الموضوع: كل واحد فينا أكيد كان عنده قبل عربيتنا النيسان عربيات تانية .. كلمونا عنهم :)

بصوا بقى أنا هاكلكم قصتي من أول ماركبت عربيات ..

عربيات والدي

أول حاجة كانت 131 بتاعت والدي .. كانت سبورت .. بابين بقى و إيه كانت حكاية .... لكن للاسف ولعت بينا مرة .. وروحنا بايعينها . ههههههههههههههه

التانية برده تخيلوا كانت ايه .. 131 برده .. بس كانت اييه امريكاني بقى 2000 cc .. كل اكصدام كان متر هههههههه .. كانت وحش .. كانت 2 كامة .. عمرنا ماشتكنا منها .. بس للاسف أبويا بدلها .. وجبنا الوحش .................

الوحش بقى ده كان جيب شيروكي 1995 .. 4100 سس .. مثبت سرعة وايه كل حاجة تتخيلها .. بجد أنا ماركبتش عربية في حياتي زي الجيب ديه .. بس مشكلتها لو حاجة فيها باظت .. بتفتح بقها ايييييييييييييييه اكنها بتتاوب .. ادفع بقااا ...... دي بقى معانا لغيت دلوقتي ... كنا هنبيعها عشان خربت من قلة الاهتمام .. في الفترة اللي احنا هنبيعها .. أبويا عجبته التريوس 2011 .. دفع رباعي .. 1500 سس .. ياباني وكده .. وتستحمل مطبات بلدنا المحروسة .. فجابها ......

طبعا التريوس 2011 عربية جامدة .. بتستحمل جدا .. لكن مش جراية قوي .. طبعا هما كبروا الجنط فيها وخلوه 16 و حاطه عفشة سبورت مخليه العربية طوبة .. ناشفة جدااااا .. وطبعا بتتديك ستبليتي و عمر افتراضي كبير للعافشة بجد عربية جامدة اوييي ..

نرجع بقى للجيبـ .. مرضناش نبيعها .. وقلنا ايه نعملها مقيسة في التوكيل .. نشوف هتكلفنا كام بالكاوتش بكل حاجة .. المقيسة قالت 11000 جنيه .. قلنا ماشي .. لإن العربية كانت ضيعة .. دحنا غيرنا فتيس .. طبعا بقى بعد ماتعملت بقت تحفة بجد .. وكمان العربية كانت فيها وش سيليندر من سنة وماشين بيها عدي شوفه الجبروووت ههههههههه .. وكانت بتسخن لحد الاحمر وماشين بيها برده ............. دلوقتي بقى ولا اكنها زيرو .......................

عربيات والدتي ...

أول حاجة وده كانت حبيبة قلبي من جوه .. 128 .. كانت موديل 1989.. عربية تحفةةةةةةة .. أول متعلمت سواقة كانت عليها .. كنت باخدها خمسات وسبعات وتمنيات وكل اللي تتخيلوا بقااااا .. وعمرها مشتاكت .. كسارتلها بس قاعدة الفتيس مرتيين حاجة بسيطة يعني هههههههههههههه .. بس اتبعت وزعلت قوي عليها ..

وجبنا بقى عريبة كل المصريين .. فيرنا .. جبناها زيرو .. عربية طيارةةةةةةة .. ولا ماتسمعوش كلام حد إنها خفيفة والكلام ده .. عمرها ماقلت معانا في حاجة .. عملت بس بيها بره خمساية واحدة .. بعديها هديت بقى خالص .. وبقيت بحافظ عليها قوي .....

نيجي بقى لعربيتي الخصوصية .. نيسان صني .. أنا كان حلمي إن أجيب العربية ده من ساعة 128 .. كنت بحبها اويييييييي .. وجبتها بقى عشان ثابتة و قوية وجراية و اوتوماتيك .وتكيفها تحفة . وعربية ياباني ... بس عربية كاملةةة

بعد كده بيعنا الفيرنا :(((((((((((((( .. عشان ماكانتش اوتوماتك .. غير كده عربية تحفةةة .. وجبنا الحسناء نيسان تيدا .. عشان سمعتها كانت كويسة قوي في السوق .. وفي ال منتدى .. وبصراحة أنا جبت تيدا لولدتي عشان خاطر المنتدى هو ساعدني قوي بصراحة إني اجيبها ..........

احب القصة تكون عجبتكم ههههههههههههه ..
بس مش عايز ضحك هههههههه ..

تحياتي للجميع ...