السلام عليكم (أرجو الإفادة لأني مش فاهم حاجة)

**modyturbo** · 15-11-2011 04:18 PM

السلام عليكم علي أحلي منتدي وأجدع رجالة ... أنا بشكر كل واحد أفادني في المنتدي ده وبالأخص مستر سمسم كبير عائلات الهوندا في الشرق الأوسط... وكل عام وانتم بخير
الموضوع باختصار إن العربية جابت جوان وش السلندر والحمد لله علي كل شئ المهم عملته عند ميكانيكي متخصص في الهوند وغيرت بلية الكاتينة وسير الكاتينة وغيرت زيت والحمد لله.. المهم مشيت بالعربية حوالي 5 كيلو لقيت العربية بتدخن جامد لدرجة انك لو شفتها تفتكر علي طول مدخنة الكبابجي وتاني يوم بصيت علي الزيت طبعاً لقيته خلص من الموتور.. الغريب إن الفايص بتاع الموتور اللي هوا في وش التاكيهات ما بيطلعش منه دخان خالص وجسم الموتور مش عليه ترشيح زيت خالص ونضيف والحمد لله..... أرجوكم أفيدوني إيه اللي ممكن يكون الميكانيكي عمله خلي الموتور يدخن بالشكل ده علماً بأن الموتور من الأول كان فيه دخنة بسيطة جداً جداً وازاي الفايص بتاع الموتور مايطلعش منه دخنه؟؟؟ وآسف للإطالة

**HotRide** · 15-11-2011 07:35 PM

طيب ما ممكن ميكونش ده زيت ممكن تكون دخنه بيضه مش زرقه يعني ميه مش زيت

شوف حاجه من الاتنين دول هينقصو يا ميه يا زيت...ميه يبقي الوش ده تعبان عايز يتغير ووقتها سقط مكنه وخلص نفسك ولو زيت شوف لو طقم شنبر بس اعملو غير كده سقط مكنه

بص انا اتسحلت في الاول كده وتعبت جامد واكتشفت ان اووفر واسهل واضمن حل النسبه للوش تالف او المكنه الي عايزه تتعمر هو تسقيط مكنه

**SAMEH_FOUAD** · 15-11-2011 10:39 PM

ياباشا ربنا يخليك احنا معملناش غير الواجب

بالنسبة لمشكلة حضرتك دية كان لازم الميكانيكى يكبس الوش بعد ماركبة عشان يتأكد انة تمام بس طيب كدة طالما مافيش ترشيح فى الفائظ , او ترشيح على المكنة , يبقى كدة انا شاكك ان معرفش يركب كاوتش الصمامات كويس او ركبة غلط , لائما ركبة وهو بايظ خلاة يعمل كدة

لان لو المحرك خفيف او فية تهريب فى الشمبر هيكون الفائظ مليان زيت لو بالطريقة دية

خلية يفك الوش تانى ويراجع على كاوتش الصمامات , ويعمل رودية للصمامات , ويظبط التاكيهات كويس وسير التقسيمة وانصحك تروح عند واحد كويس