الموضوع: فيلم عربى قديم

فيلم سلام ياصاحبي
المشهد الأخير لما عادل إمام كان راكب البلدوزر ورايح يقتل الـــ كنج
رجالة الـــــ كنج فضلت تضرب نار على الجرافة بتاعت الونش .. الرصاص خلص
راحوا يمسكوا عادل إمام .. قال رايحين يعدوله من فوق الجرافه
وك
أن خيالهم ماقلهمش إنهم ممكن يعدوا من جمب الجرافة
المشهد ده بيستفذني جدااا من غبائه
==========
حاجات بقا كانت ثابتة في كل الأفلام

شخصية الجزار .. دايما مفتري وظالم
شخصية الخواجة ياني .. صاحب البار اليوناني
شخصية الخواجة .. صاحب محل البقالة الي مش بيبيع غير الجبنة
شخصية العزول .. إلي دايما بيكون غني ورخم جداا جدااا جدااا

لما إتنين بيكونوا بيحبوا البطلة
والإتنين كويسين .. لازم حد فيهم يموت في الأخر .. أو يطلع هو زعيم العصابة .. أو حد يضحي بحبه


أفلام التسعينات
عادل إمام بــ (وسامته) كان فتى الشاشة الاول

سعيد صالح وعادل إمام
خناقة ضرب وكل حاجة .. وشعرهم لسه على جنب زي ماهو ماإتغيرش

وطبعااااااااااااااااااااا ااااااااااااااا
صوت اللكمات في الخناقات .. كشوو كشووو كشووو (مبالغ فيه جدااا)

وفي حاجة لو تاخدوا بالكم منها
وإلي فعلا واخد باله .. يبقا تمام
صوت العربيات لما تيجي تركن .. خدوا بالكم إنه نفس الصوت في كل الأفلام بتاعت فترة الثمانينات والسبعينات
دي أنا أخدت بالي منها أوي .. وكأنهم ماعندهمش في الاستوديو غير الصوت ده


فيلم حنفي الأبهة
أخت الظابط فاروق الفيشاوي.. تقع في حب حرامي ومسجون وكمان تبوسه قدام أخوها
ومشاهد الضرب الكوميدية بتاعت عدل إمام .. مع طبعا صوت اللكمات .. كشو كشو كشو المميز

موضوع هايييييل و مناسب تماما للاجواء المحيطه بينا دي



احمد فارما، الصوت بتاع الركنه ده انا كمان كنت باخد مالي منه جداااا
زيه زي صوت الكلاكسات لما يجي مشهد قال في الزحمه او مشهد علوي لشوارع القاهره
ده بالاضافه ان في عالم الافلام حراميه العربيات ملهموش وجود لدرجه ان الكل بينزل من العربيه و ازازها مفتوح و من غير ما يسوجرها و يقضي مصالحه بكل اريحيه و ينزل يلاقيها علي حطه ايده
و طبعا لاااااازم لااااااازم يلاقي ركنه قدام باب العماره او المكان اللي طالعلها بالظبط
اشي خيالي يا نااااااااس
ده غير ان في اغلب الاحوال هتلاقي البواب فز وقف و اداله تعظيم سلام و رجع يكمل شوب الكباتشينو بتاعو هههههه

أبورقية
حتت البنات الفاتنات الجميلات ع الشاطئ دي .. من أغبى الحاجات الي كنت بشوفها

====
شباب طالعين رحلة .. كلهم بيجروا وبيضحكوا , على إيه ماعرفش
فيلم (دائرةالانتقام)
.. لازم نور الشريف يلاقي المحفظة بتاعت الراجل(مجانص) علشان يعرف يوصل ليهم
في نفس الفيلم .. المشهد إلي نور الشريف قتل الممثل فيه(الاسمراني مش فاكر إسمه) والممثل شافه من بعيد أوي وهو بيصوب عليه .. ومحدش شافه غيره

فيلم(قبضة الهلالي)وخلافه من أفلام الممثل ده
لازم كل الأشرار إلي يضربهمفي الفيلم .. لازم كلهم يكونوا بيلعبوا كاراتيه .. لازم

أفلام نادية الجندي
مش فاهم ليه دايما بيطلعوها (فينوس) إلي أي راجل ممكن يعمل أي حاجة علشان يرضيها,حتى لو قتل


حتة كده مكش عارف ينفع أقولها ولا لأ
مشاهد التحرش الجنسي (الإغتصاب)
عفوا
تلاقي الشخص الي بيغتصب البطلة .. يهجم عليها ويفضل يبوس في إيديها

=====
أفلام التمانينات
تلاقي العصابة لازم فيها بنات .. وكلهم لابسين سترتشات بتلمع, وشعرهم منكوش ..وحطين طوق على راسهم زي العقال كده
=====
شخصية المهراجا
المهراجا دايما معاه (ماسة) كبيرة جداا والكل عاوز يسرقها
=====
وطبعا
كلمة (صدقني) ..طبعا عارفبن كانوا بينطقوها إزاي؟

في معظم الأفلام .. كان البطل إسمه (أحمد) تيمنا بإسم البطل العظيم عبر العصور (أحمد فارما)

==================
أهم حاجة
لازم لما ييجي الظابط يستجوب حد
لازم
لازم
يولع السيجارة .. ويقعد على طرف المكنب ومايبصش للمتهم وهو بيكلمه
ودي لسه شغالة لحد دلوقتي
=====
لو الفيلم فيه مخترع
لازم تلاقي الأجهزة فيها لبمات كتير .. تفضل تقيد وتطفي .. تقيد وتطفي ....ليه ماتعرفش؟

وطبعا زي مالرجالة قالوا

الرقاصات إلي في كل حتة في الفيلم
=======

حاجة بقا صعب تفوتها
مشهد البطل والبطلة وهما راكبين العربية
طبعا المشهد بيكون مليان بأخطاء غبية جداااااا
ليس أقلها ... ظلال الوش ع وش البطل والبطل إلي تحسس إن الشمس وسطهم
العربيات الي جاية وراهم تحس إنها هتنط عليهم
العربيات دايما بتمشي تتهز وترقص .. وتحس إن الدركسون دايما فيه بوش