أزاى نغير فلتر بنزين الماروتى ؟
عربيتى موديل 2007 وعاملة تقريباً 40000 كم
وكنت عاوز أغير فلتر البنزين بنفسى ! لو حد عنده فكرة أعمل أيه بالتفصيل الممل ياريت يفيدنا وله منى جزيل الشكر والدعاء بالتوفيق وصلاح الأحوال والرزق من حيث لايعلم ولايحتسب
عرض للطباعة
أزاى نغير فلتر بنزين الماروتى ؟
عربيتى موديل 2007 وعاملة تقريباً 40000 كم
وكنت عاوز أغير فلتر البنزين بنفسى ! لو حد عنده فكرة أعمل أيه بالتفصيل الممل ياريت يفيدنا وله منى جزيل الشكر والدعاء بالتوفيق وصلاح الأحوال والرزق من حيث لايعلم ولايحتسب
تشتري فلتر ياباني وفلتر البنزين موجود ناحية الشمال (ناحية السواق) أمام العجلة الخلفية من الداخل بيبقى فيه خرطومين راكبين بفك واحد وتحطه في نفس المكان في الجديد والتاني برده نفس الكلام وترجعه في مكانه تاني.
ربنا يباركلك
طيب مش هيبقى فى ضغط من البنزين يعنى هيقع كله على الأرض ولا أيه ؟
ولا أستنى لما التنك يفضى على الآخر ؟
مع خالص شكرى وتقديرى
ربنا يباركلك ياأستاذ كريم
تم التنفيذ والتركيب بنجاح والحمد لله زى ماحضرتك قلت بالظبط ، بس الفلتر تقريباً كورى وفتحة الدخول مش فى نفس إتجاه فتحة الخروج وتعبتنى جامد جداً علشان التثبيت فى مكانه فى العلبة !!! وفى الأخر شبطته بس وربطته بأفيزين بلاستيك !!!
ربنا يكرمك ويصلحلك الأحوال ويرزقك من حيث لاتدرى ويصب عليك الخير صباً
بس فى حاجة مضيقانى قوى أستهلاك البنزين أصبح عالى جداً جداً يعنى اللتر بيعمل 10 كم فقط !!
ياترى من أيه ؟
مع خالص شكرى وتقديرى
استاذ خالد
طبعا معتقدش ان موضوع الاستهلاك لة دخل بالفلتر باى حال . الا لو فى تسريب من مكان تركيب الفلتر ابقى بص و اتاكد ان مفيش تسريب . على العموم موضوع استهلاك البنزين ممكن يكون بوجيهات قديمة او فلتر هوا مش نضيف او العربية مخنوقة كهربا . و لو كل دا سليم قللى العربية عاملة كام الف لان ممكن يكون بكات الكربيراتير وسعت و خصوصا بك السرعة - ممكن تجيب جداد بنفس الرقم المكتوب علية هتلاقى فرق ف فتحة البك ممكن ميكنش ملحوظ بالعين المجردة بس بمقاس البكات الخاص هتلاقى فى فرق و لو شعرتين من المللى بس يعملوا فرق ف استهلاك البنزين كبير .
أستاذ كريم ربنا يجازيك عنا خير الجزاء
معلش هو يعنى أيه البيكات دى ومكانها فين ؟ وبتتغير أزاى ؟ أنا أغيرها بنفسى ولا الميكانيكى ؟
العربية كانت مخنوقة شوية فى السحب رحت زودت الكهربا بتاعتها بنفسى من المسمار الصغير الأبيض اللى تحت العمة وورا الكربراتير !!! وكمان جنبه مسمار تانى برضه ( مش عارف بتاع أيه ؟) زودت منه لفتين فى أتجاه عقارب الساعة !!
العربية سحبها أتحسن بس فى نتشة شديدة دلوقتى وكمان أستهلاك البنزين زاد جداً جداً !!!
ياترى أيه السبب ؟
أنا حالياً معايا البوجيهات القديمة الأصلية بتاعت العربية هنضفها وأحاول أركبها وأشوف النتيجة ، وعلى الله إدراك النجاح
وعلى فكرة العربية عاملة 40250 كم موديل 2007
مع خالص شكرى وتقديرى
المسمار الأبيض اللي حضرتك لعبت فيه دا غالبا بتاع الهوا وهو مسمار عادي صغير بس شفت في بعض العربيات مركبينله غطاء أبيض بلاستيك بحيث التحكم فيه يبقى أفضل
المسمار التاني دا وغالبا بيبقى معدني دا بتاع البنزين
ماتقعش في نفس غلطتي
انا لعبت في المسمار دا كتير وكان عندي استهلاك البنزين عالي ولما غيرت البوجيهات كانت مهببة على الآخر
كنت بعمل الصيانة وغيرت طقم كهرباء (أبلاتين وكوندنسر وبوجيهات) وبعد كدة الميكانيكي ظبطلي الكهرباء ووهو بيظبط الكربراتير قالي الهواء عندك مفتوح على الآخر ودا يخلي العربية تستهلك بنزين كتير
وظبطلي الدنيا والحمد لله رجعت تمام
نصيحة لو عايز تظبط الدنيا غير البوجيهات بالمرة واظبط الكربراتير عند ميكانيكي - ولو عايز تريح دماغك شوف بنزينة بتظبط كربراتير بالكمبيوتر واشتري دماغك وماتلعبش في الكربراتير كتير عشان ممكن من كتر اللعب المسامير تهوي ودي ما ببتغيرش
والسلام
سلام
ممكن صور يا جماعة لمكان الفلتر؟؟؟