ياريت تنصحونى بخصوص شراء الاوكتافيا..مهم جدا ليا

**elaraby808** · 27-11-2011 12:17 PM

هو 113 لموديل 2007 كويس مش وحش بس انت بتقول العربيه راشه ...... انا متباع قدام منى موديل 2008 ب 120 الف هاى لاين بحالة الزيرو ....... وبعدين مش تقارن سيراتو بالاوكتافيا .... حتى لو دى زيرو ودى مستعمله ....... قارن الزيرو بالزيرو .... والمستعمل بالمستعمل وفى نفس الفئه والموديل

**benmatar** · 27-11-2011 12:36 PM

السلام عليكم
أنصح حضرتك بالصبر للحصول على حاجة تكون فابريقة بالكامل وكيلومتر قليل عشان موضوع الفيتيس ده مهم وخطير بدل ما تغير الصمام الرئيسي للفتيس (body valve) وده ثمنه 10000ج.م ... أيوة عشر آلاف جنيه. وده مش عيب في العربية ولكن بيحصل بسبب إن المستخدم بيطنش تغيير زيت الأوتوماتيك الأصلي، إنما A5 عربية تمام ومحترمة ولو لقيت موديل أعلى يكون أفضل علما بأن السعر المطلوب عالي حبتين والكويس منها كتير. وبالتوفيق

**rozzario82** · 29-11-2011 05:13 PM

انا قصدى يا جماعه هل الراحه الفرق بين اوكتافيا وحالتها كويسه موديل 07 او 08 احسن من الزيرو سيراتو لانى كنت مع صاحب معرض عربيات وفضل يقولى احساس الزيرو مختلف عن المستعمل حتى لو اوكتافيا وقالى هيشوف اوكتافيا مستعمل ليا

بس انا بتكلم ف متعه السواقه والامان والاوبشن والتكييف (مهم جدا) بالنسبه ليا ف الحر مين كفته ارجح؟؟؟

انصحونى لانى بجد دماغى هتضرب وخايف اندم على الاختيار

**طارق _عبد السلام** · 02-12-2011 06:09 PM

والله يا أخى
اخوك دافع 110 فى موديل 2006 الفئه الاولى كمان
من اسبوعين بس
بس العربيه هى عامله 70000 كيلو من واحد اعرفه كويس بيحافظ جدا على العربيه لدرجه ان العربيه مفياهاش خدش وصيانتها بالتوكيل واخدت منه فواتير الصيانه ومنهم صيانه ال60000 لاتأكد من تغيير زيت الفتيس
بس الحق يتقال غير لى الاربعه كاوتش جديد والبطاريه وغيار زيت 10000 واعطى لى معاها دى فى دى تى فى وبلوتوث بيعمل حوالى 2500جنيه ورخص لى 3 سنوات
بيتهيئلى السعر عالى شويه بس فضلت ادفع زياده بس فى عربيه انا ضامنها
وياريت الاخوه يقولوا لى العربيه تقريبا بالمواصفات دى تعمل كام

**samoreception** · 14-12-2011 06:46 PM

بالنسبة للاستاذ توتى ما شاء الله السعر حلو جدااا وربنا يباركلك فى العربية

**HISHAM80** · 19-12-2011 01:49 PM

المشاركة الأصلية كتبت بواسطة tootte

والله يا أخى
اخوك دافع 110 فى موديل 2006 الفئه الاولى كمان
من اسبوعين بس
بس العربيه هى عامله 70000 كيلو من واحد اعرفه كويس بيحافظ جدا على العربيه لدرجه ان العربيه مفياهاش خدش وصيانتها بالتوكيل واخدت منه فواتير الصيانه ومنهم صيانه ال60000 لاتأكد من تغيير زيت الفتيس
بس الحق يتقال غير لى الاربعه كاوتش جديد والبطاريه وغيار زيت 10000 واعطى لى معاها دى فى دى تى فى وبلوتوث بيعمل حوالى 2500جنيه ورخص لى 3 سنوات
بيتهيئلى السعر عالى شويه بس فضلت ادفع زياده بس فى عربيه انا ضامنها
وياريت الاخوه يقولوا لى العربيه تقريبا بالمواصفات دى تعمل كام

ربنا يباركلك فيها وسعر العربيه كويس جدا كفايه ان حضرتك عارف اصلها و فصلها