مقارنة صعبة اوي بين لانسر ( بوما ) زيرو و كيا (سيراتو) زيرو ياريت دخول الجميع

**woof212** · 17-11-2011 07:11 PM

السلام عليكم ورحمة الله وبركاته

ياريت مقارنة منكم

بين كيا سيراتو ( الكوري 2012 ) و لانسر بوما ( الياباني 2012 ) الاتنين اتوماتيك

مقارنة بوجه عام من ناحية الافضل وقطع الغيار وماتور وثبات وتقفيل ومميزات

وعيوب كل عربية من دول وياريت من ناحية مشاكل الفتيس علشان واحد قالي اوعى تركب

اتوماتيك كوري وايه اشيك لون من وجهة نظركم للعربيتين

مستني ردودكم وخبرتكم

**ahmedassaf** · 21-11-2011 11:38 AM

السيراتو منظر عالفاضي
البوما عربيه محترمه
مافيش وجه مقارنه انت بتقارن ياباني بكوري ازاي؟؟

**mohamed_prog** · 22-12-2011 08:27 PM

المشاركة الأصلية كتبت بواسطة ahmedassaf

مافيش وجه مقارنه انت بتقارن ياباني بكوري ازاي؟؟

مافيش حاجة اسمها يابانى وكورى فى حاجة اسمها تكنولوجي . كوريا تخطط اليابان فمجالات كتير منها الالكترونيات والميكانيكا. المقارنة تتعمل بكذا طريقة منها السعر مقابل القيمة أو الاعتمادية . دا رائيي

**Dawns_Mist** · 21-11-2011 04:26 PM

السيراتو هاي لاين = إنك اشتريت أوبشنز فقط .. لكن في النهاية انت نسيت تشتري عربية
البومة سحب أعلى .. و ادخل على اليوتيوب و شوف فيديوهات السيراتو و البومه
البومة عمرها الافتراضي أطول ، و صاج أقوى ، ثبات أعلى ، وزن أثقل ، فرامل أفضل ، مساحة داخلية أوسع ، تكنولوجيا عفشة و فيتيس أفضل .....

السيراتو ليها ناسها برضه ... أوبشنز كتير حلوة ، شكل شبابي ممتاز ، باور أفضل ، سعر إعادة بيع ممتاز

ربنا يوفقك .. كل عربية و ليها ناسها

**medododo** · 21-11-2011 04:43 PM

بومة ولا في كاشات شارك

**mody3on** · 21-11-2011 04:47 PM

السيراتو شكل احسن .. شبابية .. اوبشن احسن بكتيييييير جدا .. تابلوه عصري .. قطع غيار متوفرة
واوبشن مش موجودة في فئات اعلى

**nice_bird** · 21-11-2011 04:55 PM

لانسر بوما اكثر اعتمادية وقطع غيار ارخص ومعمرة وعالية و قابلة للتظيبيط وبينزلها مواتير كتير وممتازة من ناحية كل شي ما عدا التابلوة تحسو تكنولوجيا قديمة شويه

**woof212** · 22-11-2011 02:00 AM

شكرا للردود والافادة والمقارنة اللي شبه محسومة او محسومة بالفعل للبوما شكرا مرة تانية

**IronHead** · 22-11-2011 09:54 AM

كلمه تكنولوجيا قديمه دى مش مظبوطة, رغم انى معنديش البومة بس شايف انها تكنولوجيا سابقة عصرها
من اوائل العربيات ال compact sedan اللى نزل فيها فتيس cvt لحد 2009, من 2010 بقى الفتيس ستيبترونك
العفشة multilink من 2004, لحد دلوقتى فى عربيات 2012 كتير ومركات يابانى بتنزل torsion beam لسه
هو بس التصميم فعلا قدم عشان التابلوه متغيرش من 2000 والشكل الخارجى متغيرش من 2004 ده ان نزل تحديث ثورى للتصميم فى الموديل الاعلى اللى هو الشارك

**Formulator** · 22-12-2011 03:21 PM

المشاركة الأصلية كتبت بواسطة IronHead

من اوائل العربيات ال compact sedan اللى نزل فيها فتيس cvt لحد 2009, من 2010 بقى الفتيس ستيبترونك
العفشة multilink من 2004, لحد دلوقتى فى عربيات 2012 كتير ومركات يابانى بتنزل torsion beam لسه

أنا لا أؤيد دى ولا دى.. العربيتين بالنسبالى مش فارقين كتير عن بعض..؟!!

بس أنا ليا كومنت (كومنتين الصراحة): هههههههه
- فتيسات الـCVT مش بتاع أداء ولا جرى خاااااااالص, آخرها توفر بنزين.. بس فتيس فاشل من ناحية الأستجابة والمرونة فـ السواقة..؟!!
- عفشة البومة الخلفية مش Multi-Link ولا تعرفها, الشارك آه هى اللى ملتى-لينك..؟!!
تعليق اللانسر بومة الخلفى اسمه double wishbone (هما 2 لينك بس, مش ملتى) مقصات كده, أقرب ما يكون لتعليق الألنترا والفيرنا.. لكن مش Multi-Link

وده فـ النعومة جيد, لكن فـ الثبات والهاندلينج بخخخخخخخخ..
أنظمة تعليق الـTorsion-beam العالية فنيا (يعنى مش بتاع السيراتو.. هههههه).. أفضل منه كتيييييييير فـ جزئية الثبااااااااااات..!!

الموضوع: مقارنة صعبة اوي بين لانسر ( بوما ) زيرو و كيا (سيراتو) زيرو ياريت دخول الجميع

LinkBack

أدوات الموضوع

عرض

العرض المتطور

-

-

-

المواضيع المتشابهه

مقارنة بين هوندا سيفك الشكل ده مستعملة وكيا سيراتو 2012 زيرو

مقارنة صعبة اوي بين لانسر ( بوما زيرو و كيا سيراتو زيرو ياريت دخول الجميع

النترا (مش الشكل الجديد) ولا سيراتو ولا لانسر (بومة) زيرو

النترا (مش الشكل الجديد) ولا سيراتو ولا لانسر (بومة) زيرو

عايز رأي الوحوش ميجان زيرو أو سيراتو زيرو

الكلمات الدلالية لهذا الموضوع

المفضلات

المفضلات

ضوابط المشاركة