كل واحد فينا أكيد كان عنده قبل عربيتنا النيسان عربيات تانية .. كلمونا عنهم :)

**ShekeeS** · 03-12-2011 11:37 AM

(بخلاف كل السيارات الصنى لا تنجذب إليها وتدخل معها فى علاقة حب إلا بعد وقت لأنها لا تعطيك ما عندها دفعة واحدة ولكن بجرع متتالية وبعد فترة تجد نفسك تكتشف عالمها)
احلى تعليق قراته للنيسان صنى من تجربه طبيب لها

**Youssef.Awad** · 03-12-2011 01:36 PM

المشاركة الأصلية كتبت بواسطة shekees

(بخلاف كل السيارات الصنى لا تنجذب إليها وتدخل معها فى علاقة حب إلا بعد وقت لأنها لا تعطيك ما عندها دفعة واحدة ولكن بجرع متتالية وبعد فترة تجد نفسك تكتشف عالمها)
احلى تعليق قراته للنيسان صنى من تجربه طبيب لها

:b4_388::b4_388::b4_388:

**Dr'AhmZZong** · 03-12-2011 11:22 PM

المشاركة الأصلية كتبت بواسطة bassamhafez

قصه حياتي مع العربيات:

1- عربيه والدي الله يرحمه كانت نيسان صني خليجي موديل 1987 والعربيه دي كانت 1300 سي سي بس العربيه دي كانت من اجمل العربيات اللي سوقتها وهي اللي خلتني احب علامه نيسان ودي صورة الموديل:

2- 128 موديل 1978 ودي كانت عربيتي الخاصه وطلعت عيني اول ما اشتريتها لاني اتخميت فيها لدرجه اني سيبتها عند السمكري 3 شهور لحد ما وقفها على رجليها ودي صورة الموديل:

3- اونو موديل 1993 والعربيه دي كانت جميله جدا ومريحاني جدا جدا بصراحه عربيه ممتازة لو حالتها كويسه ودي صورة الموديل:

4- نيو اكسنت مانيوال 2009 والعربيه كانت مش بطاله بس كنت بسمع عنها كلام مخليني حاسس اني راكب فيراري لكن في النهايه هو موتور عزمه 145 نيتن عند 4200 ار بي ام وبعتها عشان كنت عايز اجيب اوتوماتيك ودي صورة الموديل:

5- الحمد لله ربنا رزقني بالتيدا بعد حيرة ما بين الهوندا سيتي والتيدا ربنا يديمها نعمه ويحفظها من الزوال ودي صورة الموديل:

إيه الحلاوة ده ما شاء الله .. التيدا اتشرفت بيك يا باشا ..

**Dr'AhmZZong** · 03-12-2011 11:24 PM

المشاركة الأصلية كتبت بواسطة ahmed_rahem

بسم الله الرحمن الرحيم،
قصتى مع السيارات تمتد لفترة 18 سنة قيادة، نبتدى
1- طبعاً زى الكل فى فترة منتصف التسعينات اول عربية كانت لازم ولابد 128 بتاعت والدى (من الزيرو 1976) وكانت فى نفس عمرى. بس والدى لانة مهندس ميكانيكا كان محافظ عليها جداً، وانا والحمد الله واخويا خلصنا عليها وبعناها. زعلت عليها جداً لانها كانت عشرة. واتعلمت عليها غالبية معلوماتى الميكانيكية والصيانة - من تركيب سلك الدبرياج بايدى، وتصليح الريداتير ... الخ.
2- بعديها جبنا ريجاتا 1985 ودى ملهاش عندى ذكريات كتير ولكن كانت عربية كويسة
3- اول عربياتى كانت افيو 2006 ودى المحببة لقلبى (البكرية) واشتريتها بالتقسيط، ولانى مبحبش لانوس ولا هيونداى، ودى روحت بيها الغردقة والاسكندرية والساحل الشمالى. وحالياً مع والدى ومستقبلاً اختى هتاخدها.
4- حالياً نيسان صنى 2011 سوبر صالون، ودى لانها افضل معادلة بين الاداء والسعر واقرب سيارة مشابها اغلى بحوالى 25 الف جنية على اقل تقدير.

5- نسيت عربياتى اثناء الاعارة للامارات وبلاش نجيب سيرتهم لانها حاجة تقطع النفس - ودى عايزة موضوع تانى لوحديها.
dodge avenger | muscle car, best in class engine, 2011 car | dodge
وأجرت هناك سيفيك، وسكالا، يارس، لانسر، تيدا لفترات مختلفة

دى قصتى مع العربيات وهى قصيرة جداً لانى مبحبش التغير الكتير، افضلهم - بدون المقارنة مع الامارات - الصنى وان كان الباور بتاع الافيو اخف كتير.
اما لو دخلنا الامارات فالدودج على راس القائمة وبعديها بمسافة كبيرة السيفيك والسكالا والصنى ثم التيدا (1800 سى سى) ثم اخيرا اللانسر والياريس والافيو.

والسلام ختام

18 سنة خبرة ما شاء الله .. قصة ممتازة

**Dr'AhmZZong** · 03-12-2011 11:26 PM

المشاركة الأصلية كتبت بواسطة shekees

اول عربيه كانت اكسيل 89 اتوماتيك خليجى ( كرهتنى فى العربيات بسبب قطع الغيار )
تانى عربيه فليشيا 96 والثالثه فليشيا 97 كومبى ( عربيه تشيكى وكانت من نسبالى نقله حلوة مريحه جدا واعتماديه بس المهم انك تعتنى بالصيانه الدوريه ) قعدت معايا سنتين وانا طبعتى بحب التغير وانى بنظر للافضل والنقله اللى بعديها ,, ومرة بالصدفه بقراء فى احدى المنتديات العربيات تجربه شخص محترف جدا للنيسان صنى 2003 اتوماتيك ومن كلامه شوقتنى جدا لمعرفت هذة العربيه اللى هى مستخبيه ومش واخدة حقها اوى ,,,, المهم لما قررت اشترى نزلت السوق ومعايا فنى وكان تفكيرى فى اليابانى كرورلا او لانسر او صنى لحد ما لقتها قصادى ومن اول نظرة خطفت قلبى طبعا اللى هيا عربيتى دلوقتى صنى 2002 اتوماتيك الحمدلله هى كويسه جدا محتاجه بس حاجات تتغير فى العفشه علشان تكون احسن

مبروك عليك الصني يا باشا .. العربية زادت شرف ..