تقرير عن تركيب لمض Orsam Night Breaker لصني 2010

**Dr'AhmZZong** · 20-11-2011 08:59 PM

ونرجع تاني لقصص مودرن موتورز معايا أنا بالذات ........

ما قبل التركيب ..

أنا بقى يا جماعة موتي وسمي إن حد يولع قدامي النور العالي وسلام لو كان زنون < اتشل ساعتها > .. < بعيد عنكم العصبية ديه شيء زبالة > .. المهم سمعت مرة من معتز اللي في مودرن موتورز الدقي إن عندهم لمض ايه حكاية بتعمي ونورها قوي جدا .. المهم تنشط .. وقلت بعدين بعدين .. جيت بقى لما ركبت عازل حراري < إن شاء الله هانزل تقرير ليه قريب > .. طبعا أنا ركبت العازل ورا وقدام وفي كلل شبر في الازاز .. طبعا العازل عامل زي الفاميه بيضالم الدنيا .. وطبعا أنا عمله قدام .. فـبليل النور مبيبقاش عجبني .. فـناويت ايه اركب اللمض ...

يوم التركيب بقى

كنت عند قريبي في أكتوبر .. فقلت أما اسيبهم واروح ابورواش عند مودرن .. اللمض مش هتاخد وقت وهامشي على طول .. المهم رحت .. وقابلت إنسان اسمه سامح .. ده مسئول اكسسوارات هناك .. .................................................. .........

قلتله ايه أنا عايز اللمض .. قالي أوكيه .. ربع ساعة وهتخلص .. خده بالكم من ربع ساعة ديه ماشي ..........
الربع ساعة عدت .. ودخلت في نص .. ودخلت في ساعة .. وبعد كده ساعة ونص .. وانا ايه شيفه قدامي كل ده .. وبعد كده قلتله فين الزفتة .. قال لي أوباااااااااااا.. ده أنا نسيتها جوه معلش .. طبعا بقى كنت هطق .. قلت بقى اعلي صوتي ولا لأ .. قلت ايه أعديها..

وجت المحروسة

أنا بقى شايف العربية من بعيد .. واللي سايقها شكله غشيم ومبيعرفش غير يجري بس .. طبعا أنا شايف العربية بتتعامل معملة زفت منه .. رحت مديله الطريحة بقى .. رحت رايح جنبه بقى وقلتله لو عربيتك هتعمل فيها كده .. راح ساكت .. قلتله ماترد .. قال لي يافندم أنا معملتش حاجة .. قلتله هي هتيجي عليك ماكله زفت وكنت على اخري بصراحة ..

الاستلام .......

تصدقوا وتؤمنوا بالله .. أنا اللي رحت قولت لسامح ده .. العربية جت .. طبعا ولا هو هنا .. وكمان كان معاه عميل بيديله على عينه عشان اهماله طبعا أنا فرحت فيه جدا .. وقلتله حسابك كاااااام قال لي 225 جنيه .. طبعا من جواية بأقول حار ونااااااااار في مودرن واللهِ .. دفعت بقى ,, طبعا ده كله داخل في ساعتين ماشي .. قلتله فين الفاتورة قال لي معلش السيستم واقع قلتله اييييييييييييه .. قال لي معلش نص ساعة كمان .. رحت راميله الفلوس عالمكتب .. وخدت منه مفتاح العربية .. و مشيت .. ولا خت فاتورة ولا نيلة ......

ومن ساعتها وانا حرمت اعتب هناك ..

أنا بقى عايز حد يقولي احسن مركز اكسسوارات مودرن ابورواش وانا اقوله روح وقلبي معاك .. لو عايزين فعلا روحوا مودرن الدقي ....

احب تكون تجربتي عجبتكم ..
تحياتي لاحبائي .....

---------
تنبيه بمراعاة اداب الحوار
لتليق بالمنتدى واعضائه لنصل الى هدف المنتدى
وهو النقد البناء

مشرف القسم
1ب

**EhabVet** · 20-11-2011 09:13 PM

أولا ربنا يباركلك في العربية "الصني والتيدا طبعا"
ثانيا ونصيحة من أخوك وأوعى تزعل مني .. ياريت ماتذكرش أسماء لما تكون ناوي تخش شمال في حد .. مش عشان حاجة .. بس عشان إنت كده بتحوله رصيد حسنات من عندك من غير ما تاخد بالك
يارب تقبلها مني

**Dr'AhmZZong** · 20-11-2011 09:16 PM

المشاركة الأصلية كتبت بواسطة ehabvet

أولا ربنا يباركلك في العربية "الصني والتيدا طبعا"
ثانيا ونصيحة من أخوك وأوعى تزعل مني .. ياريت ماتذكرش أسماء لما تكون ناوي تخش شمال في حد .. مش عشان حاجة .. بس عشان إنت كده بتحوله رصيد حسنات من عندك من غير ما تاخد بالك
يارب تقبلها مني

متقبلها طبعا وانا قافل بقي ... هههههههههه
ونوارت التقرير يا دكتور .. آه صحيح مقلتليش رأيك ...

**Dr'AhmZZong** · 20-11-2011 09:17 PM

المشاركة الأصلية كتبت بواسطة zangry

هههههههههههههههههه هزقه والله ده راجل بيستهبل احنا ناقصين

مبروك ياباشا على اللمض والعازل

الله يبارك فيك عقبالك ..........

**Sehsss** · 20-11-2011 09:27 PM

المشاركة الأصلية كتبت بواسطة ahmazong

ونرجع تاني لقصص مودرن موتورز معايا أنا بالذات ........

ما قبل التركيب ..

أنا بقى يا جماعة موتي وسمي إن حد يولع قدامي النور العالي وسلام لو كان زنون < اتشل ساعتها > .. < بعيد عنكم العصبية ديه شيء زبالة > .. المهم سمعت مرة من معتز اللي في مودرن موتورز الدقي إن عندهم لمض ايه حكاية بتعمي ونورها قوي جدا .. المهم تنشط .. وقلت بعدين بعدين .. جيت بقى لما ركبت عازل حراري < إن شاء الله هانزل تقرير ليه قريب > .. طبعا أنا ركبت العازل ورا وقدام وفي كلل شبر في الازاز .. طبعا العازل عامل زي الفاميه بيضالم الدنيا .. وطبعا أنا عمله قدام .. فـبليل النور مبيبقاش عجبني .. فـناويت ايه اركب اللمض ...

يوم التركيب بقى

كنت عند قريبي في أكتوبر .. فقلت أما اسيبهم واروح ابورواش عند مودرن .. اللمض مش هتاخد وقت وهامشي على طول .. المهم رحت .. وقابلت إنسان اسمه سامح .. ده مسئول اكسسوارات هناك .. .................................................. .........

قلتله ايه أنا عايز اللمض .. قالي أوكيه .. ربع ساعة وهتخلص .. خده بالكم من ربع ساعة ديه ماشي ..........
الربع ساعة عدت .. ودخلت في نص .. ودخلت في ساعة .. وبعد كده ساعة ونص .. وانا ايه شيفه قدامي كل ده .. وبعد كده قلتله فين الزفتة .. قال لي أوباااااااااااا.. ده أنا نسيتها جوه معلش .. طبعا بقى كنت هطق .. قلت بقى اعلي صوتي ولا لأ .. قلت ايه أعديها..

وجت المحروسة

أنا بقى شايف العربية من بعيد .. واللي سايقها شكله غشيم ومبيعرفش غير يجري بس .. طبعا أنا شايف العربية بتتعامل معملة زفت منه .. رحت مديله الطريحة بقى .. رحت رايح جنبه بقى وقلتله لو عربيتك هتعمل فيها كده .. راح ساكت .. قلتله ماترد .. قال لي يافندم أنا معملتش حاجة .. قلتله هي هتيجي عليك ماكله زفت وكنت على اخري بصراحة ..

الاستلام .......

تصدقوا وتؤمنوا بالله .. أنا اللي رحت قولت لسامح ده .. العربية جت .. طبعا ولا هو هنا .. وكمان كان معاه عميل بيديله على عينه عشان اهماله طبعا أنا فرحت فيه جدا .. وقلتله حسابك كاااااام قال لي 225 جنيه .. طبعا من جواية بأقول حار ونااااااااار في مودرن واللهِ .. دفعت بقى ,, طبعا ده كله داخل في ساعتين ماشي .. قلتله فين الفاتورة قال لي معلش السيستم واقع قلتله اييييييييييييه .. قال لي معلش نص ساعة كمان .. رحت راميله الفلوس عالمكتب .. وخدت منه مفتاح العربية .. و مشيت .. ولا خت فاتورة ولا نيلة ......

ومن ساعتها وانا حرمت اعتب هناك ..

أنا بقى عايز حد يقولي احسن مركز اكسسوارات مودرن ابورواش وانا اقوله روح وقلبي معاك .. لو عايزين فعلا روحوا مودرن الدقي ....

احب تكون تجربتي عجبتكم ..
تحياتي لاحبائي .....

---------
تنبيه بمراعاة اداب الحوار
لتليق بالمنتدى واعضائه لنصل الى هدف المنتدى
وهو النقد البناء

مشرف القسم
1ب

أولا.. مبروك على اللمض، ثانيا سامح ده أنا عارفه كويس جدا لأني مركب إنذار عندهم وكان فيه مشكلة وأحمد مصطفى منسق القسم كلمهم وحلوهالي الحمد لله، حتى بالأمارة هو طويل ورفيع وشعره خفيف مصفر شوية ...........
ثالثا، ما كنتش عاوز أصدمك بس يالله معلش هههههه، أنا اللمض دي شفتها في التوكيل واسمها أوسرام نايت بريكر بلس وروحت محل المدينة في شارع دمش وجبتهم بـ 125 جنيه والكهربائي أخد 10 جنيه تركيب يعني فرق 85 عن التوكيل وكنت عامل عنهم موضوع، ومعلش ما يقعش الا الشاطر

---------
تنبيه مراعاة اداب الحوار
مشرف القسم
1ب

**Dr'AhmZZong** · 20-11-2011 09:32 PM

المشاركة الأصلية كتبت بواسطة sehsss

أولا.. مبروك على اللمض، ثانيا سامح ده أنا عارفه كويس جدا لأني مركب إنذار عندهم وكان فيه مشكلة وأحمد مصطفى منسق القسم كلمهم وحلوهالي الحمد لله، حتى بالأمارة هو طويل ورفيع وشعره خفيف مصفر شوية وفي الضياع زي ما قولت، ثالثا، ما كنتش عاوز أصدمك بس يالله معلش هههههه، أنا اللمض دي شفتها في التوكيل واسمها أوسرام نايت بريكر بلس وروحت محل المدينة في شارع دمش وجبتهم بـ 125 جنيه والكهربائي أخد 10 جنيه تركيب يعني فرق 85 عن التوكيل وكنت عامل عنهم موضوع، ومعلش ما يقعش الا الشاطر

الله يبارك فيك يا باشا ..
أيوه هو ده سامييييييييح ..
ماهو أنا كنت فاكر إن أي حاجة تخص الكهرباء .. لازم التوكيل .. وكمان أنا شفت ناس مجابوش الأصلي فخفت يضحك عالية بصراحة .. وكمان عشان اوفر وقت ومجهود .. بس الحمد لله على كلل شيء .. لازم تقلب عليَّ المواجع يعني ههههههههههههه

**EhabVet** · 20-11-2011 09:35 PM

المشاركة الأصلية كتبت بواسطة ahmazong

متقبلها طبعا وانا قافل بقي ... هههههههههه
ونوارت التقرير يا دكتور .. آه صحيح مقلتليش رأيك ...

الحمد لله .. بجد فرحتني .. مش عشان قبلت النصيحة .. لأ عشان قافل بقك .. لأن في دبان كتير اليومين دول والواحد بيخاف يفتح بقه يلاقي دبانة مسطولة دخلت تركن جوه ولا حاجة هههههههه

ومبروك عالزينون .. وأنا نفسي أركبه عندي .. بس عايز أركب عدسات الصراحة زي حبيبي الشناوي كده

**Dr'AhmZZong** · 20-11-2011 09:42 PM

المشاركة الأصلية كتبت بواسطة ehabvet

الحمد لله .. بجد فرحتني .. مش عشان قبلت النصيحة .. لأ عشان قافل بقك .. لأن في دبان كتير اليومين دول والواحد بيخاف يفتح بقه يلاقي دبانة مسطولة دخلت تركن جوه ولا حاجة هههههههه

ومبروك عالزينون .. وأنا نفسي أركبه عندي .. بس عايز أركب عدسات الصراحة زي حبيبي الشناوي كده

دبان هههههههههههههههه .. أنا مركبتش زنون .. أنا ركبت لمض بس قوية شوية