انا اقدر اتريئ كفايه القبقاب بتاعي :wheelchair:
عرض للطباعة
مره رحت عزا ابو واحد صاحبنا ... وصاحبنا ده فقرى جداً وماعندوش حدود...ابن اللذين كل واحد داخل يعزية يسلم عليه هو ويقولله عقبال والدك ....... طبعاً احنا عارفينة والموقف محرج جدا فكل واحد داخل حاطط ايده على بقة وهات يا ضحك .. ودخلنا العزا لقيناهم كلهم ميتين من الضحك
انا مرة كنت في شركة ليه معاهم شغل وباروح عندهم باستمرار ... وكنا بنصلي الظهر جماعة في الشركة .... الموظفين كلهم والمديرين ورئيس مجلس الادارة ... كلنا .... وانا الأمام ... وانا في الركعة الاولي ... افتكرت اني نسيت اتوضأ
.... والشيطان بقي قعد يزن عليه .... ويوسوسلي اني اكمل وبلاش احراج ... لكن قولت لنفسي هو انا ح اشيل ذنب الناس دي كلها .....لأ يا عم الإحراج ارحم من الذنوب دي كلها
سلمت وخرجت من الصلاه وقولتلهم .. يا جماعة انا نسيت اتوضأ .....
لكن كنت في نص هدومي
طيب اسمع بئه
مره كنت نازله متاخره على الكليه
واقفه فى الشارع بدعى ربنا يعدى تاكسى بعد وقفه طويله لقيت تاكســى ((او تخيلت ))
وفيه واحد راكب جمب السواق قلت مش مشكله مضطره لانى متاخره
شاورت له وقف هــــــــــــــــــب رحت فاتحه الباب اللى وراء وركبــــــت قلت له الجامعـــــه لو سمحت الراجل بص للى جمبه ومشى لما قرب من الجامعه قلت له لو سمحت الباب الرئيسى لمـــــا وصلــت بدفع له الفلوس مرضيش ياخدها قالى لا مش عاوز فلــــــوس انا اترعبت ليه مش راضى ياخد فلوس قلت له طيب عاوز فلوس زياده لازم تاخد الاجره حضرتك عاوز كم بالظبط
قالى يا انسسسسسسسه انا مش عاوز فلوس لانى مش سواق تاكســـــــــى
ولا ن عربيتى مـــــــــــــلاكى مش تاكسى والراجل ده صاحبى وانتى شاورتى لنا وقفت افتكرتك هتسالى على مكان انتى هـــــــــــب فتحتى وركبتى
اى حد ممكن يتخيل الموقف ده الا انا مش قادره افتكره ساعتها اتمنيت العربيه تبلعنى او او ونش يجى ينزلنى من العربيه مقدرتش اتسمرت مكانى وهاتك يا اعتذرات وتاسف وششششى كان ف الارض من الراجل وصاحبه ومن تصرفى من الخضه لما نزلت قلت له انت ليه داهن عربيتك اسود ذى التاكسى :oops:
الحمد لله العبد لله عايش بقاله 19 سنة و 7 شهور عايش و محصلش معايا أي موقف محرج اللهم إلا بعض الأمور اللي متعتبرش محرجة لحد بس بالنسبة لي بعتبرها امور محرجة .. بس أمور لا تعتبر محرجة لأي حد فيكم ..
:):)
هوه صراحه الموقف بتاع جارتك ده انا قولت عادي يعني لكن الموقف ده صعب اني اعديه كده من غير ما اكتب تعليق صراحه و مش عارف ايه التعليق
بس الموقف جججااااااممممممددددد اوييييي الصراحه و فريد من نوعه يعني مفتكرش انه ممكن يحصل لوحده تانيه او واحد في الكون كله
ههههههه
اسمعوا دى
كنت تقريبا فى تالتة اورابعة ابتدائى وكنت قاعد فى المحل بتاع والدى وكان اخويا هو اللى بيدير المحل وكانو متعودين هو والمحلات اللى جنبنا يتغدوا مع بعض عندنا وكان فيه واحد اسمه عرابى اكبر منى ييجى بست سنين مشهور بقفاه الكبير ... غير عادى ... وكمان كان بيمشى مشية تخللى قفاه يبان اكبر... المهم انا اتغديت وخلصت اول واحدة .. رجعت سنة لورا لقيت قفا عرابى بينادينى ... مش عارف ازاى وليه رفعت ايدى وايديته على قفاه فرقع ....فقت على صوت الناس كلها وهى بتضحك بعلو الصوت
بالضبط كانى عملت كده وانا منوم مغناطيسيا ... اخويا ادانى كلمتين فى جنابى انزويت فى ركن المحل ابكى ...
لغاية دلوقتى مش عارف عملت كده ليه ...عرابى عمره ما ضايقنى .. وحتى بعد ماعملت كده ماكلمنيش ...
ههههههههههههههههههه
ما شاء الله المنتدي مليان مواهب
اللي بقبقاب
و اللي بياخد او بتاخد جاتوه الجيران و تعزم عليهم منه
و اللي يضرب التاني علي قفاه و هو لسه 9 سنين.
بجد لو حد جديد دخل و شاف كلامنا
حيخاف و يترعب و هو بيتكلم مع الناس هنا
ههههههههههههههههههههههههه
ههههههههههههههههههههههههه هههههه
انا مكنتش متصور ان الموضوع هيلاقي صدى جامد اوى كده
دموع الثلج :
تصدقي وتآمني بالله .. انا عيطت من كتر الضحك على الموقف بتاعك ..
الاول ضحكت بس .. لكن التاني ده مواقف وطرائف ..
بالله عليكي متحرميناش من الكاميرا الخفية :)
وبالنسبة ows212
معلش طالما هو مزعلش
بس انا مقدلا شعورك ساعات الواحد بيضعف قدام المغريات
انا هحكي لكم على آخر موقف حصلي في شغلي السابق
انا كنت شغال IT مع شركة مقاولات بتبني مطعم كبير تكلفته بالملايين
ما علينا
جالنا مقاول سيراميك الموقع .. وبدأ يشتغل .. وحصلت مشكلة كبيرة اتخانق مع احد العمال وكان مصمم يسيب الشغل ويمشي .. المهم انه مش عارف شكل مدير المشروع لانه لما وصل مكنش المدير موجود والي اتفق معاه مهندس تاني ..
الي حصل ان انا كنت عند مدير المشروع .. بعتلي عشان عنده مشكلة في اللاب توب بتاعه
فقام من ع المكتب عشان اقعد واحلهاله وقعد على كرسي من الاتنين الي قدام المكتب
وصاحبنا دخل متنرفز اوىىىىىىىىى ..
وبصلي وقالي يا هندسة مش هينفع الكلام ده ..
وطبعاااااااا اترسمت على وشي ابتسامه تحمل كل معاني عدم الفهم .. والاحراج واللبخة وزي ما انتوا عايزين تقولوا ..
المدير غمزلي بما معناه اني اكمل كلام معاه .. وفعلا كملت كلام وحليت المشكلة ..
وبعد ما المشروع خلص واحنا بنحتفل الراجل عرف وقعدنا نضحك كلنا ..
بس حقيقي ساعات الواحد بيكون في موقف ميعرفش يتصرف فيه
في انتظار المزييييييييييييييد
تحياتي
حازززززززم باشا ازيك
سعادتك لو كنت شفتنى وانا بشخط فى الراجل واقوله يا عم انت ماشى بالراحه ليه انا بقولك متاخره بسرعه شويه تحس انى بكلم السواق الخصوصى مثلا والراجل من ذوقه كان بيقولى حالا هتوصلى :oops::oops:
بصراحه مكنتش عاوزه انزل من عربيته لانى مكنتش قادره اتحرك اتمسمرت فى الكنبه
هحكيلكم بئه باقى البلاوى بعدين
بص والله المواقف دى بتحصل صدفه واحيانا الواحد بعدها بيحس انه كتله غباء ماشيه على الارض لكن ربك بيسترهااقتباس:
دموع الثلج :
تصدقي وتآمني بالله .. انا عيطت من كتر الضحك على الموقف بتاعك ..
الاول ضحكت بس .. لكن التاني ده مواقف وطرائف ..
بالله عليكي متحرميناش من الكاميرا الخفية
انا حصل معايا وانا في اولي كليه
واحنا في الصيف وواقف انا وصحابي ومعانا واحد جارنا بس اصغر مننا ب 5 او 6 سنين وبعد كده واحده معديه فرحت رامي كلمه راح صحابي قالولي ايه ياعم ميصحش كده فقلتلهم ليه عادي مش دي صاحبه اسلام فراحو كلهم مبرقين ليا وانا قعدت اكررها ومش واخد بالي راحو شدني علي جنب وقلولي دي اخت الواد اللي كان واقف معانا
مره تانيه برده رقفين وواحده معديه فرحت رايم كله وهي سته كبيره مدام وكلنا قعدنا نحدف كلام فلقينا واحد راح متشنج وقالي دي مامتي
انا عندي موقف كان محرج جدا ساعتها ..
بعد حادث الدير البحري الإرهابي بكام يوم، والدنيا كلها متلبشة وقلقانة، كنت ماشي في نفق مترو الأنفاق محطة التحرير، وطابور سائحين ماشي في نفس النفق، وكان معايا زميل باكلمه ومش واخد بالي وبعدين بووووووووووووم، صوت فرقعة جامد والنفق يردد صدا الصوت، الأجانب كلهم وقفوا والعساكر جات وكلهم يبصولي، اللي حصل إن كان فيه كيس شيبسي مرمي ع الأرض وانا دست عليه من غير قصد فرقع ..
الموضوع بسيط -المفروض- بس الحادثة اللي من كام يوم واللبش اللي كان موجود خللى الناس تقلق وانا قلت يا ارض انشقي وابلعيني ووشي جاب 100 لون
اللي يغيظ بجد إن عمري ما عرفت افرقع كيس مرمي ع الأرض لما كنت صغير والعيال كانوا يتريقوا علي عشان معنديش المهارات الفردية دي، آجي ادوس على كيس بالصدفة يفرقع لوحده؟!!!!!
ايييييييه ده كاه ايييييييه ده كلو
بصراحه يادموع انتي متألقه
انتي عارفه انا علشان كده مجبتش عربيتي سودا :) ههههههههههههههه
كملي كملي
انا مرة كنت في شركة ليه معاهم شغل وباروح عندهم باستمرار ... وكنا بنصلي الظهر جماعة في الشركة .... الموظفين كلهم والمديرين ورئيس مجلس الادارة ... كلنا .... وانا الأمام ... وانا في الركعة الاولي ... افتكرت اني نسيت اتوضأ
.... والشيطان بقي قعد يزن عليه .... ويوسوسلي اني اكمل وبلاش احراج ... لكن قولت لنفسي هو انا ح اشيل ذنب الناس دي كلها .....لأ يا عم الإحراج ارحم من الذنوب دي كلها
وخرجت من الصلاه .................... .....
لكن كنت في نص هدومي
علي فكرة دة مش تكرار غير مقصود
لكن الموقف نفسه في نفس الشركة ومع نفس الناس حصل معايا تاني .....
لكن المرة دي كنت خدت خبرة واتصرفت صح .... قدمت واحد من الصف اللي ورايا يكمل بدالي ... لكن الناس ما عجبهاش الحل ده وطلعو من الصلاه واعادوها ... ولما سألو اتضح انهم كان مفروض يكملو ورا الامام الجديد .... المتوضي
ياااااااااااااااااااااااا ااااااااة
مانا بقول الشارع كلة بيوقفنى لية :(:(:(:(
اظاهر علشان عربيتى سودااا :dots:
بصراحة من قبقاب نايل لجاتوة دموع يا قلبي لا تحزن
انا ماشي من هنا احسن
هههههه كريم باشا انا متاكده ان سعادتك مريت بظروف صعبه
قصدى مواقف محرجه فبلاش تريقه سعادتك الطيب احسن
انا مرضتش اقول باقى اللى المأسى اللى حصلت فى حياتى ربنا امر بالستر برضوه
اه على فكره العربيه كان نوعها ملهوش ملامح محدده
هى شكلها 128 مديه على 131 داخله على شاهين
يا جماعه والله انا ركبت من غير ما اشوف ونزلت برضوه من غير ماابص هو انا كان ليا عين ابص على العربيه كمان بعد النيله اللى عملتها
بصراحة المنتدى والتعليقات مسخرة.... من قبقاب .... لمعاكسات غريبة ..... ودموع التلج مبرووك عليكي حائزة الإحراج الكبرى!:)
المواقف كتير بس أفتكر من حاجة حصلتلي مؤخرا :
كنت كالعدة بصطاد في مارينا الساحل الشمالي وبنطلع دايما من بالليل على البحيرات وساعات بتكون الإضاءة مش ولا بد .... المهم بنقف جنب بعض وبنرمي .... إللي ميعرفش الصيد بنحط سنار وبعدين ثقل من الرصاص (الكيلو عدى 25 جنية اليومين دول) ونحدف.... طبعا نظرا لتواجد الصخور والأعشاب البحرية في القاع وإللي بيتغذى عليها الاسماك فإن الرصاص (الثقل) عرضة لأنه يوعر (يشبك) في الصخر.
المهم انا رامي وبعدين ألم الأاقي حاجة تقيلة وافضل أسحب وأسحب ألاقي خيط صيد وفية رصاصة وأبص يمين وشمال مفيش حد بيعمل تصرف غريب وكله باصص للبوصة بتاعته والدنيا ليل ولو انا بشد خيط حد كان أكيد حيحس..... المهم قلت خير ورزق (بدل السمك) واقوم قاطع الرصاصة بالمقص وأرمي الخيط في المية تاني
وهكذا كل نص ساعة او ساعة يحصل معايا نفس الموقف وأقص الرصاصة لحد ما جمعت حوالي كيلو رصاص.
ولما طلع النهار وجينا ماشيين لقيت واحد من الناس إللي بيصطادوا جنب مني جاي بيقولي إنتم إصطدتم حاجة .... قلتله لأ النهاردة ما كانش فية سمك لأن الريح ضعيف والجو مش مناسب.... قام رد عليا وقالي لا الموضوع مش موضوع جو .... الموضوع إن في سمك كبير في المية بيقص !!!! قلتله إزاي قالي أصلي من بالليل أرمي الطعم والرصاصة (الثقل) وأطلع الاقي الرصاصة مقصوصة !!! وده بيبقى سمك كبير مياس او دراك وبياكل الرصاصة وكمان بيخوف السمك الأحجام الصغيرة!
طبعا أنا إتسمرت مكاني وإتنين صحابي وقعوا من الضحك بس انا وشي إحمر وبصيت لهم (في عرضكم بلاش فضايح) !
المهم الراجل كان كله ذوق وأدب وكان جاي يطلب كام واحدة رصاص علشان يكمل صيد وكان مكسوف قوي وهو بيطلب!!!! طبعا ما قدرتش أعترفله بالحقيقة وإني انا إللي بوظت له اليوم بتاعه .... بس إديته نفس الكمية من معايا (مش بتاعته) والراجل يحلف مش عاوز وانا أحلف ... وفي الأخر مشى وفي عيونه نظرات الشكر والإمتنان وأنا في عيوني كل نظرات البراءة والكرم :)
بس قضينا السكة وإحنا مروحين ميتين على نفسنا من الضحك:)
انا شاكر جدا لاهتمامكوا بالموضوع
بس عشان تعم الفايده حبيت اضيف حاجه
دموع الثلج بما انها بالاجماع بطلة الموضوع اتعلمنا بجدددددددد من مواقفها
مثلا اتعلمنا مهما نكون مستعجلين لازم ندقق كويس ... لانه مكنش تاكسي
فمهما كان البال مشغول لازم نركز زز
وعرفنا ان الدنيا لسه بخير بدليل ان الراجل وقف ووصلها .. واستحمل انها تقوله انت ماشي بشويش ليه :)
وزي موقف الجزمة الي اتسرقت .. اتعلمنا زي كريم انه سايب طقم كامل في الشنطة اسبير ودي حاجه مفيده ..وهو نفسه ذكر انه عمل كده بعد ما اتعلم من موقف مشابه لموقف نايل ستورم..
اعتقد يعنى الحمد لله فيه مواقف شفناها هنا صعب تحصلنا لانها لو جت تتكرر معانا هنفتكر الي حصل هنا ومش هنقع فيها ...
اتمنى دوام تواصلكم وفي انتظار المزيد
تحياتي
انا فى مره كان فى واحد بيعاكسنا على تليفون البيت كل شويه واخر مازهقت رفعت السماعه و اديته من المنقى يا خيار فى الاخر لقيت عمى هو اللى بيتكلم بس حظه جه انه اتكلم بعد اللى بيعاكسنا
و مره واحده ظريفه ركنت عربيتها قدام باب الجراج بتاعى لمده يومين و لكوا ان تتخيلوا الواحد بيروح الشغل بتاكسى بسبب واحده تافهه و عربيته مركونه تحت البيت و المشكله انى عامل يافطه تغرم العين جراج حاص برجاء عدم الانتظار و كانت عربيتها لانوس ففتحت الكابوت بتعها و شيلت سلوك الوجيهات بتاعتها علشان اردلها القلم ولكوا ان تتخيلوا منظرها و هى بتتدور عربيتها لما افتكرت ان ليها عربيه بعد يومين من تعطيلى و المشكله انها كانت جايه زياره لواحده يومي و مشيت
كنت فى محاضرة و اعد اشتم فى الدكتور مع و احد صحبى فى الكلية لقيت و شة احمر بقلة مالك قلى دة بابا و مكنش قايل لحد
حصلي موقف الكليه كلها بتحكي عليه لحد النهرده
معيد دخل و قالي خد شييت من العيان اخده و تمام التمام دخل دكتور و هو داخل رزع الباب رزعه و قعت واحد زميلنا على الارض و زقع زي مايكون بيزعق لعيال في حضانه اقعوووووووووووووووووووودو ا طبعا كلنا قعدنا طبعا الي عملها على روحه و الي و شه احمر كده
و بعدين قال بصوت رقيق مين الي اخد الشييت قلتله انا
قالي ها سمعني
قلتله محمد سنه 30 سنه و عايش في الهرم و طبعا كل ده بالانجليزي
لحد اما وصلت للطامه الكبر
قلت 15 بالانجليزي قلتها 50 يعني المفروض اقول من 15 سنه كان بيشتكي من كزا لا قلتها من 50 سنه كان بيشتكي من كزا
طبعا بصلي بصه التنين الي بيطلع نار و قالي هو عنده كام سنه قلتله 30
قالي يبقى ازاي من 50 سنه كان بيشتكي
قلته يا دكتور انا ماقلتش 50 انا قلت 15
قالي طب هاسالك سؤال قلتله اتفضل قالي ايه الفرق بين فيفتي و فيفتين
اتلبخت لبخه عمري ما اتلبختها في حياتي
قلتله ماعرفش
و هاتك يا ضحك و شتايم يا بهيم يا حمار دانت في الجهل عايم و هاتك سمعني قصيده
المهم ضحكت و كملت الشيت
و لان دي كانت حاله مخ و اعصاب لازم اكشف على 12 عصب بيخرجوا من المخ
قالي سمعهلي قلتله يا باشا انا عرفت فيفتي من فيفتين بالضالين هاعرف 12 عصب دول
قالي لا عندك حق انا غلطانلك يا سيدي معلش ماعرفش عدت عليا ازاي
و لقيته بيشرحهم
شافني في امتحان الروند قلت استخبى لقيته جايبني من قفايا و قالي ايه الي موقفك
كده تعالى طبعا انا بطلب النجده غرييييييييييييييييييييييي ييييييييييييييييييييقد
لقيته دخلني و اداني الفول مارك و قالي انت الوحيد الي صمد قدامي
انا في حياتي ما ضحكتش زي ما ضحكت وانا بقرأ الموضوع ده.. وموضوع قديم بتاع زميل هنا كان بيشتكي من مديره (ربنا يهديه) وكانت الاقتراحات نازلة ترف عليه إزاي يؤذي المدير الشراني ده :)
والله انا بقيت باجي هنا اضحك وساعات امووووووووت من الضحك
ايه يا دموع الثلج الناس هتاكل الجو منك ولا ايه :)
ليا واحد صاحبى من اللى بيحبوا المنظرة زى عنيه... يمكن عامله زى كرات الدم فى جسمه...
بعد ما رجع من رحلته من دبى مقاعدش اكتر من شهر... رجع اكنه عمل فورمات لمصر من دماغه... و مستغرب كل حاجه
المهم و احنا ماشين عدينا على ماكدونالز و لقيته طلب ملكشيك و لما البنت جابتله الكوبايه... وشه كرمش و اطابق و قالها هى الكوبايه مالها صغيرة عندكوا كده؟؟؟؟
قالتلو ازار يا فاندم؟؟؟؟
رد عاليها بكل تناكه اوى... قالها اصل انا كنت برا الكوبايه اكبر من كده.
سألته.. هو حضرتك كنت مسافر فين؟؟؟
قالها بنفس الطريقه انا لسه راجع من دبى...
قمت رده عاليه... قالتلوه ثانيه واحده...... جابت كوبايه فاضيا
و قالتله حضرتك بتعرف تقرا.... Made in UAE.
انا مستحملتش الموقف و طلعت برا وقتى.
و فى نفس اليوم قالى ققف عند محل موبايلات... دخل دقيقتين و طلع بيسألنى بصوت عالى هو انا فودافون و لا موبينيل؟؟؟؟
انا اتسمرت من هول السؤال... معقول فيه كده؟؟؟؟؟
عارف يا ashour
اهو صاحبك ده احسن تعليق ليه
نشنت يا فالح :)
ههههههههههههههههههه