الموضوع: راوتر

المشاركة الأصلية كتبت بواسطة twister_flasher

اخي انا مش داخل دلوقتي علشان اكلم كلام انشاء حبيت ارد على تعقيبك :

( تذكر إنك بدأت بالإساءة والجشع هو إنك تبخس الناس أشيائهم ويا ريت بلاش أى رد آخر غير محترم لأنه هيكشف أكتر عن شخصيتك المحترمة ...)



اولا انا لم ابخس سعر الراواتر حضرتك اللي رافع سعره مع علم انه مستعمل 4 شهور وبعتلك امثلة بيع للراوتر بنتاع حضرتك الناس بتبيعه جديد بكام ولم يستعمل زيرو .
ثانيا كان ردي طبيعي لما ارسلته لي عن اكتشافي لشخصيتي المحترمة اللي الحمد الله مش محتاج اكتشفها ولا اكلم فيها بسبب حضرتك لان كلامي مجاش على هواك .
ثالثا موضوع اني مظلوم واني نشرت الحوار هو اساسا مفيش حوار الموضوع بما فيه سعري معجبكش اعتبرتني بغشك علشان اشتري وببخس سعر الراوتر وطبعا الحمد الله كلام ده مش مظبوط بعد اثباتي للسعر الحقيقي لبيع الراوتر جديد زيرو.
واخيرا انا لم اسيئ لسمعتك انما انت اساءت لنفسك لعدم معرفتك بقيمة الراوتر الحقيقية وظنك السيئ للاخرين لاني لما بعتلك سعري على الخاص اللي معجبكش بعتلك السبب ليه هو سعره رخيص ومحبيتش تتناقش في الموضوع.
على العموم انا مسامح ولا احمل اي ضغينه ولا عايز اظهر نفسي اني الضحية لاني مش مستني من حد حاجة كفاية اني اقولك الاهم عندي اني بعامل ربنا اولا واخيرا.

ملحوظة صغيره :
للامانه اخي امام الله انا دخلت موضوعك للشراء وليس في نيتي اي شيئ .
وربنا يوفقك في الخير وييسرلك امورك
تقبل تحياتي
اخوك

اللون الاحمر مخصص للمداخلات الاداريه فقط
يرجي مراجعه قوانين المنتدي

6.36م
20/11/2011

مشرف 14 ب

لا حول ولا قوة إلا بالله ... أتمنى لك التوفيق والنجاح فى حياتك ...

المشاركة الأصلية كتبت بواسطة TheDieSeL

لا حول ولا قوة الا بالله العلي العظيم ... حديث النبي عليه أفضل الصلاة والتسليم في ما معناه
رحم الله امرئ سمحا اذا باع واذا اشترى و اذا اقتضى

الكلام بالراحة شوية مع بعض كلامكم ان كان عالخاص او على المنتدى لو ما شافهوش السادة الأعضاء بيشوفه قبلهم ربكم ...

ونصيحة للسيد الفاضل الي بيبيع الراوتر ده حقيقي الـراوترين الثابتين بتوع فودافون سيئين للغاية .. اشتغل بالراوتر بتاعك أحسن وكمان الراوتر بتاعك تقدر تشغله على لابتوب Winless N صاروخ في نقل الملفات عالــ Sharing و لن يقارن أبدا براوتر فودافون وكبير فودافون معاك تتصل بيهم تعمل Configuration للرواتر او توديهولهم مرة كده يعملوهالك دا ان لزم الأمر .. واتأكد تاخد منهم User-name+Password بتاع الاتصال بالانترنت وتسجله عندك عشان لو عملت Reset للراوتر مع نفسك ما تحتاسش :) و الله الموفق

شكرا يا أخى الكريم TheDieSeL على محاولتك للتهدئة ولا أعتقد أن يكون هناك كلاما أكثر تأثيرا من كتاب الله وسنة رسوله عليه الصلاة والسلام .
وربما لاحظت يا أخى الرسالة الإدارية الإجبارية من مراقبى المنتدى بخصوص مثل هذه المصادمات .. قدر الله وما شاء فعل ...
كما أشكرك على ما أسديت لى من نصائح بخصوص استخدام الراوتر ...
أعلم جيدا بقيمة الراوتر (دى لينك) ومدى كفاءته وسمعته الممتازة خصوصا أننى قد جربت ذلك عمليا وإلا لما كنت اشتريته من الأصل ... ولكنى فى الواقع لا أستخدم النت فى البيت إلا قليلا جدا لأن معظم وقتى فى العمل لذا أكثر استخدامى للنت والكمبيوتر يكون فى مقر عملى .. لذلك فالراوتر الخاص بفودافون يكفينى جدا كما أنه مجانى فلماذا لا أستفيد منه غير أننى لم أجد أى مشكلة حتى الآن فى استخدامه .. لذا قررت أبيع الراوتر الدى لينك حتى يستفيد به أى شخص آخر أفضل من ركنه بلا فائدة ..

وبناء على رسالة التنبيه الإجبارية التى صدرت من مراقبى المنتدى بخصوص الالتزام بآداب الحوار وعدم الإساءة فى الحوار بين الأعضاء بالإضافة إلى رسالتك الكريمة التى أثلجت صدرى والتى ترمى إلى نفس الهدف ، لذا أبادر بإثبات حسن نواياى بتخفيض سعر الراوتر إلى 120 جنيه فقط وليس 200 ولا 150 ولا 125 جنيه ... وأقدم هذا التنازل عن رضاء كامل إعرابا عن احترامى للمنتدى وجميع مشرفيه وأعضاءه وليس لاقتناعى بأى كلام آخر يعبر عن أمثلة فردية لا تعبر عن سعر السوق الحقيقى ، ولكى تعم الاستفادة الحقيقية لكل من أراد أن يستفيد متمنيا للمشترى أيا كان أن يبارك الله له ..

تم البيع بحمد الله ..
أدعو الله أن يبارك للمشترى ...