هى الشاريد بتودع فى مصر ولا ايه؟

**AhmedElsayed** · 12-06-2007 02:15 PM

السلام عليكم
ملاحظ كام حاجة فى الوقت الأخير
الشاريد مش موجودة خالص
حتى فى التوكيل
انا عندى شاريد وأخو مراتى بقاله فترة بيدور عليها مش لاقى الا اتوماتيك
ما علينا
فى وقت المعرض دايهاتسو كانت عاملة اعلانات جامدة وواخدة صفحات فى الجرنال وحط صور الماتيرا والسيريون والتيريوس ولا توجد حتى صورة صغيرة للشاريد
والاعلانات كانت كتيرة ولا مرة افتكروا لاشاريد بكلمة

مع ان الشاريد فى الفترة الأخيرة لو حد متابع ابتدت تظهر جامد فى الشوارع طبعا نتيجة ازمة البيكانتو فهى استفادت منها وفعلا ناس كتير ظهرت
فهل معقول توكيل زى عبداللطيف الجميل فى وقت زى ده ميبقاش عنده عربيات؟ ومبيقاش مخطط

وفى نفس الوقت كنتم اتكلمتوا قبل كده على عربية تانية ظهرت فى دياهتسو وتقريبا نفس شكل الشاريد وهى الميرا الشكل الجديد
فهل يا ترى حد عنده معلومات على الموضوع ده
ياترى ممكن يكون استيراد الشاريد حيتوقف ويحل محله العربية التانية؟

او حد عنده تحليل للموضوع ده عامة؟

**NaderNabil** · 12-06-2007 06:28 PM

the new shape is approaching
nearly in august it will be launched in Egypt
that;s why it wasn't even in the automech show

3abd el latif want people keep asking about it till he launches it in the market to be a surprise
((marketing stuff))

**PAYOO** · 12-06-2007 06:35 PM

هاقول لحضرتك حاجة يا أستاذ أحمد
بس الأول خليني أرحب بيك وقولك وحشتنا بجد

شوف يا سيدي فعلا التوكيل خلص كل العربيات الشاريد إللي كان مخطط أنه يبعها في مصر وكمان بدأ يجيب دفعات تانيه من غير إللي كانت في الخطة بتاعته
والعجز المفاجيء ده حصل لان الأقبال على العربية كان جامد جدا جدا وفاق تصور الوكيل

وهو حاليا في أنتظار نزول الأشكل الجديد إللي حضرتك قولت عليه غللي هيه الـ"ميرا" وهاتنزل هنا في مصر بأسم "شاريد"

ويارايت ماتغبش عننا كتير كده يا ريس وياريت تنقل لنا تجربتك مع الشاريد إللي ربنا يبارك لك فيها

**AhmedElsayed** · 12-06-2007 06:47 PM

الله يخليك يا استاذ بايو
والله انا متابعكم دايما بس الشغل والامتحانات مبتدنيش فرصة اكتب كتير وكان نفسي اخر مقابلة اجى بس كان عندى امتحان تانى يوم
بس ان شاء الله اكيد فى يوم اجى واتعرف على الناس الحلوة دى واولهم حضرتك طبعا
اما بالنسبة للشاريد فانا نفسى اجى كمان المقابلة علشان تجروبوها ويبقى رأى من ناس محترفين فى قدرتها وثباتها وخلافه لانى مش ذو خبرة فى العربيات
لكن غير كده الحمد لله العربية مريحانى
صغيرة من بره بس وسعها من جوه محدش بيصدقه الا لما يركب بنفسه ويشوف
انا 190 سم بس الحمد لله ببقى قاعد مستريح وورايا الناس قاعدة براحتها ودايما التعليق اللى بسمعه ان قعدتها مريحة رغم انها صغيرة
بسافر بيها اسكندرية رايح جاى وما شاء الله مبحسش باى مشاكل وببقى مشغل التكييف طول الوقت ومش حاسس انه مأثر على حاجة وهى كمان اتوماتيك

بس ده تقريبا اللى اقدر افيد بيه واى حد عايز يستفسر عن حاجة اهلا وسهلا بيه يبعتلى على الميل وانا افيده على قدر علمى
وان كان خلاص بقى لو الشكل الجديد نازل ممكن يبقى كلامى مش مفيد لحد اوى

بس سؤال يا ترى تأثير الشكل الجديد على القديم اد ايه
يعنى السعر حينزل جامد؟ ولا هما حينزلوه بسعر اعلى من سعر القديم وان كنت معتقدش والا مش حيعرف ينافس البيكانتو والشيفروليه سبارك وكمان اى زيادة حتبقى مقربة سعر العربية اوى من الفيرنا والدايو

حد عنده فكرة
شكرا لكم

**أبو عبدالله** · 13-06-2007 01:44 AM

انا على فكره لسه كنت بتكلم مع المسؤول اللي في معرض اوتوماك وانا عارفه أصلا من التوكيل وسألته ايه الجديد ولا مفيش جديد قالي لازم يكون في جديد ............. وقالي انهم خلصوا الشاريد خلاص ولسه مش عارفين هينزلوا الجديده بتاعتها ولا ينزلوا الترافيس ودي عربيه تحفه ..........

وشوفوا هي أهه

[youtube]http://www.youtube.com/watch?v=ceq9m0w0pDc[/youtube]

**amrnader** · 13-06-2007 02:05 AM

المشاركة الأصلية كتبت بواسطة أبو عبدالله

انا على فكره لسه كنت بتكلم مع المسؤول اللي في معرض اوتوماك وانا عارفه أصلا من التوكيل وسألته ايه الجديد ولا مفيش جديد قالي لازم يكون في جديد ............. وقالي انهم خلصوا الشاريد خلاص ولسه مش عارفين هينزلوا الجديده بتاعتها ولا ينزلوا الترافيس ودي عربيه تحفه ..........

وشوفوا هي أهه

يا راجل تحفة ايه بس، العربية شكلها كأنها زاستافا معدلة، بص و احكم :D

**أبو عبدالله** · 13-06-2007 02:43 AM

يا عم متزعلشي نفسك عربيه زي الزفت وشكلها غبي جدا

انت مزعل نفسك ليه

عاوز أقول لحضرتك يعني ان الموضوع أزواق

ومش معنى ان العربيه فيها شبه من عربيه قديمه ومش عجباك يبقى خلاص العربيه بقه شكلها وحش

يعني الناس اللي صممت الشكل ده متهيألي هيا عارفه هيا بتعمل ايه
ويا جماعه قولنا قبل كده ان الناس اللي بتصمم العربيات دي هيا اللي بتفرض علينا ايه الحلو وايه الوحش لأنهم هما اللي بيعملوا الأشكال الجديده والعصريه

**Dr Ahmed** · 13-06-2007 02:55 AM

لا يا أخى الحلو حلو والوحش وحش .. ومحدش يقدر يفرض علينا نشترى الوحش ولا نحبه ولا نعجب بيه..يعملوا ويصمموا اللى هم عايزبنه واحنا لينا رأينا وحكمنا ..

والعربية الترافيس لا أتوقع دخولها مصر وأتوقع استثمار الوكيل لنجاح شاريد بدلا من المغامرة بسيارة جديدة صغيرة ولن تكون رخيصة.

**محمدايهاب** · 13-06-2007 03:03 AM

بسم الله
الشاريد نازلة مصر ب 8 ألوان
المحرك 3 سلندر 12صباب كامة مزدوجة
55 حصان عند RPM 5 حقن الوقود إلكتروني
1000 سي سي ( 989 سي سي بالطبط )
معدل استهلاك البنزين 4.6 مانول 5.1 أوتومتك
سعة الصندوق 160 لتر
و كل المعلومات دي من كاتاوج العربية و أنا عارف واحد بيشكر فيها جدا ( طبعا بالنسبة للسعر)

**hazem_khidr** · 13-06-2007 03:38 AM

يعني الناس اللي صممت الشكل ده متهيألي هيا عارفه هيا بتعمل ايه
ويا جماعه قولنا قبل كده ان الناس اللي بتصمم العربيات دي هيا اللي بتفرض علينا ايه الحلو وايه الوحش لأنهم هما اللي بيعملوا الأشكال الجديده والعصريه

يا اخ ابو عبد الله الناس اللي بتصمم دي دلوقتي بقو بيصممو علي حسب اهواء الزبون و متطلعاته مش ناس عايشه معزوله و بيصمموا مع نفسهم و الناس تركب من غير اعتراض لاء دول بيعملو تصميم و بيعرضوه في معارض دوليه زي معرض ديترويت و جنيف و يوفو رد فعل الناس ايه علي التصميم دا و لو حسو انه عجب الناس بيبدأو ينفزوه و ابسط مثال علي كده البي تي كروزر لما اتعرضت عام 99 في معرض جنيف و كانت ساعتها ثوره بحيث انها كانت بترجع لتصميمات الخمسينات اللي كانو بيسموها (حد السكين) و الناس اقبلو عليها بداو ينزلوها عام 2001 ببعض التغيير في الشكل .
ف عمر ما المصمم يفرض حاجه علي الزبون و بعدين هيا فعلا شبه الزاستافا و دا انسان بيقول رايه لا ذم في العربيه ولا شكر فيها هو قال العربيه دي شبه العربيه دي م غلطش يعني

الموضوع: هى الشاريد بتودع فى مصر ولا ايه؟

LinkBack

أدوات الموضوع

عرض

Re: هى الشاريد بتودع فى مصر ولا ايه؟ -

-

-

-

المواضيع المتشابهه

تابلوه الشاريد

بطاريه الالنترا بتودع

الموبينه بتودع اوبل فيكترا a

اسطوانة الجراند تقريبا بتودع

تابلوه الشاريد

الكلمات الدلالية لهذا الموضوع

المفضلات

المفضلات

ضوابط المشاركة