الموضوع: رابطة الوحوش ملاك السيفيا (ج2)

المشاركة الأصلية كتبت بواسطة h a r d

ان شاء الله خير متقلقش لو حاليا مفيش فلوس انك تشترى استيراد وتشترى دماغك
يبقى هتحاول انك تشوف مركز كويس او اى مكان كويس تقدر تصلحه هناك وكنت اسمع ان فى واحد فى سرايه القبه معروف انك كويس فى التصليح
وحاول انك تتقل عليه بقدر الامكان واعمل زى مماكس بيقول جرب تغير زيت وفلتر برضوا لعل وعسى ان الموضوع يظبط شويه

ولو عندى والله فتيس فى الجراج مكنتش عزيته عنك فى نقطه تانيه برضوا الفتيس الاوتو كنت سائل عليه ابو ادهم كان بيتكلم فى 1700 جنيه والمانويل كان 1200 جنيه الكلام ده من حوالى 7 شهور مش عارف دلوقتى والله الاسعار راحه فين

وابقى طمنا وربنا معاك

متشكر اوي يا استاز هارد هو الراجل قالي يمشيك علي كدة سنة بس قالي الفتيس هايعمل 2500 او 3000 لكن لو 1700 دي يبقي اجيب واحد احسن و ياريت لو حضرتك تقدر تعرفلي حد يكون كويس و امين يبقي ربنا يبركلك او تعرف الراجل اللي في
سرايه القبه يبقي 100 100 انا ساكن عند كوبري القبة اصلا و متشكر عال مساعدة

المشاركة الأصلية كتبت بواسطة h a r d

حطيت انهارده ليكوى مولى مع الاضافه الى صقر جابها
والنتيجه غير مرضيه بالمره
الار بى ام اعلى من 1.5 ومش راضى ينزل للاسف ومفيش اى حاجه غلط

ايه اخر اخبار المشكلة دى يا هارد أتحلت و لا لسه و هل فعلاً الزيت و إضافاته لها علاقة بإرتفاع عدد لفات الموتور و لا الموضوع طلع صدفه بحته و العيب طلع من بلف الأيدل او حساس الـ tps و لا لأ ، لأنهم الوحيدان على حسب علمى ممكن يسببو المشكلة دى .
و أيه هو تقيمك للزيت و للسيراتك و الفلاش بعد الأستخدام لكذا يوم ، عشان أنا ناوى أعمل نفس التجربة و لكن المشكلة دى خلتنى اراجع نفسى .

المشاركة الأصلية كتبت بواسطة h a r d

فى حاجه بقى استاذ حسام لسه مكلمنى من شويه والراجل عاوز يشوفنا طبعا هوا زعلان على المقابلات الى بنتفق عليها والناس بتكبر دمغها

انا اتفقت معاه ان شاء الله الجمعه الجايه نتقابل واتفقنا نقول فى الرابطه للى حابب يجى
وعشان ميحصلش زى كل مره برضوا نقعد نجرى ورا الناس ان شاء الله هيا هتبقى الجمعه الجايه فى صاله البولينج سواء كبرى الفنجرى او مدينه نصر ده حتى الان لو جدت حاجه مش هيبقى فى اختلاف
الى عاوز يجى اهلا بيه والى هيبقى عنده ظروف تتعوض ان شاء الله
وانا عن نفسى هنزل حتى لو هقابله هوا شخصيا لوحده
وربنا يسهل

فعلا يا جماعة عاوزين نتقابل يوم الجمعة ان شاء الله زى ما قال عمنا عصام عاوزين نتعرف عليكوا شخصيا بدل موضوع التليفونات ده وبالزات انت يا ماكس انا هريتك تليفوات يا جماعة اللى هييجى فى صالة البولنج يقول من دلوقت علشان حتى لو مفيش غير عصام بس اللى جاى انا رايح برضه..

على فكره يا جماعة انا كنت قعدت شوية كده ييجى شهرين ادى العربية بنزين ٨٠ وفى الفترة دى كنت اجى ادور العربية الصبح الاقى دخان ابيض بيطلع من الشكمان ساعات كثيف وساعات خفيف وكانت العربية سحبها كويس بس طبعا مش زى سحب ال ٩٢
المهم رجعت لل ٩٢ تانى عشان بصراحة عصام خوفنى منه ومن ساعت ما رجعت امون ٩٢ تانى مفيش اى حاجة بتخرج من الشكمان ولا الصبح ولا بعد الظهر حتى غير شوية ميه خفيفة كده الصبحية

حبيت اقول المعلومة دى علشان لو حد قابلته حاجة زى دى مايقلقش,, ممكن يكون البنزين مش نظيف

وعلى فكره يا عصام انا فتحت الكبوت وشديت سير الدينامو بنفسى, العملية طلعت سهلة جدا.