تقرير عن تركيب لمض Orsam Night Breaker لصني 2010

**Dr'AhmZZong** · 21-11-2011 01:39 AM

المشاركة الأصلية كتبت بواسطة hugan

شكرا
يعني اسال الاول قبل الشراء

الله ينور عليييييييك ...

**Youssef.Awad** · 21-11-2011 01:48 AM

المشاركة الأصلية كتبت بواسطة hugan

سؤال لعضو من خارج نيسان
اللمض بتركب بدون كتاوت ولا لازم تركيب كتاوت

بكل بساطة لو الجديدة نفس وات اللى راكبة ستوك يعنى 55-60 وات يبقى عادى بدون كتاوت
لو قدرة كهربائية اعلى يبقى لازم كتاوت

**Dr'AhmZZong** · 21-11-2011 01:54 AM

المشاركة الأصلية كتبت بواسطة y2y1500

بكل بساطة لو الجديدة نفس وات اللى راكبة ستوك يعنى 55-60 وات يبقى عادى بدون كتاوت
لو قدرة كهربائية اعلى يبقى لازم كتاوت

**Youssef.Awad** · 21-11-2011 02:03 AM

اولا: مشكور يا دكتور احمد على موضوعك بس بصراحة لا اخفى عليك سرا ان محتوى الموضوع لا يدل على تفاصيل العنوان !!! لأنى كنت متصور انى هاشوف صور لللمبات وفارق الاضاءة قبل وبعد التركيب وطريقة الفك كمان لو امكن ولو حتى شكل العلبة وصناعتها وتفاصيل عن التركيب والتجربة زى ما هو باين من عنوان الموضوع

ثانيا: لا تعليق على مودرن ابو رواش اللى كلنا بنتمنى من كل قلبنا انها تنافس بقوة على المركز الاول فى كل مراكز خدمة نيسان مصر زى ما احمد بيقول وخد وعد بكده ويكون فعلا امر واقع ملموس ومحسوس مش كلام وخلاص واللى يهمنى بجد ان مستوى الخدمة يكون مع الكل سواسية لأنى باكره ادخل على اى حد واقول انا فلان ابن فلان من طرف فلان وهكذا ... يعنى اقصد ان المعاملة الكويسة لا تكون حكرا علينا هنا فى المنتدى ولا قسم نيسان فقط .. نفسى اى حد يروح مرة ما يحلفش 100 يمين ماهو داخل المكان ده تانى حتى لو مفيش غيره !!! ربنا يوفقهم على كل حال

ثالثا: اخيرا انا - واعوذ بالله من كلمة انا - شايف ان النقد البناء اهم وابقى من الذم فى شخص او مكان لأن المقصود ليس التشهير وفقط

رابعا: حكمى على اى مركز خدمة او حتى مكان او شخص هو 50% انضباط فى الوقت والمواعيد - 25% جودة فى العمل وامكانيات واجهزة وايدى عاملة ماهرة - 25% كلام ولباقة وحسن تصرف وبشاشة الوجه والاستقبال

**Dr'AhmZZong** · 21-11-2011 02:06 AM

المشاركة الأصلية كتبت بواسطة peaceman

الف الف مبروك يا احمد علي اللمض الجديدة و انا شايف انها اجمد بكتير من اللي متركبين في العربية .. مبروك مرة تانية

بس في حاجه عايز اقول لك عليها :

1- لازم تتابع المواضيع بتاعة القسم كويس جدا جدا لأنك لو كنت سألتنا انك هتركب حاجه في مودرن كنا هنقول لك استني شوية لأن في تصليحات و تجديدات في التوكيل و حاجت كتيرة هتأخر تسليم العربية و كمان انت رايح بدون سابق ميعاد و اكيد في عربيات بيتعملها صيانة و مش معقول انهم هيدخلوا عربيتك و يسيبوا العربيات التانيه عشان هتركب لمبتين .
حتي انت لو لاحظت ان اول سؤال هيتسأل ليك و انت داخل من بوابة التوكيل .. هل انت حاجز ولا لأ ؟
فمعلش حصل خير و بعد كده قبل ما تعمل حاجه .. قولنا عشان كمان احمد يظبط لك افضل خصم و افضل شغل لأن قسم نيسان له معاملة خاصة جوا التوكيل و خصوصا اللي معاه استيكر قسم نيسان نايل موتورز

2- زعلت منك لما انت خصصت كلامك عن شخص معين جوا التوكيل .. عارف لو كنت اتكلمت عن التوكيل كمركز كان مش هتبقي فيها مشكلة اد ما انت خصصت و اتكلمت عن شخص جوا التوكيل محدش يعرف ظروفه ايه اذا كان تعبان او مريض .. تعرف ان في ادوية مش بتخلي الانسان متوازن .. و انت دكتور و المفروض عارف ده .. الافضل بلاش نتكلم عن حد معين مهما حصل منه و كمان عشان قسم نيسان بقي قسم ارقي من كده بكتير اوي اننا نتكلم عن شخص بعينه

3- شوفت تعليقك الاصلي قبل ما المشرف يحذف الاخطاء اللي فيها و قولت مش معقول دا احمد اللي كاتب التعليقات ديه ابدا .. خلي بالك يا احمد ان المنتدي ده لكل الاعمار و كل المستويات و فيه اختي و اختك و جدي و جدك و ناس كتيرة .. فلو نخلي النقد يكون بناء اكيد هيبقي افضل كتير و هيخلي القسم راقي و ناس كتير هتدخل عشان تشوف تقارير قسم نيسان الجبارة.

4- حاجه بقي اخيرة نفسي لما تعمل تقرير يكون فيه كل التجربة و الصور و النور بالليل بكاميرا كده حلوة زيك

متشكر يا احمد علي التقرير و الف مبروك مرة تانيه علي اللمض الجميلة ديه و ان شاء الله هركبهم قريب بس لما تكمل تقريرك و اتمني ميكنش كلامي زعلك في حاجه لأن انا شايف انك من الاعضاء الناشطين جدا جدا في قسم نيسان و عارف انك اكيد عايز قسم نيسان يكون افضل قسم في المنتدي كله.

أنا في حاجة هو الموضوع كبر قوي كده ليه .. ده أنا حتى ماشتمتش .. أنا كان كلامي كله هزار في التقرير... عالعموم كلام حضرتك على راسي من فوق .. ومن عنية الاتنين هاعمل اللي أنتم عيزينه حاضر ..

وشكرا على مداخلة حضرتك ..

**Dr'AhmZZong** · 21-11-2011 02:11 AM

المشاركة الأصلية كتبت بواسطة y2y1500

اولا: مشكور يا دكتور احمد على موضوعك بس بصراحة لا اخفى عليك سرا ان محتوى الموضوع لا يدل على تفاصيل العنوان !!! لأنى كنت متصور انى هاشوف صور لللمبات وفارق الاضاءة قبل وبعد التركيب وطريقة الفك كمان لو امكن ولو حتى شكل العلبة وصناعتها وتفاصيل عن التركيب والتجربة زى ما هو باين من عنوان الموضوع

ثانيا: لا تعليق على مودرن ابو رواش اللى كلنا بنتمنى من كل قلبنا انها تنافس بقوة على المركز الاول فى كل مراكز خدمة نيسان مصر زى ما احمد بيقول وخد وعد بكده ويكون فعلا امر واقع ملموس ومحسوس مش كلام وخلاص واللى يهمنى بجد ان مستوى الخدمة يكون مع الكل سواسية لأنى باكره ادخل على اى حد واقول انا فلان ابن فلان من طرف فلان وهكذا ... يعنى اقصد ان المعاملة الكويسة لا تكون حكرا علينا هنا فى المنتدى ولا قسم نيسان فقط .. نفسى اى حد يروح مرة ما يحلفش 100 يمين ماهو داخل المكان ده تانى حتى لو مفيش غيره !!! ربنا يوفقهم على كل حال

ثالثا: اخيرا انا - واعوذ بالله من كلمة انا - شايف ان النقد البناء اهم وابقى من الذم فى شخص او مكان لأن المقصود ليس التشهير وفقط

رابعا: حكمى على اى مركز خدمة او حتى مكان او شخص هو 50% انضباط فى الوقت والمواعيد - 25% جودة فى العمل وامكانيات واجهزة وايدى عاملة ماهرة - 25% كلام ولباقة وحسن تصرف وبشاشة الوجه والاستقبال

ماهو حضرتك أنا ملحقتش اعمل أي تفاصيل لإن أنا كنت ماشي متضايق جدا جدا جدا من المركز .. ورميت العلبة واللمض القديمة مهتمتش بيها .. عموما أنا من عنيا .. هاحطلكم الصور والتفاصيل قريب إن شاء الله ....

وشكرا على مداخلة حضرتك ...

**Dr'AhmZZong** · 21-11-2011 02:08 PM

المشاركة الأصلية كتبت بواسطة mok3336

ايه اخبار اللمض معاك

لأ هي بصراحة لمض جامدة جدا ونورها ممتد 35 متر قدام .. وفيها سنة ابيض .. والسِنة ديه بتزيد لما تنور العالي .. بجد ما شاء الله عليها
.. وعوضت حرقة دمي الحمد لله .. اتمنى إن كل الصقور يركبوها

وشكرا ...

-

-

-

الموضوع: تقرير عن تركيب لمض Orsam Night Breaker لصني 2010

LinkBack

أدوات الموضوع

عرض

-

-

المواضيع المتشابهه

تقرير عن تركيب عازل حراري لصني 2010

Orsam Night Breaker Lamps :OOOO

Osram Night Breaker H4

Night Breaker

الكلمات الدلالية لهذا الموضوع

المفضلات

المفضلات

ضوابط المشاركة