شوية استفسارات و حاجات مش مريحاني !(كروز)

**legend_mohsen** · 18-11-2011 03:56 PM

السلام عليكم ورحمة الله وبركاته......
ياجماعة الكروز في صوت زنة مش طبيعي او أول مرة اسمعة في عربية و هو صوت بزنة خفيفة أعتقد أنو من البور ستيرينج !! والعربية لسة ممشيتش 29 ألف كيلو !!!! صوت كدة (ننننننننننننننننننن) ولما تلف الدرسكسيون خفيف كده يروح ولما توقف الدركسيون يرجع تاني !!!!!
ثانيا :
الفرامل !!! بترعش على السرعات العالية جامد وعلى السرعات الهادية تحس انها بتقطع !!يعنى تمسك و تفوت حتة وتمسك وتفوت حتة !!!!
ثالثا !! :
ال ر ب م بيلعب (الأيدل بتاع الموتور) بيلعب !!!!!
رابعا : بتاكل بنزين يعنى الصفيحة تعمل 170 180 كيلو ! !!!

لأصحاب الكروز هل الحجات دة طبيعي !!!!!!!!!!!!
وأنا انشاء الله بكرة رايح التوكيل أشوف الكلام دة ّ!

**hpxp** · 18-11-2011 09:04 PM

انا الاربي ام كان طالع نازل لحد اما تظفت البوبات ظبط بنسيه 95% دلوقتي
الفرامل شوف التيل والطنابير

**ME5EMR** · 18-11-2011 11:19 PM

لو التيل جديد يبقي الطنبوره عايزه تتمس
يعني بيبقي فيها حتت طاله و نزل فتمسك حته و تسيب حته
بتروح عند مخرطه بيمسهالك بيساوي الطنبوره
لكن بما انك رايه التوكيل ممكن يغيرولك الطنبوره
و ابقي طمني بعد ما تيجي من التوكيل

**Ahmedsa33** · 19-11-2011 12:35 AM

عربية معفنة و توكيل زبالة ز ندم عمرى انى جبتها للأسف المهم دة صوت طربمة الباور و هى صوتها الطبيعى كدة و مهما عملت فى التوكيل هيقولولك دة طبيعى بس خلى بالك متروحش غير توكيل الهرم اللى فى الكيلو 4 ونص احسن الوحشين لأنى مازلت بقول انهم شوية بقالين و معندهومش غير قطع غيار بس و ربنا معاك.

**bakkarahmed** · 19-11-2011 12:44 AM

الزنه من طلمبه الباور وده عادي
طنابير العربيه دي محتاجه يتكشف عليها علشان ممكن التيل يكون عملها شفه وريجه
ال ار بي ام عادي بيانه بيلعب.
الكلام ده من واقع عربيه صديق شخصي مقرب وعربيته عامله 60 الف كيلو

**legend_mohsen** · 19-11-2011 05:47 PM

انا روحت النعهاردة والحمدلله.......
اول مادخلت (ودي اول مرة اتعامل مع منصور فرع شارع الطيران لأني لسة شاري العربية مستعملة ) حسيت بعدم الإحترافية تماماّ بعد ما كنت بتعامل مع غبور ومش عجبني لقيت دة اكثر في عدم الحرفية .
المهم المهندس كان معدي وأنا واقف ولاكأني جاي التوكيل ومستني !!! المهم روحت انا منادية وقلتلو لو سمحت سعتك أنا حاجز معاد صيانة الساعة واحدة اية النظام ؟
قلي ماشي هتدخل اركن على جنب برة وهنجيلك وسبني !
المهم...ركنت وشوية لقيت كذا واحد لفين على عربية لانوس فهمت ان فيها مشكلة كبيرة وكذا مهندس وقفين مع صحبها وبيتكلموا معاه.
واحد منهم سبهم قمت ماسكوا قلتلو ياهندسة انا واقف وعندي معاد صيانة ......قلي صيانة كام ؟قلتلوا 25 قلي لا انت ماشي 28 هتعمل صيانة ال 30 قلتلوا ماشي بس الضمان ؟
قلي هنشوف الكلام ده ! المهم قلتلوا انا مشكلتي في كذا حاجة تانية ممكن اقولها ؟!
قالي اتفضل......قلتلوا الكلام القديم
1)زنة مش طبيعي او أول مرة اسمعة في عربية و هو صوت بزنة خفيفة أعتقد أنو من البور ستيرينج
2)لفرامل !!! بترعش على السرعات العالية جامد وعلى السرعات الهادية تحس انها بتقطع !!يعنى تمسك و تفوت حتة وتمسك وتفوت حتة !!!!
3)ال ر ب م بيلعب (الأيدل بتاع الموتور) بيلعب !!!!!
4) بتاكل بنزين يعنى الصفيحة تعمل 170 180 كيلو ! !!!
قلي نجرب ونشوف ....قلتلو تحت أمرك.
المهم شوية وجبلي ميكانيكي قلو جرب وأسمع من المهندس بيشتكي من أية.
طلعنا وجربنا ورجع قال الرعشة و شكلها طنابير والكلاكس محروق والباقي طبيعي .
رفعنا العربية وبدأ الصيانة وفك ونظف (بس نفسي اعرف !! 300 جنية علشان أغير بوجهات وأنظف الطنابير وأربط عفشة !!!!!!) والكلام ان الطنابير سليمة وكلو سليم .
المهم خلص ونزل العربية وسبوني ساعة لوحدي كدة وبعدين لقيت المهندس جاي يقولي عهملك الطنابير في الضمان والكلاكس كمان (حبيته جدا الصراحة بعد الكلمتين دول وكنت هبوسو وأحضنو )
رفعوا العربية تاني على الكوريك وعملوا الطنابير و الكلاكس.
قلنا نيشوف ال r p m قالولي طبيعي ....طب صوت البورستيرنج ؟ طبيعي ...طب العفشة ؟ سليمة ......طب (شرب ) البنزين !!! دا حسب سواقتك يا هندسة .......... قلتلهوم شكرا ولو الكلام هوا هوا هجيلكوا تاني طبعا أنا دخلت التوكيل الساعة 1 ظهراّ و مشيت 5:30 المغرب و شكرا

**mido** · 19-11-2011 07:05 PM

الزنه عادي
البنزين عادي
الباقي مش عندي لسه

**titooooasg** · 19-11-2011 08:42 PM

المهم الفرامل ظبطت ولا ايه
الزنه ظبطت معايا لما غيرت طقم الباور كلو
وبالنسبه للفرامل اللى بتترعش تحت رجلك ده هيبقى طبيعي حتي لو ظبط الفرامل ال abs فالعربيه دي هوا اللى بيعمل كده لما تدوس فرامل جامد