الموضوع: مشكلة فى بيجو 305/79

السلام عليكم
بداية المشكلة بقع زيت فى المية روحت للميكانيكى قالى الموضوع بسيط وحط شوية بن وقالى كدة تمام
مااقتنعتش بكلامه روحت واحد تانى كان فيه زيت ناشع من وش السلندر حط شوية سيلكون وقالى تمام
بعد كدة بفترة ابتدا الزيت ينقص جامدولونه اصبح كالطحينةروحت لميكانيكى متخصص بيجو قالى عايزة
جوانات وشنبر بس مش قبل اسبوعين وقالى على حاجة مؤقتة اسمها دوا تتحط علشان تسريب المية على الزيت انا مش عارف هل ينفع امشى بالعربية بالوضع دة ولا الوضع ممكن يدهور زيادة افيدونى بالله عليكم

السلام عليكم
أنصح حضرتك بتجربة بسيطة وغير مكلفة وفي حال فشلها مفيش أي خسائر بفضل الله، حضرتك ممكن تشتري علبة مادة كيميائية من محطات بنزين توتال أو موبيل من (on the run) وثمنها من 32- 40ج.م و اسمها heavy duty block seal ماركة gunk لونها ابيض في ازرق والكتابة بالأصفر وحجمها 443مل. وتستخدمها لما العربية تكون باردة بالتالي: تفتح غطاء الردياتير، وتكون شوية مياه ناقصة منه بحيث تصب محتويات العلبة بعد الرج جيدا (مادة حمراء زلالية- شبه عصير فراولة نص ضرب! ) وتدور العربية على الوقوف مع ابقاء الردياتير مفتوح لمدة 5-10 دقائق... وبسسسسسس. ممكن تصفي مياه الردياتير وتغيرها أو تخليها وتزدها للمعدل الطبيعي بس. حضرتك التجربة دي عملتها عندي (فيليشيا) وبفضل الله أكتر من 500كم من بعدها ومفيش مشاكل تسريب وبصراحة مغيرتش المياه وخليتها فيها والمشكلة عندي كانت تسريب من ناحية طلمبة المياه + لاحظت بداية ظهور نقاط مياه في زيت الموتور !!. وصديق عملها لما كان عنده كوع مياه مخروم (إلانترا) واستمرت معاه شهر بس كان الكسر كبير. ناس بتقول عنها إنها علاج مؤقت وناس بتقول إنها علاج دائم (أو طويل المدى). وواحد كان معاه BMW ومحتاجة وش سلندر استخدم علبتين والنتيجة مذهلة ونجحت. المادة دي بتعمل نوع من أنواع ملء فراغات الجوانات أو الشقوق والتسربات، ومش هتخسر حاجة قبل الفك والمصاريف والتركيب.. مجرد 40ج.م و10 دقايق. وأنصح بإن المادة تكون جديدة مش منتهية وتعرف كدة بإنك ترج العلبة قبل الشراء لو حسيت إنها زي المياه تكون تمام لو حسيت إنها متجمدة تكون منتهية. وبالتوفيق ...