فين الناس التقال !!!!!!!!!!!!!!!!!!!!
أستاذ ahmed.tv
أستاذ Sonasteel
أستاذ peaceman
اين انتم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
فين الناس التقال !!!!!!!!!!!!!!!!!!!!
أستاذ ahmed.tv
أستاذ Sonasteel
أستاذ peaceman
اين انتم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
اقتباس:
مقلتلناش برضه جبت الصني ليييييه ؟؟
زي ما قولت فوق ان اتعودت على القوه والاعتماديه فى الاداء وده كان اول حاجه لقيتها فى الصنى مشتركه مع ال 504 زائد + الاتى(وده بعد دراسه جيده ومقارنات من جميع النواحى بين السيارات)
1-سير الكتينه حديد
2- سياره يابانى اوتوماتيك باقل من90000ج
3- ميكانيكيه كتير سالتهم قلولى سياره اعطلها قليله و بسيطه وصيانتها سهله و معروفه
4- تكيف جبار
5- وكيل محترم تحت اشراف يابانى مباشر(وده مش كتير فى البلد دى)
6-جير بوكس يابانى احسن من الكورى ( وده بناءا على نصائح الميكانيكيه الكورى واليابانى)
7- اقوى عفشه فى كل اليابانى
8- قطع غيار اصليه متوفره داخل وخارج التوكيل (ميزه هامه جدا)
9- صاج اقوى نسبيا من عربيات يابانى كتير
10- شكلها كلاسيكى فخم تزيد من قيمه صاحبها
11- التابلوه بتعها شيك وواضح وبه اماكن تخزين كتير ( وده حاجه بيلاحظها اى حد بيتعرف على العربيه لاول مره وبتعجبه)
12- اسم نيسان عريق و معروف
13- اعضاء قسم نيسان المحترمين فى منتدى نيل موتورز مستوفين كل حاجه عن السياره بحياديه تامه( مميزات وعيوب) + تعاونهم المثمر و البناء( وانا اكتشفت المنتدى ده بمحض الصدفه اثناء دراستى للسوق وبصراحه متميز عن اى منتدى اخر بشكل كبير) واللحمد لله انى اتشرفت بعضويتى فيه
وهى دى الحجات الى خلتنى اختار نيسان صنى اوتوماتيك وده طبعا بعد توفيق من الله عز وجل والحمد لله
انا جبت الصني لان العربيه الوحيده ال 1600 الي تعتبر فول اوبشن زجاج كهرباء امامي و خلفي و مرايات كهرباء و كاسيت محترم و كمان باور معقول و تكيفها حلو و بالسعر اللذيذ ده و الاهم اهم الاهم انها المفروض يعني الي كنت عارفه ان الياباني مبيسخنش و انا كنت متعقدد من سخونة الاسكودا فليشيا
أولا شكرا يا احمد علي الموضوع الجامد ده ..
انا بقي حكايتي كالآتي :
العربية اللي كانت معايا و كانت الاولي هي تويوتا كورولا 96 و كحلي و كنت شاريها يوزد و كانت عامله 76000 كيلو و بيعتها عاملة 150000 كيلو و بصراحة عربية جبارة و شالتني في حاجات كتير اوي و خصوصا بقي انها كانت التخويفة في الشارع ايام بقي الشرطة خصوصا اللون و الفامية كانت بتعديني من كامينات كتير و خصوصا موقف حصل معايا و انا في المطار كنت سايب العربية فوق و لاقيت استيكرز مخالفات علي العربيات كلها ما عدا عربيتي لأن الشرطة و الجيش كانوا بيشتروا كتير من العربية ديه .
العربية بصراحة كانت تحفة ثابتة و تكييف رائع و كل اللي تتمناه كنت مركب وحدات رفع و انذار كنت مظبطها وقعدت معايا 5 سنين و نص و كنت صاينها اوي جوا التوكيل يعني كنت اشتري اي حاجه ميكانيكا للعربية من جوا التوكيل نفسه
لكن اللي خلاني ابيعها ان لاقيت قطع الغيار رغم انها ياباني لكن مش معمرة و الحاجه اللي كانت بتقعد 3 و 4 سنين بقت بتقعد سنة او سنة و نص و عرفت انه بقي ياباني استثمار مبقاش ياباني اصلي زي زمان
كان لما يجيلي مثلا مكافأة في الشغل و ابقي داخل البيت فرحان الاقي العربية بتنده من بعيد و الاقي بقي طقم دبرياج و الاقي كبالن و هكذا ...... و عملت قبل كده ربع عمره للماتور ..
قولت بقي لأ انا كده هيتخرب بيتي رسمي فهمي نظمي ..
قررت بيع التويوتا كورولا و كان علي عيني بجد لأني قضيت بيها احلي ايام في حياتي.
ابتديت اعمل بحث و تفحيص علي النت علي اخبار العربيات الجديدة فلاقيت موقع من المواقع ربنا رزقني بيه و جايب جميع العربيات في مصر و تقارير وافية جدا جدا لكل عربية عيوبها و مميزاتها
فشوفت الصني ان التقرير فعلا وافي و فعلا هي العربية اللي انا كنت بدور عليها و خصوصا اني كنت بدور علي عربية ياباني محترمة و فتيس اوتوماتيك ياباني و السعر جنان و 1600 سي سي كمان و طبعا قالولي في التقرير علي حتة استهلاك البنزين لكن قولت العربية بالكماليات ديه و الموتور المتطور ده يستاهل البنزين و نص و كمان عربية عائلية من الدرجة الاولي و لاقيت الكل بيشكر في التوكيل بتاعها جدا
فقررت اشتري الصني .. اه صحيح و اللي شجعني كمان انها ليها توكيل عندنا في شبين فده برده خلاني اتشجع اكتر و اكتر
و اشتريت الصني اللي فعلا حسيت لما اشتريتها اني مبيعتش التويوتا و زاد كمان انها اوتوماتيك ..
انتهت القصة ....... :))))))
موضوع ظريف جدا و فيه دعاية للصني بطريقة غير مباشرة و في حاجات اخدت بالي منها مكنتش عارفها في الصني
يعني حجج و براهين استفيد بيها في القضايا المرفوعة علي الصني :))
1- 128 ........ واللي متعلمش السواقه علي 128 يبقي ميعرفش يسوق :))))
بتاعة والدي طبعا ومويل 82 ... بس تقريبا شاريها يوسد انا مكنتش موجود بصراحة (كنت بجيب عيش هههههه )
وانا كنت بكبر والعربية مش بتكبر ..... وهكذا لغاية ما كبرت اوي لدرجة ان العربية لسه مكبرتش وزي ما هي :))
يمكن في العشرين سنه دول معملتش 20 الف كيلو علي بعض ..... لان مشاوير والدي مكانتش كبيرة والمحل القديم كان تحتينا ... فيدوبك لو هايشتري من بره .... بس لما كبرت حبتين بقي وروحت الكليه استلمتها صح ووالدي مكانش بيشوفها تقريبا ... طلعت ترابتينها ههههههههه ..... وكنت بحمل فيها اصحابي غمرة - عين شمس :)))
ولما اشتغلت الحمد لله روحت بيها مشوارين العبور ... جابت ماتور :))))
وطبعا مميزاتها ....
1- انها 128 وقطع غيارها تقريبا كان بابا قرب يبيعها مع الجبنة والزيتون ويطلعها هدايا علي اللين الحليب :))
2- كنت بحمل فيها صحابي لدرجة انها بقيت تمشي علي العجلتين اللي ورا وكنت بحمل الشنطة وماشاء الله عليها بتمشي ومش بتشتتكي
عيوبها ...
1- ان قطع غيارها حتي الغالي منها (غالي بجد يعني ) مكانش بيكمل معايا كام شهر ..... وعلي طزل سلك الدبرياج مقطوع وجيبتهلها الايطالي الاصلي وطبعا فاكس كيييك .
2- بقي يطلق عليا صديق الميكانيكي و مبقتش عارف اقعد مع اهلي و اتصاحبت علي الصنايعي بتاع الورشة هههه .
3- اكر الازاز اخرها شهر و بتتكسر برده (حتي النيكل )
4- العربية بتسخن بشكل تيييييييت ... لدرجة اني خسيت للنص في الصيف وفي الشتا كنت بسوقها بنص كم.
بس لا كنت اعرف ان بيتحطلها زيت ماتور بقي ولا زيت فتيس ولا حاجة من الحاجات ديه
معرفتش الحاجات ديه لما جيبت (.............) !!!
انتظرونا في الحلقة القادمة مع معشوقة الجماهير اللي طلعت عين اللي الـ............. !!!!!
فاصل ونواصل
كوكب نيسان ....... كوكب الصقور الظريــــــــــــــفة :))
ههههههههههههههه 128 تاني هههههههههههههههه .. على رأيك اللي مسقش 128 يبقى مبيعرفش يسوق هههههههههههههههههه .. كويس واللهِ إنها عاشت معاك لانك تلاقيك كنت فاكر إن الموتور كان شغال بمية الردياتر ههههههههههههههههههههههه .. واللهِ العظيم ماقدر ابطل ضحك هههههههههههه
فين بقى ال....... ؟؟؟؟؟؟؟؟
انا كان (ولا زال) معايا جيب رانجلر العربيه مفتريه بجد جبروت محصلش كفايه تدوس اكسرتير جامد شويه تلاقي الشارع كله فضي ( اتفضل عدي حضرتك الاول)
جبت النيسان الصني لانها احسن عربيه في فئتها السعريه عوامل امان و قوه صاج و خلافه و لاني كنت محتاج عربيه عائليه
عملت بيها حادثه و طلعت منها بخير الحمد لله (لو كانت النترا كان زماني بكتبلكم من المستشفى)
ناوي اغيرها بعد ماتخلص (هتتشطب بكره في مودرن موتورز ابو رواش .. بس العربيه رجعت جديده فعلا) و لكن هغيرها لاني اتعودت عالعربيات العاليه و القويه فناوي اجيب قشقاي اوتو او اكس ترايل