ايه يا جماعة خلصت المواقف المحرجة ؟؟
up up up up up up
عرض للطباعة
ايه يا جماعة خلصت المواقف المحرجة ؟؟
up up up up up up
لاء لسة ما خلصتش
الموقف ده فكرني بموقف حصلي مشابه بس كان اسخن من كدةاقتباس:
بيحط المنجة من ورانا وهوب لسة بيحط المنجة لزوجتى الكوباية التانية اتزحلقت راح سايب الكوباية اللى فى ايده على ضهر زوجتى وراحت الكوباية التانية واقعة على ضهرى لاقيت زوجتى قامت وهى فى قمة النرفزة وانا واقع من الضحك والمطعم كله واقع من الضحك المهم زوجتى هديت وقالتلى يلا نخرج بسرعة علشان الحق اغسل البلوزة وكان ردى لا طبعا لان كراسى العربية هتبوظ من المنجة لو ركبنا واحنا مبلولين البلة السودة دى اقصد البلة الصفرا دى وقعدنا نشرب كوبايتين تانيين لحد ما ننشف و خرجنا جرى على العربية وسط ضحكات كل من فى الشارع. وكانت سهرة كل ما اتذكرها اقع من الضحك
كنت معزوم في فرح و كنت لابس بدله رمادي فاتح
و قاعد محترم انا و خطيبتي قبل ما نتجوز
و فجآةً الاقي صينية شربات عليها حوالي 15 كوباية في قفايا
الجرسون الي كان شايلها جه لحد عندي و اتكعبل و راح ملبسني ال15 كاس دول
و ما بقتش عارف اعمل ايه
دخلت الحمام احاول اغسل البدلة لقيتها اتنيلت اكتر
روحت قاعد زي ما انا كدة و خلاص بس كنت ملزق مووووت
الاحراج دى حاجة يومية يا جماعة
مرة و انا مراهق و كنت بحب العب بلياردو اوى....و كان ساعتها المعادى جراند مول تقريبا هو المول الوحيد فى مصر غير رمسيس هلتون...و فيه صالة بلياردو جامدة قدام النافورة و مدخل المول و الكافيه...
المهم انا و صاحبى اعدنا نلعب ساعتين و كان اللعب حامى اوى...و اخر دور انا اللى كسبته و خلصته بحركة جامدة skrew و الناس كلها اتثبتت من انها ما جلتش...روحت انا ضاحك بكل غرور و رميت الأستيك على التربيزة و قلت لصاحبى ادفع و حصلنى يا لوزة....
و مشيت بقى بكل تنطيط خارج بره الصالة...رحت بووووووووووووووووووم لازق فى الزجاج بتاع مدخل الصالة لدرجة ان الكاب خبط فى عنيا و و قعت على الأرض....
الناس اللى كانو بيلعبوا انهارو ضحك بما فيهم صاحب الصالة....و الناس اللى كانو بره قاعدين على الكافيه شرقوا و طرشوا اللى كانوا بيشربوه من كتر الضحك و هاتك يا دموع و سخسخة....
خدت جزائى وقتى.......
انا بقى مرة نازل من البيت ورايح مدينة نصر عندى ميعاد ومتاخرررررررر دورت العربية وحتى ما سخنتش مشيت على طووووول وانا على اكتوبر ناس كتير تقلبلى نور ويودونى فى كلاكسات تيت تيت تيت ويقلبو فى نور ويشاورولى على الباب انا قولت يمكن الباب مش مقفول كويس فتحتة وقفلتة جامد لقيت بردة ناس بتقلب وكلاكسلات ويشاورو انا قولت اية الهبل دة ويومها الجو كان برد جداااا وانا قافل الزجاج وبسمع (فيروز) لحد ما واحد راكب (بى ام) وراح معدى منى وهدى فجاءة وشغل الانتظار رحت مهدى انا كمان ووقفنا المهم نزل من العربية انا قولت عندى فى مصيبة حصلت فى العربية تخيلو لقيت اية!!!!!!!!!!(كنت سايب مفتاح العربية فى الباب والميدالية عندى كبيرة وباينة) هاتقولولى والعربية دايرة ازاى؟ انا مفتاح الكونتاك سايبة لوحدة علشان لو ركبتة فى الميدالية هيبقى تقيل جداااااا على الكونتاك وناس كتير قالتلى التقل بيبوظ البلى اللى جوة الكونتاك
النهاردة
انا كنت واقف مع واحد زميلى فى الشغل من ادارة تانية فى الطرقة وجه ميعاد الانصراف
ولقيت زمايلى فى اودتى مشيوا وهما ماشيين قدامى وانا مش مركز خالص ولا همنى
انا مش فى بالى ، بعد ما خلصت كلام روحت رجعت لاودتى لقيتهم قفلوا الباب ومشيوا والمفاتيح والموبايل والمحفظة جوة
اتصلت بواحد منهم ، حصلته وخدت مفتاح المكتب ورجعت اخد حاجتى
عاوزين كمااااااااااان انا ادمنت الموضوع دا
موضوع جاااامد جدا
انا و انا في المدرسة في الابتدائي كان عندنا ولي الامر لازم يمضي ع الشهادة بتاعة كل شهر
فانا طبعا كنت بتحجج عشان ما يمضيش عليها بانو مسافر
لحد ما في يوم داخل المدرسة لقيتهم بيقولولي مستر ناجي " المدير " عايزك
طلعتله
المدير : بابا فين يا احمد
انا : بابا مسافر يا مستر
المدير : طيب بص وراك كدة
انا بلنح بعيني كدة لقيت بابا قاعد ورايا
طبعا مش هكمل
مرة مروح بالعربية و داخل الشارع بتاع بيتنا اللي في نصه في جزيرة
(زي اي شارع) لقيت واحد بعربية شيروكي سوداء جاي في وشي (في المخالف) و انا كان مزاجي عنب و فل مشغل التكييف و الكاسيت و آخر روقان (مبتحصلش كتير) .. فروحت واقف في وش عربيته و صممت انه طالما هو اللي داخل غلط هو اللي يعديني مش انا اللي اعديه ..
المهم الراجل قعد يشاور لي عالناحية التانية بكل بساطة و انا مش عايز ابص.. و واقف له و عايزه يعدي على اساس ان هو اللي جاي غلط.
بعد ما زهقت روحت معديه انا و هو راح منزل الإزاز و معلي صوته (اكيد كانت شتيمة) بس انا مكنتش هنا اصلاً زي ما قلتلكم كنت في جو تاني خالص.. و بعدين اكتشفت العالم بيحصل فيه اية!!
لقيت صف عربيات كتييييير جاية وراه عشان الطريق الناحية التانية مقفول و الطريق كله متحول على المخالف...
و الله كنت هعيط لما اكتشفت.. و بصراحة نفسي الاقي الراجل دا عشان اعتذر له
بجد عمري ما هنسى الموقف دا ابداً !!
و بجد الموضوع دا موقف جــــامدة موت!! موتتني من الضحك!
اه حوار العربيات التفتكرها مخالفة ويطلع الطريق مقفول ده محرج اوووووي
وافضل اقولو ارجع زي ما جيت مش هتحرك ههههههههههه
من سنتين تقريب وانا نادرا مابروح الكلية المهم كان يوم الشلة كلها متجمعة جوة المدرج وانا كالعادة لازم اجى متاخر فالمهم هموا بيقفلوا المدرج على الوقت بالظبط والى بيجى بعدة بدقيقة مبيخشش .......المعجزة انى وصلت للمدرج قبل ما المعاد بخمس دقايق وانا بنهج ابص الاقية قفلينوا وكام حد كان واقف معايا ولمين شمال مش هتدخل وبتاع ورحت للامن علشان اقولهم انا متاخرتش وناقص 5 دقايق وكنت متعصب جداااا وخارج عن شعورى فدخلونا بالعافية بعد ما سوا اعصابنا وفتحو المدرج وانا لسة مندمج مع الامن وعمال اشتم وابرطم ومش واخد بالى انى كنت دخلت المحاضرة ولسة عمال ارطم مع نفسى والعن اليوم الى دخلت فية الكلية على الدكاترة وابص الاقى الدكتورة واقفة جمبى وانا مش واخد بالى منها وادام المدرج كلللللللللللللة حوالى 2000 طالب فى حالة ابهال قلبت لضحك وانا من لبختى لما خت بالى واتخضيت من المنظر كنت هتكعبل ادمهاا بس بصلتى بصة ورفعتلى حوجبها 4 متر خلتنى مقلش بم ...
هههههههههههههههههههههههه موضوع تحفه
اول موقف كنت فى عيد ميلاد واحده زميلتنا وكنت يومها ورايا مشوار مهم انا وواحد معايا وهى اللى صممت اننا نروح عيد الميلاد فقولت خلاص نروح نص ساعه كدا ونمشى على طول
المهم الدنيا هيصه والدى جى شغال وصاحبى اللى معايا عمال يقولى يلا يلا يلا كل شويه وانا محرج امشى لأننا لسه جايين وخلاص فاضل شويه ويقطعوا التورته ومعظم الناس هتبدأ تمشى فمش هيبقى فيها احراج , فقولتله بهزار استنى ناكل الاول وبعدين نمشى وصاحبنا نزل عليه الصم ومش سامع منى حاجه
كررت الكلمه 3 مرات وهو مش سامع وفى المره الاخيره قولتها بطئ و صوت عالى قوى علشان يسمع , قوم ايه الدى جى سكت فجأه
وبأعلى صوت فى المكان : يا ابنى بقولك استنى هناكل الاول وبعدين نمشى :) , من يومها بطلت اروح اعياد ميلاد
الموقف الثانى كان جايلى ناس ضيوف ورحت قابلتهم علشان اجيبهم عندى يتغدوا وبعدين هوديهم مشوار واللى يعرفنى فيهم مفهم بقا الناس اللى معاه انى حافظ المنطقه وان انا اللى هخلصلهم المشوار ده فى دقيقتين
المهم فى شارع عندنا رايح جاى ومقسوم برصيف من النص بس الناس بتركن عربياتها بكثافه فى الطريق اللى جاى فأصبح باركنج شبه رسمى والطريق اللى رايح بقا اتجاهين
بقالى سنتين بمشى من الشارع ده بدون مشكله وفى يوم بليل وانا راجع كنت مستعجل وعمال اجرى ودخلت الشارع وانا متعود انه رايح جاى , المهم كل اللى مقابلنى مش عايز يوسع ويقلب لى نور وانا انور العالى عند معاه واجرى واللى مش بيوسع كمان كنت برمى عليه علشان انا متخيل انه واخد من حقى فى الطريق
وفى نهايه الشارع لقيت لجنه واقفه وانا داخل عليهم عكس :) , الظابط بكل هدوء قالى انت ماشى كدا ليه قولتله الغريب اعمى ولو كان بصير يا باشا , الراجل بصلى وضحك قالى هبص الناحيه التانيه وابصلك تانى الاقيك فى اخر الشارع قولتله عينى الاتنين
بعد ما لفيت الناس اللى معاى بكل هدوء , متتعبش نفسك يا ابو حميد احنا ناخد تاكسى وخلاص
مره كمان كنت ايام ثانوى وكنت متعهد خناقات ومشاكل وحاسس بنفسى , واحد صاحبى حصل له موقف مع صاحب استوديو واقنعنى ان الراجل نصب عليه فى فلوس وانى لازم اروح معاه اجيب له حقه من الراجل وكدا
المهم ضربت البدى الضيق علشان العضلات تبان وخدت الواد ودخلت الاستوديو و كان ساعتها الاستوديو زحمه وكله ناس منتظره تستلم صور بتاعتها بنات وشباب وهيصه , اول ما دخلنا من الباب ورايحين على الراجل وطبعا هو عارف انى جاى اتخانق بقول الواد بصوت عالى يعنى علشان اخوف الراجل اسكت انت متتكلمش
ورحت فى وسط الاستوديو متزحلق على السيراميك ورافع رجلى الاتنين فى الهوا ومستلقى على الارض فى وضعيه اشبه بالباليه المائى , طبعا واجهه الاستوديو كانت هتتكسر من كتر الضحك رحت قايم بكل أدب وداخل على الراجل قولتله طيب هو الموضوع بتاع الصور اللى اتحرقت ده ملوش حل ؟
موقف كمان من الجامعه
كنت فى محاضره وبعد المحاضره ما خلصت الدكتوره بتاخد اسماء الحضور , تنده الاسم واللى يسمع اسمه يرفع ايده
واحد بارد قاعد جبنى عمال يهزر معاى وبعدين راح نايم على كتفى , يشاء القدر ان البنت اللى قدامى اسمها امينه وانا معرفش والدكتوره يادوب نطقت اسمها رحت انا برد فعل تلقائى شايل دماغ صاحبى وقايله بصوت مسموع قوم يا ابنى انت شايفنى امينه رزق
طبعا انا مش مركز مع الدكتوره ولا سمعت هى قالت ايه ولا فهمت ايه اللى حصل اساسا , انا لقيت البنت لفت وشها وسمعتنى ما لا احب ولا اشتهى ومع كل محاولاتى انى اقنع فيها انى مكنتش بتريق عليها وان انا كنت بهزر مع صاحبى وحصلت الصدفه المتخلفه دى الا انها حتى يومنا هذا وبعد سنتين من الموضوع ده كل ما تشوفنى تبصلى من فوق لتحت
ههههههههههههههههههههههههه هههههههههههههههه
والله موضوع مالوووووووش حل يا جماعه حراااااااااام بجد
انا سخسخت دحك والله الساعه 4 الفجر دلوقتى وانا مش قادر امسك نفسى امى عماله تزعق ونا ولا هنا
بس اول ما هفتكر موقف هحكيهولكو اكيد
اعتقد ان الموقف اللي في الفيديو ده صعب انه يتكرر
ده جيرالد فورد الرئيس الأمريكي الاسبق في زيارة رسمية للنمسا .....و..
ولا بلاش .... علشان ما احرقش الموضوع .....
بجد اتكسفت بالنيابة عنه .... موقف زفت
YouTube - President Gerald Ford Trips And Falls
هههههههههههههه صباح خفة الدم يا احمد ايه المواقف دييييييييييي !!!!!!؟ :d
موضوع تحفة لأقصى درجة ... عايزين كمان يا رجالة
أنا أجمد موقف حصل معايا في حياتي كان في شهر 7 الي فات ، كنت في سوريا
في يوم قررت أروح مع صديقة سورية البلد بتاعتهم ونقضي اليوم هناك ، المهم خدنا ميكروباص والصدفة الغريبة إن السواق طلع جارهم ، فركبنا والميكروباص طلع على الطريق ، في نص الطريق واحدة كانت عايزة تنزل فالراجل وقف على جنب والست نزلت ، وأنا بقى الراجل الوحيد في الميكروباص فأنا الي لازم أقفل الباب
بقفل الباب عادي زي أي ميكروباص في مصر ، وهوب لقيت الباب اتخلع في إيدي ، حاولت أشده عليه لقيته اتخلع من مكانه خالص وبقيت ماسك الباب في إيدي ، والميكروباص كله بيبصلي ومتنح ، وأنا فطست على روحي من الضحك ومش قادر أتكلم أو أتحرك من الضحك :POINTI~2[2]:
الغريبة بقى في الموضوع إن سواق الميكروباص كان كووووول خالص ونزل خد الباب مني وحطه على جنب الطريق وكملنا المشوار من غير باب ..
بعد ما هديت شوية من الضحك ، واحدة تانية من الي راكبين عايزة تنزل ، فقلتلها أفتحلك الباب ، قالتلي : والله ما جصرت :E_braces[1]:
الموقف ده بجد كل ما أفتكره أموت على نفسي من الضحك
المصري معروف بجبرووته
:U_thin1[1]: مش عارفه اقولكوا ايه ولا ايه
المواقف كتير بس اللي يفتكر بقي :tt2:
هعمل ريفريش لدماغى وارجعلكوا :tooth:
ههههههههه
الموضوع ده من زمااااان
لكن فيه شوية ضحك ومواقف محرجة غير طبيعية
اقرأوه م الاول
فيه مفارقات تموت م الضحك
وأنا فى الكلية كان فيه واحد صاحبى عامل معايا دويتو كده خفية دم
فى مرة كنا فى السكشن وكان زحمة شوية وبعدين فيه بنت مسيبة شعرها وقفت قدامنا
صاحبى ده كان غريب الأطوار شوية
فلقيته بيقوللى البنت دى شعرها حلو جدا فقلت له أه
وفجأة لقيته مطلع مقص من جيبه وراح قاصص لها شعرها على غفلة
وأنا طبعا حصل لى إغماء من كتر الضحك والمفاجا’ة
والبنت طبعا فضلت تعيط وتزعق وكان الموقف ما بين صراخ وضحك وإستغراب
بجد مش قادر أنساه
مرة لما كنت فى الكلية كان فيه معايا واحد صاحبى قوى
وواقفين فى الدور التالت بتاع الكلية وبنبص على الكوريدورات من فوق وبنتكلم وبعدين أنا صاحبى ده كان على يمينى وبعدين أنا إلتفت شمالى باسلم على واحد صاحبى معدى (لفتة لمدة ثانية) وباكمل كلامى وحطيت إيدى على كتفه ومندمج جدا فى الكلام إلا وألاقى نفسى حاطط إيدى على كتف بنت ماعرفش جت منين دى ولا صاحبى ده مشى امتى كل ده فى ثانية لأو كنا بنتكلم كمان فى موضوع عن البنات .
أنا مش قادر أنسى الموقف ده ولا استغراب البنت لما لقيتنى حاطط ايدى على كتفها
من كام يوم كنا معزومين عند ناس وفجأة واحنا بناكل لقيت يوسف بيقول لباباهم متكولش بصوت
صمت رهيب خيم على القعدة بعد كلام يوسف والكل بيحاول يتماسك وهوب فجأة محدش يقدر يقاوم اكتر من كدة والكل انفجر في الضحك بما فيهم الرجل
ليس كل ما يعلم يقال وليس كل مايقال حضر اهله وليس كل ما حضر اهله حان وقته
اذا كان الكلام من فضة فالسكوت من ذهب
الحكمة مش بالساهل تكتسب
استرها معانا يارب
مين يوسف ده؟
يانهار ابيض متعرفش يوسف دا كان ليه مغامرات فى المنتدى يوسف افندى
مغامرات جو؟؟؟؟؟؟؟؟؟؟؟؟ الظاهر الواحد مش مقيم بصورة كافية فالمنتدي
بصراحه شويه مواقف فظيعه :d
المنتدي دا فيه مواهب مدفونه ههههههههههههههه :d
فعلا حضرتك شكلك مش بتدخل الاجتماعي كتير وإلا كان لازم تتكعبل في موضوع من مواضيع ومغامرات سفندي
يوسف او سفندي اشهر طفل في المنتدى ابني الصغير
موضوع على سبيل المثال
http://www.nilemotors.net/Nile/146658-a.html
انا حصلي موقف مش محرج اوي , انا كان عندي عربية لانوس لونها ابيض والتاكسي عندنا في الفيوم لونة ابيض في اخضر , وكنت واقف تحت بيت واحد صاحبي مستنية ولقيت واحده ست عجوزه اوي نازلة من نفس العماره بتاع صاحبي ومعاها بنتها تعتبر عجوزه برده واول ما الست الكبيره شافتني واقف قالت بعلو صوتها الحمد لله لقينا تاكسي فاضي وواقف قدام البيت علي طوول الحمد لله الحمد لله كذا مره ,فا بنتها اما امعنت النظر عرفت انها عربية ملاكي فا حسيت ان الست الكبيره حست باحباط شديد , بصراحة صعبت عليا ونفضت لصاحبي واصريت اني اوصلها ووصلتها فعلا. الكلام ده من 4 سنين
طيب انا حكيلكو على موقف من المواقف انا بكره العناكب كره رهيب وكل لما ابقى قاعد مع اصحابى على قهوه ولا حاجة وحد فيهم يخش الحمام لما يرجع اسائله الحمام نضيف وهو بيبقى عارف انا اصدى ايه وطبعا الحوار ده بيخلى الناس تستغربنى لانى لما بخش مكان اول حاجة ابص عليها هى السقف:8954[1]: المهم كنت على قهوه صحبى رجع من الحمام تمام تمام دخلت الحمام ولازم اتاكد بنفسى لا تمام وواقف وواخد راحتى والاقى عنكبوت فاخر مهيب الركن نازل بالغزل بتاعة ووقف ادام عينى بالظبط لكم ان تتخيلو انا رجعيت بضهرى وروحت خارج بره الحمام زى منا ولما اخد بالى من شكلى والمصيبة الى انا عملتها روحت واقف ورا النصبة بتاعت الشاى وروحت عادل هدومى والواد بتاع القهوة مكنش واخد بالة من الموقف فقالى انتا بتعمل ايه هنا قلتلة عايز شاى وانتا منفضلى فقلت اجى اعملة بنفسى :E_braces[1]: دا انا ليا مواقف مع العناكب دى