الموضوع: هى الشاريد بتودع فى مصر ولا ايه؟

ابو عبد الله حبيبى

انا عارف مدى حبك وتعصبك لليابانى عموما وللدايهاتسو والتويوتا خاصة
وانت عارف طبعا عربيتى وازاى انا بقدرها

لكن اعجابنا ده مفروض مايخليناش نتعصب ونؤيد كل شىء منهم بدون رويه

انا مثلا برغو عشقى لعربيتى الا انى معترف بأن الآتزان بتاعها سىء على السرعات وفى الدورانات.. بس انا عشان سواقتى معتدله واهم شىء عندى هو ال Durability فالكورولا عندى احسن عربيه بالنسبه لتمنها.

الحق يقال ان شكل العربيه المعروضه دى غير عاطفى ابدا

المشاركة الأصلية كتبت بواسطة أبو عبدالله

يا عم متزعلشي نفسك عربيه زي الزفت وشكلها غبي جدا

غيرت رأيك فى العربية و لا ايه :lol: ، انت واخد الموضوع بعصبية شويتين مش عارف ليه، دية طلعت نزلت عربية بلية.

ويا جماعه قولنا قبل كده ان الناس اللي بتصمم العربيات دي هيا اللي بتفرض علينا ايه الحلو وايه الوحش لأنهم هما اللي بيعملوا الأشكال الجديده والعصري

ايه الكلام ده؟؟هل سمعت قبل كدة عن سيادة المستهلك؟؟ هى الناس طراطير، المصممين يهبلوا و الناس تشترى، مفيش حاجة اسمها فرض على المستهلك، اللى بيشترى هو اللى بيفرض على المصمم و ليس العكس.

على فكره العربيه في الحقيقه بتبقى غير الصور زي ما في ناس كانت قالت عن الماتيريا برضه نفس الكلام ولما شافوا العربيه في الشارع اكتشفوا ان الحقيقه غير الصوره ورجعوا وقالوا العربيه تحفه

اديك انت قلتها لوحدك، الماتيريا، العربية ذات التصميم الغير عاطفى بالمرة، هاتفق معاك انها هايلة و يابانى و فول اوبشنز و واسعة و سعرها حلو، ماشى يا عم ، طب و بعدين، هل ترى لها وجود يذكر فى الشارع، ولا الهوا، اخرها بنشوفها فى المعارض و نقول، واسعة. ده لأن محدش بيشترى حاجة مش عاجباه، و مش كل ما يتفتق لذهن المصمم بيكون قابل للتسويق، المستهلك هو ملك السوق :twisted:

السلام عليكم

أتفق مع الأستاذ amrnader فى إنه لا وجود للماتيرا فى شوارعنا المصرية إلا نادرا و دى حقيقة واضحة لجميع الناس و دا طبعا ليس عيب فى السيارة لكن عيب فى شكلها الغير مقبول لغالبية الشعب المصرى .

من المعروف أن الشكل له عامل هام جدا فى جذب المشترى للسيارة و الديل على ذلك سقوط العديد من السيارات و عدم إنتشارها رغم جودتها المعروفة ومثال على ذلك الكرولا العيون 99 و لانسر 2002 (التى سرعان ما تم تغيير شكلها بعد عامين فقط من نزولها) لم تنتشرا كثيرا على الرغم من علم الجميع من جودة و إمكانيات السيارتين .

أما النسبة للدايهاتسو ترافس فهى شكلها غير عاطفى كعادة موديلات دايهاتسو لكن أتوقع لها مبيعات جيدة (للسيدات فقط) فى حالة نزولها للأسواق بسعر لا يزيد عن 55.000 جم