الموضوع: سؤال فى التسوق عبر الانترنت

المشاركة الأصلية كتبت بواسطة airprince

لو هتشتري من امريكا و عندك امكانية اختيار شركة الشحن> اختار USPS Unites States Postal Service
ودة عشان لما تيجي مصر هتتعامل مع البريد المصري-- الفرق بيكون في مصاريف التخليص الجمركي و دي حاجة غير الجمرك نفسه
يعني في البريد بتكون ٥ جنيه و كلام فاضي
لكن DHL , FEDEX و الشركات الخاصة مصاريف التخليص بتبدآ من ١٥٠ جنيه
لو شاكك اتصل بفرع الشركة في مصر قبل ما تشتري و تشحن
الرسوم في مصر عبارة عن جمرك + ضريبة مبيعات
الجمرك من ١٠ لغايت ٣٠ في المية من السعر الاصلي عالفاتورة و ضريبة المبيعات من ١٠ ل ٢٥ في المية
السادة الافاضل بتوع الجمارك في مطار القاهرة بيطخوا اي كلام
ساعات الطخة تيجي في العالي و ساعات في الواطي
و على مسؤوليتي،، بتوع الجمرك يعرفوش ايه اللي في البوكس في اوقات كتير و بيرزع اي جمرك و السلام
يعني مرة جبت بيرفيوم ٥ قزايز دفعت ٨٠ جنيه جمرك، مرة ٣ قزايز دفعت ٦٠٠ جنيه
الحل الاحسن انك لو تقدر تخلي الل بايعلك او باعتلك يقلل السعر في الفاتورة المرفقة في الطرد
عشان الجمارك الاغبياء مرة اشتريت حاجات عليها خصم و مكتوب في الفاتورة السعر الاصلي و الخصم .. دفعوني الجمرك على السعر قبل الخصم..
و عموما متشتريش من EBAY لو انت مش فاهم بتعمل ايه بالضبط.. عشان هيتنصب عليك و انت مش واخد بالك
لو عرفت تحل موضوع paypal خلي بالك من وصف المنتج كويس جدا اقرا مرة و اتنين
اي استفسار انا تحت امركم ebay, amazon او اي موقع تاني
و لو حد لسة قلقان و محتاج يشتري اونلاين اول مرة انا ممكن اقابله في الاسكندرية و نقعد سوا و نعمل الاوردر
و شكرا للجميع

بيتهيألى ان امازون مش بيتعامل مع مصر مباشرة
لكن فى مواقع تانية بتبعت بال ems اللى هو البريد السريع
زى
aliexpress & dhgate

امازون عبارة عن ناس منفصلة كل واحد بيشحن من مكانه زي ماهو عايز، لكن بالنسبة ليهم و ليك usps اسعاره هي الاقل من امريكا، ممكن تراسل البايع قبل ما تشتري و تسآله عن تكلفة الشحن و اسم الشركة