الموضوع: زوجتي قررت مقاطعة الانتخابات ( موضوع فكاهي ساخر )

المشاركة الأصلية كتبت بواسطة aif;3873935950

[IMG

http://i429.photobucket.com/albums/qq17/aif115/foods/1.jpg[/IMG]
وكدة في طبق التقديم
واعتقد ان سد الحنك هو اسم له دلالة فعلية
لأن بعد اكله الواحد مايقدرش يفتح بقه .... زي ما كريم قال بالظبط كأن الواحد واخد لوكامية شمال من محمد علي كلاي

الموضوع كان أسمه " زوجتى قررت مقاطعة الإنتخابات " - بعد ما قريت كل التعليقات اللي فاتت - حسيت إن الموضوع مش سياسي - لأ دا من مطبخ الزمن الجميل - وياريت يا حج أحمد تغير أسم الموضوع وتخلي أسمه " أعضاء المنتدى قرر مقاطعة الخبيزة وتجربة سد الحنك " - بس بجد لو سد الحنك بيلكم كدة أنا هعمله أنهاردة بلليل علشان جوزي ما يتكلمش خالص في السياسة .
تحب تاخد لوكامية يا حاج أحمد .... أقصد حتة سد حنك

المشاركة الأصلية كتبت بواسطة yousef1978

يا سلاااااااااااااااااااام فكرتوني بالذي مضى

أي والله

أنا أتذكر إن كان عندنا وأنا صغير كتاب مقطع قديييييييم عن عمل الحلويات كانت اشترته واحدة من اخواتي البنات

كنت أحب أقرأ فيه الطرق وكده

وأهم شئ فيه طبعا كانت طريقة عمل حلوى ( سد الحنك )




بصوا بقى يا جماعة حسب ما أتذكر

كانت أيامها الزبدة البلدي بتتباع بالرطل و ( التلتة ) مش بالكيلو

لما كنت أبقى موجود في البيت لوحدي مع أخويا مثلا وما فيش أكل نوهائي علطول نفكر في ( سد الحنك )

أجيب معلقة سمنة بلدي وأسيحها في الطاسة

وأدلق عليها دقيق - مش عارف نوعه إيه - بس أكيد ينفع للحلويات

وأفضل أقلب في الدقيق لغاية ما يبدأ لونه يصفر شوية كده كأنك حمصته على خفيف ويكون شرب سمنته وبقى متفروك زي البسبوسة

أروح علطول دالق عليهم سكر متدوب في مية وأفضل أقلب فيهم لغاية ما لون العجينة يبقى غامق وتكون شرب ميتها ويمنها بالكامل وأقسمها بقى أنا وأخويا الأكبر مني بالتساوي - واللي يقسم ما يختارش هههههههه

وبعدين نسيب الطاصة في الحوض وننصرف في صمت يا معلم وكأن شيئا لم يكن







أما المفروكة فحسب ما أتذكر

نجيب العيش ( البتاو ) ونكسره بسهولة في صيبنية ونبله بشوية مية

وبعدين نجيب جبنه جديدة أو جبنة قريش جديدة أو قديمة ونفتتها فيوق العيش

طبعا تكون إيدينا مغسولة كويس

واديها يا معلم نفرك الموضوع كله

وبعدين اللي ياكل يجمع شوية في إيده زي ما يكون بياكل كابسة سعودي - ويلقف

وممكن كنا نفرك معاهم حتة زبدة متجمدة





المشكلة إن الحاجات دي كانت أيام المشي والمجهود والرياضة الطبيعية

دلوقتي لو الواحد كل منها كتير يضمن إن وزنه يزيد بسرعة





فهمونا بقى بالراحة مع الصور إزاي بتعملوا الخبيزة وطعمها يشبه إيه






.

طبعا اي موضوع للحج احمد لازم يقلب لاكل مع ان الموضوع عن الانتخابات
سد الحنك جميل مش زي كريم ما بيقول محدش يصدقه
اما المفروكة صح زي مايوسف قال ههههههههه واهم حاجة لما تكبسها في ايدك على شكل الكفتة وتلقفها في بقك مرة واحدة
وليها طريقة تاني بالتاو وهو لسه مخبوز حالا وبيطلع طري نص سوا بيقولوا عليه مسلوق ويتقطع لقمات صغيرة ويتحط عليه زبدة هاتسيح من سخونته واو بجد عليه
انا السنة دي في البلد وصيت عليه وعملت شوية البتاوة كلفت فوق ال 2ونص بس عشان اكل مفروكة بالبتاو المسلوق والزبدة :019f3b~14: طبعا استغلوني واتكلف ضعفين سعره