رابطة الوحوش ملاك السيفيا (ج2)

**max_ziro** · 27-02-2012 04:16 PM

المشاركة الأصلية كتبت بواسطة المناور

الموضوع بسيط جدا يا صقر جيبلك حتة شيكارتون ولفها على الحديدة اللى بيقفل عليها الباب المشكلة انى مش حاعرف اشرحلك ازاى تاخد حتة شيكارتون وتعمل بيها الجزء الصغير ده بس الطريقة دى بيعملها الصنايعية لما يبقى عايز يلف شيكارتون فى حتة ضيقة انت ممكن تسأل صنايعى أو استنى لما نكون فى مقابلة نوريهالك

بس النتيجة احسن كتير من الأول صوت الباب بقى اهدى وعصام عملها على الابواب كلها وكمان الحديدة بتاعةالكبوت والصوت لما سمعته مكنتش مصدق ... بس على فكرة هى بتعتمد على نوع الشيكارتون وكمان بتلف قد ايه .... وخد بالك برضو انك لو لفيت زيادة عن اللزوم الباب بيبقى صعب فتحه

100/100
اعمل بقى قفل الشنطة و ادعيلى ..

**max_ziro** · 27-02-2012 04:18 PM

[quote=sragih;3874139452]يا شباب بجد إنتوا ناس جامدة و محترمة جداً و أنا حقيقي مبسوط إني ركبت سيفيا علشان أعرف ناس زيكوا..

نرجع بقى لموضوع العربية.. دلوقتي أنا عندي إستفسار.. لو أنا محتاج أعمل مجموعة حاجات مختلفة في العربية يعني أغير حساسات الشكمان و الأيدل و أعمل تشيك على الفتيس و العفشة و أصلح مفتاح المرايات و الأنوار و أظبط التابوه.. إلخ
هل فيه شخص واحد أو مكان واحد أعمل فيه كل ده؟ مع ملاحظة إني من سكان حلمية الزيتون.. و في نفس الوقت يكون قريب منه مكان لقطع الغيار علشان لو إحتجنا أي حاجه و إحنا شغالين

ياقوت عند كنتاكى فى شارع مصر و السودان
و جمبة الراعى لقطع الغيار و بيجبلك قطع الغيار ب الدليفارى كمان ههههههه ممكن نرتب و نروح مع بعض مفيش مشكلة
..

**max_ziro** · 28-02-2012 03:42 PM

[quote=sragih;3874140185]

المشاركة الأصلية كتبت بواسطة max_ziro

يا باشا شكراً على ذوقك و ردك السريع.. و مبدأياً خلينا نتخلص من الأسماء الحركية... أنا سامح و رقم تليفوني عندك على الخاص و يشرفني إننا نروح مع بعض إن شاء الله. عموماً أنا بكون فاضي يوم الجمعة.. ظبط وقتك و تابعني لأني محتاج أروح في أسرع وقت

ياباشا تحت امرك انا بعتلك رقم الراعى
و هسجل رقم حضرتك و اسمى محمد علاء
و الاسبوع دة الاجازة بتاعتى يوم الاثنين و الثلاثاء و الاسبوع الجاى نفس الكلام

بس بكون فاضى لحد الساعة 4 كل يوم الاسبوع دة

**sakr122** · 28-02-2012 07:56 PM

المشاركة الأصلية كتبت بواسطة المناور

الموضوع بسيط جدا يا صقر جيبلك حتة شيكارتون ولفها على الحديدة اللى بيقفل عليها الباب المشكلة انى مش حاعرف اشرحلك ازاى تاخد حتة شيكارتون وتعمل بيها الجزء الصغير ده بس الطريقة دى بيعملها الصنايعية لما يبقى عايز يلف شيكارتون فى حتة ضيقة انت ممكن تسأل صنايعى أو استنى لما نكون فى مقابلة نوريهالك

بس النتيجة احسن كتير من الأول صوت الباب بقى اهدى وعصام عملها على الابواب كلها وكمان الحديدة بتاعةالكبوت والصوت لما سمعته مكنتش مصدق ... بس على فكرة هى بتعتمد على نوع الشيكارتون وكمان بتلف قد ايه .... وخد بالك برضو انك لو لفيت زيادة عن اللزوم الباب بيبقى صعب فتحه

انا عارف موضوع الشيكارتون ده بيتعمل ازاي بس انا برضو مش فاهم ايه هي الحديده اللي بيقفل عليها الباب دي؟؟
انتو تقصدو اللسان اللي في قفل الباب نفسو ولا الصدادات اللي في الباب ولا حنب زرار اللي بيفصل لمبة الصالون ولا الحديد المبطط اللي رابط الباب في العربيه ؟؟؟؟؟؟؟

**shady4800** · 28-02-2012 07:56 PM

السلام عليكم ورحمة الله وبركاته
انا بجد مبسوط ان فى رابطة زى رابطة وحوش كيا سيفيا وده دليل ان العربية بصراحة ماشاء الله عليها وانا افتخر اانى معايا واحدة زيها واكون عضو فى الرابطة وحابب انى استفيد من خبراتكم لانى عندى مشكلة غريبة انا امتلك سيفيا 99 اتوماتيك 1600 العربية كانت ماشاء الله عليها كانت ممتازة فى السحب وتوفير للبنزين من فترة غيرت طلمبة المياه وسير الكاتينة بعديها حسيت ان العربية مش زى الاول استهلاك البنزين عالى والسحب بيضعف اوى لما العربية بتسخن وساعات بلاقي السحب اتظبط وانا ماشى ومرة واحدة تتخنق وصوت الماتور بيعلا روحت عملت صيانة كاملة من فلاتر وبوجيهات واسلاك بوجيهات وزيت الماتور وزيت الفتيس وحساس الاكسجين نظفت idle control والبوابة مع العلم عندى جوان بلف الايدل غير موجود ضاع من الصنايعى الى كان بينضفه وعلى حد علمى ان مالوش تاثير على السحب العربية والميكانيكى عاملى حاجة شبه الجوان بتاعه بس من الكارتون ومافيش تغير وكل ماروح لميكانيكى يكشف على العربية بالكمبيوتر بيلاقى كل حاجة مظبوطة وبيبقة مش عارف ايه السبب كشفت على سير الكاتينة لقيتها مأخرة راح ظبطهالى من اول وجديد وبرده مفيش فرق............ تنصحونى بى ايه ياشباب السيفيا لانى مش عارف اعمل ايه تانى واسف انى طولت عليكم.........

**أحمد الجندى** · 28-02-2012 09:00 PM

المشاركة الأصلية كتبت بواسطة sakr122

انا عارف موضوع الشيكارتون ده بيتعمل ازاي بس انا برضو مش فاهم ايه هي الحديده اللي بيقفل عليها الباب دي؟؟
انتو تقصدو اللسان اللي في قفل الباب نفسو ولا الصدادات اللي في الباب ولا حنب زرار اللي بيفصل لمبة الصالون ولا الحديد المبطط اللي رابط الباب في العربيه ؟؟؟؟؟؟؟

ما هو لو كنت عارفله اسم كنت قلته ... هو على ما اعتقد كده اللى انت قلت عليه اللسان

**farselkon** · 28-02-2012 10:32 PM

ياجماعة أنا النهاردة كنت بشترى سيفيا 1999
رشة جانبين فقط والباقى كلة فابريكة
جمع الكماليات بها تعمل تكييف وباور وسنتر وزجاج كهرباء
وكان السعر النهائى 39000
بس تراجعت فى أخر لحظة لأنى وانا بجرب العربية حسيت بصوت طلمبة الباور أثناء التحريك وأنا بصراحة عايز عربية على الركوب على طول
كمان طقم الصوت فيها شكلة مش بتاعها
والشكل الخارجى مكنتشش مرتاح له شوية
برجاء التعليق من السيفياوية

الموضوع: رابطة الوحوش ملاك السيفيا (ج2)

LinkBack

أدوات الموضوع

عرض

-

-

-

-

-

-

المواضيع المتشابهه

رابطة ملاك الكارينز

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة