رجعت فى رايى وهجيب روووووووووووووووسى

**totaman** · 22-11-2011 12:15 AM

السلام عليكم يا شباب انا اللى كنت عامل موضوع لادا مصرى 2012

ان شاء الله نويت على لادا روسى بس موديل 2011 زيرو ان شاء الله

واللون هيكون فيرانى هوة اللى متوفر عند المعرض اللى هجيب منه وده بعد ما اقنعنى

ان الروسى افضل كعفشة وراحة صالون وانجكشن

دعواتكم بقى ان شاء الله هستلم بكرة وهرخص بعد بكرة ان شاء الله

**a7madramadan** · 22-11-2011 12:33 AM

أولا وأخيرا ألف ألف ألف ألف مبروووووك وربنا يجعلها قدم خير عليك وعلى أسرة حضرتك ويديلك خيرها ويكفيك شرها
للمعلومة بس مافيش فرق فالعفشة و الصالون مش فارق والانجكشن ممكن يتركب للمصري مقابل حوالي 1200 جنيه

بس الفرق الأساسي بينهم هو جودة التقفيل نفسها و دي نقطة مهمة قوي ... وعاوزك تتأكد انها روسي وتستلم ورقة (جواب) الافراج الجمركي عن العربية وتقرأ كويس رقم الشاسيه و الموتور على الورقة وتقارنه بعربيتك و ان شاء الله خير

وكمان اول ما تستلمها ماتنساش تركبلها حاجات أساسية للشتاء عشان احنا فالشتاء : كوفرات الكاوتش للأربع عجلات و كمان هتلاقي عندك الرفارف الي بتبقى ورا العجل الأمامي و الخلفي في عندك اتنين موجودين و اتنين لأ تقريبا الأمامي هم الي مش موجودين تشتريهم و تركبهم ... دي الحاجات الأساسية قوي عشان احنا في شتاء و ألف مبروك كمان مرة :)

وعلى فكرة احنا من اسكندرية لو في حاجة عاوز تعملها فالعربية او محتار في حاجة و عاوز حد معاك انا موجود ان شاء الله :) انا لفيت نفس اللفة بتاعة حضرتك دي في أول 2010 لما استلمت عربيتي :)

**abdalah_hashem** · 25-11-2011 03:34 AM

الف مبروك يا باشا
عرفنا بقى عملت اية

**totaman** · 25-11-2011 10:02 PM

السلام عليكم
معلش يا جماعه اتاخرت عليكم فى الرد كنت مشغول شوية

الحمد لله استلمت ورخصت الحمد لله وفعلا اتاكدت من وجود الافراج الحمد لله وشكرا على المعلومة الحلوة
والعربية فعلا جميله وخصوصا فى المطبات
هى علشان روسى نازله فاضية
النهاردة ركبتلها طقم بايونير كان عندى فى العربية القديمة

بالنسبة لاول صيانة ان شاء الله هتكون امتى وهل اتابع مع التوكيل ولا اعمل الصيانة مع نفسى بره
وسمعت ان فيه فرع صيانة فى سموحة هل موجود فعلا
وكنت محتاج اعرف التانك بتاعها كام لتر بالظبط؟؟؟

**a7madramadan** · 26-11-2011 01:54 AM

سيبك من فرع سموحة اطلع على فرع اسكندرية الصحراوي فالعامرية

نصحوني كثيييير اني اعمل اول صيانة (الــ 1000 كيلو فالضمان) فور استلام العربية عشان زيت الموتور سيئ جدا في ظروف جو مصر و كمان زيت الكرونة مش مناسب وبالفعل عملتها وريحت دماغي..... و شوف لو محتاج تركب علايات للعربية لو واطية من ورا بزيادة و كمان ما تنساش تركب الكوفرات بتاعت الكاوتش عشان احنا فالشتا للحماية من البارومة
وابقى ركبلها سنترلوك و انذار و ظبط كماليات على زوق حضرتك :)
و ألف ألف مبروك يا أفندم

**mirra** · 26-11-2011 02:22 AM

الحمد للة انك وفقت و جبت الروسى.الفرق كبير جدا فى النضافة و التقفيل.الف مبروك و ربنا يديك خيرها و يكفيك شرها.

**Eng_hatemfathy** · 26-11-2011 10:26 PM

من مصر لروسيا يا قلبى لا تحزن -كلمه قالهالى احد موظفى الامل فرع النزهه سنه 2004 لما كنت بفكر اشتريها وبالفعل لقيت التقفيل سىء قى الاتنين وغيرت رأيى وجبت 2110 طبعا فارق كبير بس شربت بالفرق قرف 6 سنبن لحد لما انتشرت قطع الغيار بره التوكيل وشربت الباقى وانا ببيع واضطريت اخسر 36 الف علشان اغبر العربيه للاسف بعد الشركه الهندسية اللى كان معاها التوكيل فى الثمانينات العربيه ضاعت قيمتها واصبحت لا تقارن باى عربيه فى سوق السيارات وخاصة مع التمسك الرهيب بشكل وتصميم عفا عليه الزمن
عامة الف مبرزك ربنا يرزقك خيرها ويجنيك شرها واحرص من البارومه فهى افة هذه السيارة وخاصة ذيل الابواب والكارتيرة مع الشنطه والرفارف والفاصل بين الزجاج والقائم