الموضوع: رابطة الوحوش ملاك السيفيا (ج2)

المشاركة الأصلية كتبت بواسطة mas0h

أنهاردة حصل معايا موقف غريب اوى وتقريبا انا كده قطعت الخلف.
كنت ماشى على الدائرى رايح المعادى ويدوبك عديت النزلة بتاعة المحور والسرعة ممكن اقل من 80 ومرة واحدة سمعت صوت فرقعة رهيبة زى مايكون حاجة فرقعت جوه العربية والازاز اللى جنبى كان مفتوح, المهم انا اترعبت جدا وكنت ماشى فى النص تقريبا من الرعبة حدفت شمال وكان فيه نص نقل جاى ورايا على الشمال المهم ربنا ستر وركنت على اليمين علشان اشوف ليه ايه.

نزلت وأول حاجة جت فى بالى فردة كوتش ضربت بس الاحتمال ده استبعدته لان العربية بعد ماحصلت الفرقعة دى انا توقعت انها تعوم منى لقيتها ماشية كويس على ماركنت على يمين الطريق, الكاوتش سليم مفيش فيه حاجة

فتحت الكبوت برضه مفيش حاجة, حاجة تجنن!!
لقيت فى كمان عربيتين راكنين رحت اسأل فيه ايه يا رجالة هو صوت الفرقعة ده من عندكو قاللولى لأ هو مش عندك . الناس برضه سمعت صوت الفرقعة وركنوا كل واحد نزل يشوف عربيتوا فيها ايه وبرضه فاتح الكبوت منهم تويوتا كورولا الجديدة.

المهم الناس مشيت وانا مشيت وطول الطريق مزودتش عن 80 وخايف جدا, طلعت الوصلة بتاعت المريوطية وفى نصها تقريبا سمعت صوت الفرقعة دى بس من عربية كانت قدامى بييجى 200 متر واتكررت كمان مرة والعربيات ماشيه زى الفل ولا كأن فيه حاجة. ايه بقه مش فاهم اى حاجة.

ياباشا مش مظبوطة و بتدى باكات