانب كتيره
فعلا القانون فيه عوار شديد ونقائص كثيره لإنه من وضع البشر
فعلاً سواقين النقل والميكروباص والتوكتوك والموتوسيكل وبعض الملاكى وماشابه هم سبب معظم البلاوى على الطرق
بسبب الجهل والتخلف وتناول المخدرات وغيرها من المهازل
كل شيئ فى الوجود له إيجابياته وله سلبياته
الخمر أم الكبائر لها منافع للناس ولكن أثمها اكبر من نفعها
رمز الشر فى العالمين إبليس عليه لعنة الله أحيانا قليلة جدا بيرشدك اللى الحق والصواب
يبقى اكيد الزينون والفامية ليهم ايجابياتهم
ومش مختلف معاكم خالص فى النقطة ديه
نقطة الخلاف هيه انا شايف ان الإيجابيات اكثر من السلبيات
بس خد بالك مش اى حاجه مفيده فى اوروبا والخليج
تكون مفيده لنا فى مصر
كل بلد ليها ظروفها
علشان انت تشوف كويس
أنا أتعمى !!!!!
إحنا بصفة عامة كمصريين بنسيئ استخدام كل حاجه
بالطريقة اللى احنا بنتعامل بيها مع الزينون بدون عدسات والفامية سوبر دارك
شايف ان احنا نطالب بعد استقرار البلد طبعا
بتقنين أوضاع الفامية والزينون
الفامية يكون بدرجه فاتحه لا تعوق الرؤية
أو استخدام الفاميه الحرارى واعتقد ان مفهوش مشكلة خالص
غير انه مكلف جدا
ومش شيك زى الفاميه السوبر دارك
والزينون لازم يكون بمواصفات معينه وبعدسات علشان المهازل اللى بنشوفها فى الشوارع بعيال بتلعب بزينون ويعموا الناس ويتسببوا فى حوادث
وحتى نحصل على هذه الإقتراحات وموافقه الجهات المعنية
يجب علينا احترام القانون رغم ان فيه عوار شديد ومش عاجبنا
ومهما عملنا فى قوانين وعدلناها
ستجد أنا فيه ناس مش عاجبهم هذا القانون !!!!
حتى القرآن المنزل من عند الله عز وجل
فيه بشر كفار وملحدين مختلفين عليه
ومش عاجبهم والعياذ بالله
ويجب على أولى الأمر تنفيذ القانون بصرامه وبعدل وبدون تحيز أو رشاوى أو محسوبيات
ويجب ان نبدأ الإصلاح بأنفسنا
كل واحد يبص لنفسه أولا ويصلحها وبعدين دور على الضابط المفيم أو الواد الروش المسنود اللى مركب زينون
اللهم ولى من يصلح
اللهم أرنا الحق حقاً وأرزقنا إتباعه
وأرنا الباطل باطلاً وأرزقنا إجتنابه
وجزاكم الله خيراً
لسة الواسطة شغالة في مصر بعد الثورة اللي يعرف يجيب واسطة يفيم ويريح دماغه
انا اسف في اللي هاقوله بس الفاميه في مصر اغلبه بتعلق بحاجتين اما ان صاحب العربيه دي بيشرب مخدرات في العربيه او بيركب بنات في العربيه وانا اسف مره تانيه ومش كله بس اكتر من 90
يعني لازم واسطه مينفعش انسان مصري عادي يروح بطولوا منغير واسطه او محسوبيات او رشواي .....حسبي الله ونعم الوكيل سمعت قبل الثوره اني الفاميه عشان تثبتوا من 500 ل 1000 جنيه رشاوي.... حسبي الله
كلامك..صح والله:plusone1:
مش كل الناس.... ما فيه ناس بتركب بنات منغير فاميه والحياه حلوه وفيه ستاير زي الفل او عيني عينك ده في المدن الكبيره زي القاهره واسكندريه بعيدا عن المحافظات الصغيره المتشدده
وانا قلت مش كل الناس عشان مفيش حد يزعل
طالما وافقوا ينزلوا عربيات فابريقة بزجاج فامية يبقى يمشى على الكل
بس
خد بالك
اللى بينزل فى الفابريقة درجة بلاك 3درجة بحيث ان اللى برا يشوف من خلالك عادى وانت متتأزيش من الشمس
مش معنى كدة ان الشباب ذى مابنشوف يعملها اوضة نوم
تانى حاجة الزينون
حاجة سخيفة جدا لما الميكروباصات والتاكسيات يركبوا زينون ويبهدلوا خلق الله بالزفت دة
الزينون جريمة
الا
لو صح
زينون نضيف بدرجة الفابريقة ال 4300k الابيض ذى بتاع الجيتا و الفانتزيا والأهم على عدسات عشان متأزيش اللى قدامك غير كدة هجس
وخلص الكلام
+1111111111111111111111111111
صح اووووووووي وانا مش عايز اسودها منا مش هاشوف بليل بس يخف الشمس علينا شويه
وكذلك الزينون مع الطرق الجميلة بتاعتنا
والله تعبت نفسيا ....... العربية كل شويه خطبه فيها سواء واقفة ولا ماشية او نقرة ولا مطب ........ حسبي الله ونعم الوكيل
سبحان الله ربنا يصبرنا
يا ريت الإخوه اللي بيقولو الفاميه ممنوع قانونا ينسخولنا نص القانون
طيب إيه أخبار الستاير و خصوصا الستاير الكبس...هل عليها مخالفة برضو؟؟
معلش يارجاله فى سؤال هو فعلا فى مخالفات بتتاخد من بتوع مرور اللى فى الاشارات او فى اي مكان بدفتر دول
بمجرد انه يشوف عربيه مفيمه ياخد رقمها مخالفه بدون ما يوقفك بمعنى اذا كنت ماشي فى اي مكان وطبعا فى امين شرطه مرور عادي بدون مايكون فى كماين او لجان وياخد نمرة عربيه وانت متعرفش وبعد كدة تلاقي عليك مخلفات فاميه وانت بتجدد مثلا ولا مفيش حاجه زي اصلا وكله لما يكون فى لجنه او كمين وحد يوقفك بس.....؟
انا لسه مجدد الرخصه ولقيت عليا مخالفات فاميه :_Alshmokh08[1]:
كااااااااااااااام؟؟