سؤال محيرني.ازاي ممكن حد يجيله قلب يدفع150الف في عربيه كوري!!!!!!!!!!!

**tutankhamoun** · 23-11-2011 03:20 PM

المشاركة الأصلية كتبت بواسطة formulator

لا لا لأ, انت كده اتزنقت وبتحاول تفرك..!!

لا و الله مش بهرب و لا حاجة ... أنا معاك يا باشا
طبعا مش بسخر منك -لا سمح الله- أنا فعلا استفزنى جدا الجملة بتاع:
"و لو بصينا لشركة زي فيات اللي عربيات كتير من عربيات هيونداي تضرب عربياتها بالجزمة"
اللى هى مش صحيحة..!!

المفروض انك عارف ان دا مش أسلوبى, ولو هسخر من حد (لو), مش هيبقى واحد زى حضرتك يعنى يا أستاذ tutankhamoun

يا سيدي كتر خيرك و شكرا على الرد و تصحيح فهمي لرأيك .... بس بجد أسلوبك لاذع شوية .... بس أحنا أخوات خصوصا أنك وضحت اللي أنا فهمته غلط

هارد بعد شوية ........ مش هاقدر اكمل المشاركة دي حالا ....
راجع يا باشا

**tutankhamoun** · 24-11-2011 03:51 AM

المشاركة الأصلية كتبت بواسطة tutankhamoun

يا سيدي كتر خيرك و شكرا على الرد و تصحيح فهمي لرأيك .... بس بجد أسلوبك لاذع شوية .... بس أحنا أخوات خصوصا أنك وضحت اللي أنا فهمته غلط

هارد بعد شوية ........ مش هاقدر اكمل المشاركة دي حالا ....
راجع يا باشا

أولا و قبل كل شئ لازم تعرف ........ أني من أكبر عشاق فيات على المنتدى و في مصر و في العالم كمان .
بس مش معنى كدا أني مش بحب غير فيات .... النظرة دي أتغيرت كتير لأسباب فنية للعربيات نفسها و لأسباب سياسية.

خلينا نرجع للموضوع الأصلي بتاعنا
أنت عملت مشاركة طويلة عن انجازات فيات في كافة المجالات (أنا ممكن أعمل كدا عن هيونداي على فكرة )
هيونداي بنتتج تقريبا كل حاجة زي فيات بالظبط ما عدا حاجتين
هما أقل من فيات في الأختراعات و الأبحاث الخاصة بالمواتير التوربو و الفتيس .
و لكن في الصناعة نفسها ........ يكادوا يكونوا متساويين أو متفوقين كمان و بلاش متفوقين خليها متساويين او أقل شوية علشان جماهير الأوروبي ما تزعلش .

عربيات فيات الصغير و الهاتش باك هما أساتذة ..... و بروفيسورات كمان .
و لكن العربيات السيدان بتوسع منهم (لبس الجاكت النبطلون ضرب )
البونتو و الجراند بونتو و الأيفو ............... حاجة و لا روعة و لا أحسن من كدا

و لكن ننزل بقى للسيدان
هاتلي عربية سيدان عدلة عملت مبيعات حلوة في مصر من أنتاج فيات في آخر 15 سنة ؟؟؟

سيينا (المشهورة بالسخونة و ضعف التكييف ) و التمبرا و التيبو (الهاتش بتاع التمبرا ) و ا لبترا يمكن تكون أحسنهم
بس في الآخر .......... عربيات هيونداي السيدان أفضل منهم
عربيات فيات الهاتش ...... تأكل هيونداي و لكن في أي 30 ............ حاجة روعة و موتور قوي و ثبات و اتزان عاليين على الطريق بعكس بقية عربيات هيونداي الناعمة زيادة عن اللزوم و ثباتها قليل .

إنما هيونداي ........ لم تصل لخامس أكبر شركة على العالم من فراغ

آه كمان
شوفت عربيات هيونداي و كيا ........... 4x4 .............. سبورتاج و حاجات كدا مش فاكر أسمها بصراحة دلوقتي بس أصلي بكتب و أنا مستعجل (آسف بجد )

بالنسبة بقى لمشاركتك و الصور بتاعة بقية المنتجات الخاصة بفيات
أنا ممكن أجيبلك معلومات و صور عن انتاج هيونداي من المعدات الثقيلة و الجرارات الزراعية و الأدوات الزراعية و سيارات النقل الثقيل و المتوسط و المصاعد الخاصة بالعمارات ........... الخ .... و نضيف عليهم الألكترونيات
بس علشان الموضوع خاص بالعربيات بس
أنا هاكتفي بالتحدث عن العربيات فقط لا غير .

بأختصار شديد
فيات فيها عيوب (تكييف ضعيف في أغلب الموديلات - مواتير حساسة للحرارة - بتنزل مصر بمواتير ضعيفة )
مميزات ( ثبات عالي في كافة الموديلات تقريبا )

هيونداي فيها عيوب (نعومة زيادة عن اللزوم في أغلب الموديلات مما يؤثر على الثبات و المناورة )
و المميزات (تكييف قوي - عمر موتور طويل - كماليات دائما بتكون أكتر من فيات - )

المهم ان الموضوع مكنش عن هيونداي و فيات علشان برضه ما نبوظش الموضوع و نخرج عن مساره
و فيه شركات سيتروين برضه شركة عريقة في الأبحاث و لكن عربياتها برضه مش بتقدر تنافس عربيات هيونداي أو كيا .
لازم نعترف بالتطور الرهيب اللي وصلتله دول شرق آسيا خصوصا كوريا الجنوبية و بالتحديد شركة هيونداي و كيا للصناعات الثقيلة و صناعة السيارات.

من ناحية الأسعار مرة آخرى

إذا كانت تويوتا بتبيع عربية ب 150 ألف و فيه البديل الياباني بتاعها ب 100 ألف أو 120 أﻷف (الصني و الالنسر )
و مين يقول أن الياريس تتباع أغلى من الصني ؟؟؟؟؟؟؟؟؟؟؟؟

أشمعنى الناس بتحجر على واحد راحج أشترى عربيى كوري ب 150 ألف لمجرد أنها كوري
و محدش قال كلمة على الياريس و سعرها المبالغ فيه جدا و الكورولا و سعرها المبالغ فيه

**Formulator** · 24-11-2011 11:03 AM

المشاركة الأصلية كتبت بواسطة SonaSteel

بصرف النظر عن الموضوع
بس المشاركة ديه كنت بتمنتع اووووووي وانا بقراها ومعلومات تحفة بجد
حتي خليت واحد صاحبي يعرفها
ياريت لو حضرتك عندك معلومات زي ديه تاني ... تبقي اعملها في مواضيع حتي في المنتدي العام.
مشكووووووووور

المشاركة الأصلية كتبت بواسطة minicooper20

مستمتع جدااااااااااااااااااااااا ااااااااااااا
انتا استاذ

العفو يا باشمهندس حسين, والأستاذ minicooper20
أنا كنت ببين للأستاذ tutankhamoun الفرق بين شركة بقالها 120 سنة بتعمل عربيات (زى أى شركة Euro), وبين شركة لسه متعلمة تعمل عربيات فـ السبعينات.. مش مبيعات, أنا بتكلم على تراكم الخبرات والتقنيات..؟؟!!!
ياجماعة انتو نسيتوا الهيونداى ponny ولا أيه؟؟!

المشاركة الأصلية كتبت بواسطة ashouhdy

والله يافورميلاتور انت عجيب
كل اللى انت جايبة شبة صور ومواضيع اعلانية ولما نجبلك عن الكورى تقول متفبرك
تحب اؤكدلك حاجة
العربية الفيات من العربيات الواقعة فى مصر
شوف السيينا والسيينا بلاس اللى بقالها 4 سنين بس و شوف التمبرا والتيبو و اللى شبة السيينا على كبير وشوف جمبها اى حاجة تانية شوف البونتو عامل اذاى شوف ركوبتهم عاملة اذاى ... متفعدش تجيب صور وتوهم نفسك بيها
اركب وحس بنفسك ... لحد النهاردة مشاكل معروفة عربية تسخن تكييف سئ مش اعتمادية اعطال كتير
معرفش بقى البرافو اية نظامها مع انى سئلت واحد سايقها قاللى عربية مش بتاعت مصر و بهدلة و حتتعب بسرعة

مش هقولك غير كلمة واحدة يا شهدى: Scooter = فسبا
أول حاجة عملتها كيا بـ موتور و عجل كانت فسبا (مش بايك) سنة 1957

المشاركة الأصلية كتبت بواسطة Nanona2011

وفيها ايه يعني كوري حضرتك بتشتري جنسية عربية وماركة ولا بتشتري امكانية وتيكنيك؟

أستااااااااااذ.. هو ده اللى بنتكلم فيه: المفروض انك بتشترى امكانيات وTech, اللى هما الهيونداى-كيا ضعيفة جدا فيهم.. أقل شركات العالم تكنولوجيا (بعد الصينى طبعا)..

المشاركة الأصلية كتبت بواسطة wshawky

ورجاء حار محدش يقوللى الفيرارى و المازيراتى مش ناقصين تعقيد و تحياتى للجميع ..

محدش عايز يعقدك يا باشا..

بس تفتكر هيونداى-كيا تقدر تعمل (أو تمتلك التكنولوجى) اللى تعمل بيها عربية V8 Super-Sport Coupe زى دول..؟؟!!!
بلاش دى, أنا معرفش عربية كورى (أيا كانت) بتوصل لسرعة 300 كم/س.. مش هقول تعديها

؟؟!!!
بلاااااااااااااش دى.. عشان محدش يقول دى Tech تانى وصناعة تانى وعربيات تانى..!!
حد يجيبلى تكنولوجى واااااااااحدة فـ التاريخ.. هيونداى-كيا-دايو.. هما اللى كان ليهم الريادة فيها أو حتى بدأوها بدرى (مش بعد الناس بـ15-20 سنة)؟؟!!!

Edit: حتى الفيررارى الـ458 أيطاليا (اللى ثمنها فـ مصر 4 مليون و890 ألف).. كان السخونية فـ حوض الموتور بتخلى اللصق يولع..!! مش موضوعنا..؟؟!

**Formulator** · 24-11-2011 12:00 PM

المشاركة الأصلية كتبت بواسطة tutankhamoun

بس مش معنى كدا أني مش بحب غير فيات

وأنا برضه مش كده: أنا بحب فيات وألفا وvw وأودى وBM وأوبل ورينو... وهوندا وسوبارو..

المشاركة الأصلية كتبت بواسطة tutankhamoun

خلينا نرجع للموضوع الأصلي بتاعنا
أنت عملت مشاركة طويلة عن انجازات فيات في كافة المجالات (أنا ممكن أعمل كدا عن هيونداي على فكرة )

مش هتلاقى تنوع تكنولوجى لهيونداى كده..

ولو لقيت جرارين ومكنة رى, وكراكة.. مش هتلاقى شركات innovative قاعدة تخترع فـ التكنولوجيا وتبيعها لخلق الله زى Teksid و Comau و Magneti Marelli و FPT ... أتحدااااااااااااك يا توت بيه..

ومش هتلاقى فرق راليات, و Formula 1 و سباقات GT... لسبب بسيط جدا: هيونداى شركة generic: بتقلد التكنولوجيا وبتبيعها بسعر أرخص..؟؟!!! مش بتصرف عليها فلوس فـ الـR&D
انت تقريبا مافهمتش مشاركتى: أنا بعد الجرارات والأتوبيسات.. قولتلك
"عايز تعرف بقى مصدر التكنولوجيا دى كلها منين.. خد يافندم:

" ورصيتلك الـ4 Subsidiaries دول..

المشاركة الأصلية كتبت بواسطة tutankhamoun

هيونداي بنتتج تقريبا كل حاجة زي فيات بالظبط ما عدا حاجتين
هما أقل من فيات في الأختراعات و الأبحاث الخاصة بالمواتير التوربو و الفتيس .
و لكن في الصناعة نفسها ........ يكادوا يكونوا متساويين أو متفوقين كمان و بلاش متفوقين خليها متساويين او أقل شوية علشان جماهير الأوروبي ما تزعلش

يا راجل حراااااااااااام عليك.. مواتير وفتيسات بس؟؟!!!

وكمااااااااان هيونداى أقل من فيات (أو أى european) صناعيا بـ "شوية" بس؟؟؟!!

خليك Fair يا توت..!!!

المشاركة الأصلية كتبت بواسطة tutankhamoun

عربيات فيات الصغير و الهاتش باك هما أساتذة ..... و بروفيسورات كمان .
و لكن العربيات السيدان بتوسع منهم (لبس الجاكت النبطلون ضرب )
البونتو و الجراند بونتو و الأيفو ............... حاجة و لا روعة و لا أحسن من كدا

و لكن ننزل بقى للسيدان
هاتلي عربية سيدان عدلة عملت مبيعات حلوة في مصر من أنتاج فيات في آخر 15 سنة ؟؟؟

+111
فيات (كـ Fiat brand بعيدا عن ألفا ولانسيا) مابيعملش غير عربيات صغيرة: B, C-Segment معظمها هاتشباك وكومباكت وحاجات كده...!!
معترف بكده, وماتكلمتش فيها.. من أحد اسباب شراء Chrysler انها تمد فيات بشاسيهات أكبر وأنظمة 4x4 لأنهم ببساطة: مالهمش فيها..

ياريتك انت كمان تعرف هيونداى ليها فـ أيه ومالهاش فـ أيه؟؟!!!

المشاركة الأصلية كتبت بواسطة tutankhamoun

إنما هيونداي ........ لم تصل لخامس أكبر شركة على العالم من فراغ

للمرة المليون:
حجم المبيعات لا يعكس جودة المنتج.. قاعدة صناعية معروفة, وأفتكر انت قولتها قبل كده..؟!!
تويوتا (اللى هى رقم 1) بتصنف تكنولوجيا على انها شركة متوسطة أو أقل..؟؟!!!

- فيات جروب (من غير كرايسلر) رقم 9 فى الـranking مبيعات على العالم
- فيات+كرايسلر مجتمعتين.. رقم 7 كـ مبيعات على العالم

هل معنى كده أن عربيات فيات أفضل من عربيات BM و Merc اللى الـranking بتاعهم 12 و15 وحاجات كده؟؟!!! أفتكر لأ

المشاركة الأصلية كتبت بواسطة tutankhamoun

أنا ممكن أجيبلك معلومات و صور عن انتاج هيونداي من المعدات الثقيلة و الجرارات الزراعية و الأدوات الزراعية و سيارات النقل الثقيل و المتوسط و المصاعد الخاصة بالعمارات ........... الخ .... و نضيف عليهم الألكترونيات

ما قولتلك يا باشا.. مش هتلاقى شركات فـ مجموعة هيونداى.. رائدة فـ مجالها..

ماتعمل اللى هى عايزاه.. (زى الصين), لكن.. مفيش التطوير والأبتكار وانها تبقى سابقة بعقود زى الشركات الأوروبية..!!
دى عندنا فـ الصناعة اسمها شركات Generic, تختلف كليا وجزئيا كـmentality واستثمارات فى الـR&D عن الشركات الـinnovative.. اللى لو حتى بتفلس: بتصرف عـ الأبحاث والتطوير

المشاركة الأصلية كتبت بواسطة tutankhamoun

المهم ان الموضوع مكنش عن هيونداي و فيات علشان برضه ما نبوظش الموضوع و نخرج عن مساره
و فيه شركات سيتروين برضه شركة عريقة في الأبحاث و لكن عربياتها برضه مش بتقدر تنافس عربيات هيونداي أو كيا .
لازم نعترف بالتطور الرهيب اللي وصلتله دول شرق آسيا خصوصا كوريا الجنوبية و بالتحديد شركة هيونداي و كيا للصناعات الثقيلة و صناعة السيارات.

ولا عمره هيكون عن فيات وهيونداى

.. الفيات عربيات أصلى, والهيونداى عربيات generic تقليد يعنى.. هههههههههههه

المشاركة الأصلية كتبت بواسطة tutankhamoun

و محدش قال كلمة على الياريس و سعرها المبالغ فيه جدا و الكورولا و سعرها المبالغ فيه

لا يا توت بيه..!
ناس كتيييييييييييير فـ المنتدى (حتى من اللى معاهم التويوتا) قالت أن الياريس (والكورولا) ماتسواش سعرها, وأنه مبالغ فيه جداااااااااا..؟؟!! لكن برضه الكورى مبالغ فيه أكثر..

سعدت بالخناقة معاك

بس الصراحة تعبت من الكتابة والرد, و دوشنا دماغ الناس

..؟؟!!! مش كفاية كده؟

**Ahmod** · 24-11-2011 03:01 PM

إذا كانت تويوتا بتبيع عربية ب 150 ألف و فيه البديل الياباني بتاعها ب 100 ألف أو 120 أﻷف (الصني و الالنسر )
و مين يقول أن الياريس تتباع أغلى من الصني ؟؟؟؟؟؟؟؟؟؟؟؟

مين هنا بيجيب في سيرة الياريس

اسمحلي يا باشا بس حضرتك لما تقارن الياريس بالصني يبقى بتقارن التقفيل المصري بالتقفيل الياباني

فرق كبير اوي مابين عربية اتصنعت واتقفلت واتجهزت في اليابان وجايالك على الشراء مباشرا ومابين عربية دخلت مصر قطع غيار واتجمعت هنا في مصر !

وبلاش موضوع التقفيل

لو هنتكلم على الاداء

هات صني وحط جمبها ياريس 1500 (بما انك بتتكلم على الفئة اللي ب 133 الف) وانا ابصملك بالعشرة واراهنك على اللى انت عايزه ان الياريس هتختفي من قدام الصني وتختفي بكل ماتعنيه الكلمة من معنى

الجودة والخامات المستخدمة الياريس افضل

استهلاك البنزين فرق كبير مافيش كلام

الراحة والنعومة الياريس افضل

العزل الياريس افضل بكتير

المطبات والشوارع الوعرة الياريس انسى انك تحك في اي مطب

التكييف برضوا فرق كبير مافيش كلام وده مش مجرد كلام لاني ركبت الصني وعارف قوة تكيفها صحيح كويس بس مش زي تكييف التويوتا

التقفيل ياباني ولا مصري ؟ ؟ هسيبك انت تختار

الشكل في النهاية اذواق ولو ان كتير بيشوفو ان تبلوه الصني فقير جدا وقديم وسعات بحسه من العصر الحجري ! صحيح ان تبلوه الياريس ووضعية العدادت مش عاجبة ناس كتير بس بالنسبة ليا افضل من الصني

والشكل الخارجي نفس الكلام الصني عربية كلاسيك زيادة عن اللزوم

المساحة الداخلية الافضلية للصني بس الياريس مساحتها الداخلية معقولة وماتعتبرش من العربية الصغيرة بعكس ان شكلها الخارجي يوحي بعكس كدة

الاعتمادية التويوتا طبعا تكسب

الثبات يمكن دي نقطة تتفوق فيها الصني بس مش بالفرق الكبير لان برضوا الصني مش العربية اللى ثابتها بيضرب بيه المثل فتقدر تقول الصني افضل بس مش بكتير !

قطع الغيار اعتقد الاتنين واحد والاسعار هتبقى متقاربة

سعر اعادة البيع التويوتا طبعا معروفة بتمسك سعرها بطريقة غير عادية ويكفي ان الياريس اللى الناس بتتكلم عليها دي عربية تمنها ارتفع 40 الف جنيه في اقل من 4 سنين ! ! انا جايبها سنة 2007 ب 89 الف دلوقتي عاملة 133 الف ! !

حضرتك بقى ازاي عايز الصني تبقى اغلى من الياريس ؟ واذا كان الياريس افضل منها في جميع النواحي ! ! وكفايا انك عمرك ماهتواجه اي عيوب تقفيل ولو فضلت العربية معاك 100 سنة ! وبكرر لحضرتك عربية صنع وتقفيل اليابان غير عربية تقفيل المحروسة ! ! !

أشمعنى الناس بتحجر على واحد راحج أشترى عربيى كوري ب 150 ألف لمجرد أنها كوري
و محدش قال كلمة على الياريس و سعرها المبالغ فيه جدا و الكورولا و سعرها المبالغ فيه

انا اقول لحضرتك ليه

هات كورولا او ياريس بعد عشر سنوات استخدام شاق وعداد كم كبييييييير

وهات النترا الشكل الجديد او اي عربية كوري بعد نفس الاستخدام وقارن بين حالة الكورلا والياريس وحالة الالنترا وانت هتعرف ليه الناس ماتكلمتش على ارتفاع سعر الكورولا واتكلمت على ارتفاع سعر الالنترا ! !