الموضوع: رابطة الوحوش ملاك السيفيا (ج2)

السلام عليكم ورحمه الله وبركاته

اولا بتمنى ان تكونوا جميعا بخير

وبعتذر لانقطاعى الفتره الى فاتت لظروف خارجه عن ارادتى والحمد لله على كل حال
وبعتذر لكل الى حاول يكلمنى او يسال عليه وملاقاش رد منى

ولو تسمحولى اكون معاكوا من تانى كضيف عليكم

مبروك على الرابطه الجديده او الجزء الجديد للرابطه
وانا تابعت الردود القديمه للرابطه وكذلك الردود فى الجزء الجديد
وكنت ديما بسال غزالى عليكم

انا مش عارف اقولكم ايه على اهتمامك بيه وسؤالكم المتواصل او مشاركتكم ليه فى المواضيع وده والله ديقنى اكتر
لانى حسيت اد ايه انا فعلا كنت مقصر معاكوا وانا متقبل العتاب بس اهم حاجه محدش يضرب
وبصراحه مجهودكم جميل فى الرابطه

وشكرا يا ماكس انت وهانى واسلام وكريم واحمد المناور ويحيى وغزالى وعزبى وميدو وكل الناس بصراحه
واتمنى تكونوا تمام فى الظروف الحاليه

انا شايف فى ناس باعت العربيه زى سامى عزب وكريم اتمنى تتواصلوا ديما فى الرابطه
ومبروك للناس الى لسه شاريه العربيه والوجوه الجديده الى عاوزه تشترى ان شاء الله واتمنى التعرف عليكم باذن الله وربنا يكرمكوا بحاجه نظيفه

وبما انى وجهه جديد عاوز اسئل سؤال هيا العربيه فيها فلتر هوا

لسلام عليكم ....
الربطة بقت بصراحة بتشدنى كل يوم عن التانى نظرا لوجود ناس محترمة فيها والمسعدات اللى بيقدومها والى الامام إن شاء الله
سوالى النهاردة ان عندى صوت غريب ومش عارف بتاع اية هو الصوت لما بكون ماشى وادوس بنزين اسمع صوت تكة هى خفيفة او لما اجى ادوس فرامل سنة اسمعها مرة كدة ... روحت لبتاع العفشة قالى كلة تمام ومفيش حاجة وقالى انة مسمار وعايز يتقرط علية بس المشكلة ان الصوت مرحش هل ممكن تكون قعدة ماتور او فتيس
هو الصوت دة بحس انة جاى من عند الفردة الشمال ادام او يعنى فى المنطقة دى
ثانيا عندى الخرطوم اللى موصل للقربة بتاعة الباور بيخر الميكانكى عايز يغير الخرطوم كلة اجيبة منين وبكام وشكرا لاخوانى السيفاوية

لو تسمحلى اجوابك على السؤال الاول تحديدا

اولا صوت التكه مش هتلاقيه مجرد مع دوسه الفرامل او دوسه البنزين ممكن مع نقره او مطب تسمعوا لفيت ذيك كتير على اغلبيه العفشجيه الى كنت اعرفهم والى معرفهمش وكنت بسمع ان العفشه مفيهاش اى حاجه وممكن تربط العفشه الصوت يرجع تانى بعد مشاور غيرت بلى العجل وكذلك بصيت على المساتر الاماميه نفس الموضوع
اخذت العربيه وطلعت على التوكيل وكلها اشتغلات

وبعد عناء توصلت للصوت عند عفشجى فى الحلميه كان ورد عليه الصوت قبل كدا وقدر يعملوا
الحل بسيط جدا انك هتروح للعفشجى الى بتعامل معاه وهتقوله يحطلك كاوتشه طعميه بين القنطره وجسم العربيه
هيحل مسامرين 17 عشان يريح القنطره ويحط الكاوتشه كورده للمسمار من فوق القنطره مش من تحت مش عارف هتقدر تفهمنى ولا لا
المهم انك عشان متتعبش نفسك وتلف زى كتير الموضوع كلوا زى مقولتلك
وانا الموضوع كان رجع عندى تانى ورحت ظبطوا والحمد لله وده يعتر من عيوب السيفيا لان اغلبيه الى سوقتها كانت كدا بس العفشجيه معندهمش خلفيه عن الموضوع ده

العفشجى ده فى الحلميه اسموا عمرو لو عاوز نمرتوا واد كويس اوى بصراحه ومش خساره فيه المشوار

بالنسبه للسؤال التانى الخرطوم بيتباع عادى او ممكن توفق عليه اى خرطوم او تربط القديم بافيزات