السلام عليكم ورحمة الله وبركاته
انا بجد مبسوط ان فى رابطة زى رابطة وحوش كيا سيفيا وده دليل ان العربية بصراحة ماشاء الله عليها وانا افتخر اانى معايا واحدة زيها واكون عضو فى الرابطة وحابب انى استفيد من خبراتكم لانى عندى مشكلة غريبة انا امتلك سيفيا 99 اتوماتيك 1600 العربية كانت ماشاء الله عليها كانت ممتازة فى السحب وتوفير للبنزين من فترة غيرت طلمبة المياه وسير الكاتينة بعديها حسيت ان العربية مش زى الاول استهلاك البنزين عالى والسحب بيضعف اوى لما العربية بتسخن وساعات بلاقي السحب اتظبط وانا ماشى ومرة واحدة تتخنق وصوت الماتور بيعلا روحت عملت صيانة كاملة من فلاتر وبوجيهات واسلاك بوجيهات وزيت الماتور وزيت الفتيس وحساس الاكسجين نظفت idle control والبوابة مع العلم عندى جوان بلف الايدل غير موجود ضاع من الصنايعى الى كان بينضفه وعلى حد علمى ان مالوش تاثير على السحب العربية والميكانيكى عاملى حاجة شبه الجوان بتاعه بس من الكارتون ومافيش تغير وكل ماروح لميكانيكى يكشف على العربية بالكمبيوتر بيلاقى كل حاجة مظبوطة وبيبقة مش عارف ايه السبب كشفت على سير الكاتينة لقيتها مأخرة راح ظبطهالى من اول وجديد وبرده مفيش فرق............ تنصحونى بى ايه ياشباب السيفيا لانى مش عارف اعمل ايه تانى واسف انى طولت عليكم.........
انا كنت هقولك على موضوع سير الكاتينه ولو كانت متقسمه غلط بياثر على العربيه وكذلك فى الصبابات بس انت بتقول ظبطها
يبقى كل الى اقدر اقوله
اوتووووووووماتيك

ياجماعة أنا النهاردة كنت بشترى سيفيا 1999
رشة جانبين فقط والباقى كلة فابريكة
جمع الكماليات بها تعمل تكييف وباور وسنتر وزجاج كهرباء
وكان السعر النهائى 39000
بس تراجعت فى أخر لحظة لأنى وانا بجرب العربية حسيت بصوت طلمبة الباور أثناء التحريك وأنا بصراحة عايز عربية على الركوب على طول
كمان طقم الصوت فيها شكلة مش بتاعها
والشكل الخارجى مكنتشش مرتاح له شوية
برجاء التعليق من السيفياوية

صعب تلاقى عربيه على الركوب ولو لقيت مش هيبقى بالثمن الى انت بتتكلم فيه وبرضوا هتركبها بعد الصيانه وانا مبحبش الى عاوز الحاجه على الجاهز
لو عاوز تريح دماغك ومش تتعب يبقى تركب جديد
او دور تانى لحد متلاقى حاجه كويسة وتكون مرتاح ليها نفسيا