زيت موبايل 1 حقيقة ام اوهام ؟ ؟

**bakkarahmed** · 21-11-2011 04:27 AM

المشاركة الأصلية كتبت بواسطة ls1090

والله الواحد اتلخبط اخر لخبطة جيت اغير لفالفولين الناس قاليت بيعلى صوت العربية وعضو تانى قال اول الف حلو بعض كدا اتجنن !!! جيت اغير ل ليكوى مولى الناس فى الاول قالت مفيش بعد كدا و حاليا الناس بتشتكى منه
بتقول صوت المكنة شوية حلو وشوية صوته المكنة ذى بابور الحرت انا كنت عايز اجريه بس النوع الى رشحه الموقع مش موجود قولت الحمد الله كل تاخيرة وفيه خيرة اعمل
ايه انا كنت بستعمل الموبيل وارضى .,,؟؟؟؟؟؟

شكل الزيوت دي كلها اشتغاله..بس انا بفكر اغير الموبيل 1 بشيل الترا وهاستني شويه علي ليكوي مول لما الناس تجربه علشان ما يطلعش زي فيسكو

**حماده المصري** · 21-11-2011 07:05 AM

بلا منازع شل ال 5 الف افضل زيت فعلا

انا جربت كل انواع الزيوت تجربتي من شيل عن طريق التوكيل

كان بيتعامل مع موبيل الاول كنت بغير براحتي 5 او 10 ومكنش فاهم اوي

لما التوكيل قلب موبيل واتعامل مع شيل لقيت ان شيل افضل بكتير بقيت اني ايام موبيل مكنتش بغير زيت اساسا

وللعلم معظم زيوت ال 10 بتنزل على 8 محروقه انما زيوت 5 خصوصا شيل بتستحمل جامد

ده من خلال التجربه طبعا انما الارقام والمواصفات معرفش مين المفروض ان لزوجته تبقى افضل

**yoko** · 21-11-2011 07:29 AM

المشاركة الأصلية كتبت بواسطة bakkarahmed

انا كنت ناوي اغير موبيل1 بشيل الترا فهل حضرتك تنصحني بشيل والا الليكوي مول يستحق التجربه (بس هاضربله مشوار لاخر الدنيا!!)

والله الي أنا شايفه دلوقتي ليقوي بعد كده شل
لإن أخر مره الناس جابت شل إشتكت منه مع إنهم جيبينه من بنزينه شل مش من بتوع الزيوت

**Formulator** · 21-11-2011 10:21 AM

المشاركة الأصلية كتبت بواسطة Ahmod

بس انا فعلا واخد بالي ان اليومين دول استهلاك البنزين عندي ارتفع بطريقة غير عادية الى غير صوت الماتور العالي والعربية مكتومة مش زي الاول خاصا على السرعات العالية فوق ال 120
بس انا فسرت ده على اساس انه العمر الافتراضي للزيت انتهى وهو مش مطلوب منه اكتر من كدة

أعتقد أكيد زيت, خصوصا ان بقاله كتير زى مانت بتقول..؟!! زمن+مسافة.
وبرضه شيك على فلتر الهوا والبنزين وكده.. ماتخليش تفكيرك على طووووووول يروح للزيت بس.. فاهمنى؟؟!!!

طيب اللى فهمته من كلام حضرتك من الاخر يعني العربيات اللى ماتويرها عادية 1.3 , 1.6 اي زيت هيادي الغرض بدون مشاكل

برضه حسب ظروف وطريقة السواقة, dependent على حاجاااااااااات كتيييييير..!

وقصة الفروقات في الزيوت دي بتفرق في المواتير التربو والعصبية ؟
ولا برضوا ممكن يأثر معايا ؟ بمعنى ممكن السحب واستهلاك البنزين يتأثر عندي لو استخدمت مثلا كاسترول ايدج عن لو استخدمت موبيل ؟

بتفرق فى كل المواتير, بس بتبان أكثر فى المواتير العصبية, أو اللى بتجيب عزومها عند rpm قليل..!
طبعا السحب وقابلية الموتور انه يروح على rpm عالية بسهولة.. وكماااااااان استهلاك البنزين: كل ده بيتأثر بالزيت مباشرة..!!
عن تجربة: الموبيل بيزود الأستهلاك عن الشيل..!

وبرضوا معلش سؤال اخير الفروقات بتبان على المدى البعيد ؟ يعني اول مابتحط الزيت بيبقى جديد وكله واحد
بس المقارنة كلها في قابيلة الزيت على الحفاظ على لزوجته واداءه طول فترة استخدامه (ال 10 الاف كيلو على سبيل المثال) ؟

+1
مش عايز أقولك: الموبيل فى أول 1000 كم بيبقى احسن من الشيل و أنعم من أى زيت, وبيـExtract كل الباور بتاع الموتور.. رهيييييييييييب... بس شوية كده.. بخ

المشاركة الأصلية كتبت بواسطة ls1090

بس انا بستعمل موبيل 1 esp formula 5w-30
ممتاز

جميل الـ5w-30 ده فى الشتاء والبرد.. بس للأسف فى الصيف أو مع المواتير الـrevving والسواقة الحرق والشد: مش بيوفر أى حماية لأجزاء المحرك (ذات الأحتكاك العالى) فى الـrpm العالية..!!

المشاركة الأصلية كتبت بواسطة yoko

الأداء كان ليقوي مولي بعديه فالفولين بعديه كاسترول
الصوت ليقوي مولي برده بعديه فالفولين وكاسترول (الاتنين علوا صوت الموتور)

أنت كده يا Yokoهتخلينى لاااااااااااااااازم أجرب الـLiqui-Moly

المشاركة الأصلية كتبت بواسطة bakkarahmed

شكل الزيوت دي كلها اشتغاله..بس انا بفكر اغير الموبيل 1 بشيل الترا وهاستني شويه علي ليكوي مول لما الناس تجربه علشان ما يطلعش زي فيسكو

+111
هههههههههههههههههههههه.. فاكرين الفيسكو ده فـ الأول؟؟!!! هههههههههههه

المشاركة الأصلية كتبت بواسطة yoko

والله الي أنا شايفه دلوقتي ليقوي بعد كده شل
لإن أخر مره الناس جابت شل إشتكت منه مع إنهم جيبينه من بنزينه شل مش من بتوع الزيوت

ممكن فعلا يا Yoko, بس اللى أكيد ان الشيل اللى مش مضروب.. بيقعد فى مواتير الـT-JET مش أقل من 7500-8000 كم من غير ماتسمعله صوت, ولا الهوا..

**ls1090** · 21-11-2011 04:19 PM

المشاركة الأصلية كتبت بواسطة bakkarahmed

شكل الزيوت دي كلها اشتغاله..بس انا بفكر اغير الموبيل 1 بشيل الترا وهاستني شويه علي ليكوي مول لما الناس تجربه علشان ما يطلعش زي فيسكو

والله يا باشا شكل الزيوت الى فى السوق زيت ذرة او عباد شمس
والعلم عند لله

**Ahmod** · 22-11-2011 01:23 AM

المشاركة الأصلية كتبت بواسطة Axel

واضح ان حضرتك مخدتش بالك من اخر كلمة كتبتها اللي هي بهزر
ف موضوع منغيرش الزيت غير لو حسينا بحاجة
لكن طبعا بنمشي ع عدد الكيلو مترات المكتوبة و يفضل قبل ما تخلص الفترة يتم تغييره
امتي بقي لو حسينا بحاجة نغير لو مثلا الزيت 5000 لو قبل الــ5000 الزيت اتغير يعني لزوجة قلت بنغير

طب ايه هي الحجات اللى المفروض مثلا الواحد ياخد باله منها بحيث لو حس بيها يبقى كدة الزيت بيودع ؟

هل مثلا صوت الماتور والسحب واستهلاك البنزين ؟

المشاركة الأصلية كتبت بواسطة ls1090

والله يا باشا شكل الزيوت الى فى السوق زيت ذرة او عباد شمس
والعلم عند لله

هههههههههههه

شكلها كدة

-------------------------

انا لسه النهارده حاطط موبيل 1 العشر الاف

نزلت الزيت القديم بعد ماعملت بيه 11 الف كيلو طبعا نازل متفحم ومسود

الراجل بص كدة وقالي الزيت ده عمل اكتر من 10 الاف قلتله اه قالي ماتبقاش تستنى عليه اوي كدة

قلتله ربنا يكرم المرة الجاية

مش هقدر اتكلم عن الاداء او الفروق لاني يدوبك غيرت الزيت ورجعت البيت

عمل 303 بالفلتر و 260 بدون الفلتر ومعاها غسيل العربية مجانا هدية فوق البيعة

ونفضت بالمرة كمان معاها فلتر الهوا وشكلي هغيره قريب

بس ماحستش اختلاف في صوت الماتور ! !

هبقى ارجعلكم بالتقرير لو حسيت بإختلاف في الاداء او اي حاجة