ههههههههههههههههههههههههه هههههههه
حرام عليكو موتوني من الضحك
خدو بقى حبة مواقف
1) رايح مع 2 صحابي أخوات عيد ميلاد واحد صاحبهم مكنتش أعرفه بس هو يعرفني وكان مصمم أني أروح فروحت المهم الواد ده كان عامل عيد الميلاد عند خالته (كنا في الكويت والواد أبوه أردني وأمه فليبينيه) المهم داخلين من الباب لا قيت الكاريوكي شغال وكله تمام وقدامه واحده عماله ترقص وتتقصع وانا عمال ابوصلها مستغرب الموقف ومستغرب سنها وحواليها بنات برضو فليبينيات المهم داخلين لاقيتها كل واحد مننا تمسكه تبوسه من هنا ومن هنا يعدي تاخد اللي وراه وأحنا مستغربين جت عندي زحلقتها وعملت بنادي على صاحبي اللي كان قدامي المهم دخلنا البلاكونه لأن الجو مش بتاعنا وكده فقاعد أنا وصاحبي ال2 وأتني كمان معرفهمش فبقولهم أيه يا جماعة الست العجيبه دي مين دي ؟؟ دي متخلفه ولا أيه ؟ ولا قيت واحد من صحابي الأتنين يقولي أه صحيح الست دي شكلها ...... , المهم لاقينا واحد أتنطر ودخل جوا فأخوا صاحبي قالي يا بهايهم أنا عمال أكحلكم وروحي كانت حتطلع الست دي خالت الولد اللي ده عيد ميلاده والولد اللي أتنطر ده أخوه :oops:.. طبعا نزل علينا سهم الله وانا أخدت نفسي ومشيت ..
2) في الكليه في سكشن فيزيا في المعمل المعيده كانت بتشرحلي أنا وزميلتي حاجه عالبينش .فكان لسه نتيجه أمتحان طالعه وطبعا العبد لله ربنا حارسه ومتنيل على عينه دايما فبقولها هو الدكتور ده دايما كده !!! بتقولي إيه مش فاهمه وتغمزلي أقولها مش فاهمه أيه .. ألاقي البنت اللي معايا تموت من الضحك ..وانا مستغرب فرحت قايل مش عارف بيستهبل ولا أيه هو على طول كده مش حضرتك كنتي طالبه عنده لاقيتها وشحها أحمر وهوووووووووب
لاقيت المعلم بيناديها وأتاريه عالبنش اللي ورايا على طول:oops: أنا طبعا مكنتش هنا وربنا يستر أدعولي لأن الموقف ده كان لسه قبل أمتحانات الفاينل السنادي ربنا يستر ويكون مكنش واخد باله ..
بس إزاي ؟؟؟!!! ده من بعدها وأنا حاسس أنه حيعطس في وشي يموتني ..
3) كنا مستنين دكتور يجيلنا كان أسمه زكريا وكان متأخر علينا قوي وأنا ماشي في ممر في الكليه قابلت أتنين من صحابي فقولهم بصوت عالي فين يا جدعان زكريا هو بيستهبل ولا إيه كل ده تأخير ؟!!!
لاقيتهم وشهم أتبلم وبيبصوا ورايا وبيقولوا يا دكتور جبنالك الحاجات اللي كنت عايزها :oops:.. روحت قلتقم يا جماعة محمود زكريا بيستهبل قوي هههههههههههه أي حاجه عشان مايخدش باله (مين محمود ده ولاا أعرف)..
5)ههههههههههههههههههه ده بقى اللي مسخرة أحنا في معمل الفيزيا بتبقى في حاجات متعلقه فوق شويه ولا زم يتبصلها من فوق عشان تجيب النتايج وكل صحابي ما شاء الله طوال قوي وانا شبه متوسط وأقل شويه.. والكل بيقف على درج عشان يعلا بيه ويشوف كويس.. المهم أنا عمال أزعق وأقول أزاي !!!! مش عارف أشوف حاجه !!! المهم الدكتور أياه بتاع أول موقف جالي يقولي في أيه قولتله مش عارف أشوف حاجه قالي ليه النتايج مش باينه ولا أيه؟؟
قولتله لا بس أنا عايز درج كمان ههههههههههههههههههه طبعا كان شكلي بطيخه هههههههههه